Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
Noa mo bulu na akai toavaravara.
Siu Huqe Mauri mo veve lawe Noa, "Neu nain vei vohogi na gineu mwaso doluegi huri a ureure u horo gena vuro huri hi neu nain vai vohogi nire mena ureure. Siu gon vai na nom akai toavaravara gena gai nanara, goin wahe na lologi goin bulu goro na lologi me tavala varea gena gineu bubulugi. Goin bulu na akai toavaravara mwere a gwaravugi sugu vudolue vagatolu, lawuagi sugu ngavulu gailime, ulugi sugu ngavulu gaitolu. Goin veie vin rovo goin vei na vulugi sugu gategale. Siu vin wawanga goin vei na matai turegigi lo mwararai akai toavaravara lo gai bibile lo lalangagi vuine, lo livugegi me gaitoligi lo ulugi.
Huqe Mauri mo vai na waga mo duduni na gineu mwaso doluegi.
Siu i Huqe mo veve lawe Noa vena, "Siserigi ngaha niko mei renetumu, tubui lo valemu mei tubui lo valei renetumu nein ehu lolo akai toavaravara huri niko hogosie tangaloi vovohoi lo nagogu dena karumu.
Siu i Noa mei renetune, tubui lo valena mei tubui lo valei renetune rau ehu lolo akai toavaravara huri na waga vin lawua. A gangarue rau mwasara mei ngere rain mwasara tea lo nagona, gineu doluegi ram olo, mena gangarue ram toga lo tano, gairue gairue rau ehu mei Noa lolo akai toavaravara, mwera mena vavine mwere hi Huqe Mauri u veve lawe Noa. Lo tagui rani gaibitu wai waga mo tavuigi mo luluvi na ureure.
Me lo taro ngere mweragi mena vavinegi doluegi rau ehu lolo akai toavaravara u rovo, mwere hi Huqe Mauri u veve. I Huqe Gogona mo gorogoro na matai turegi.
Siu a waga u eno lo ureure rani ngavulu geivesi, wai u horo mo lawua mo raka na akai toavaravara taulu mo tabe na akai toavaravara mo maraga dena ului tano. Wai mo horo mo lawua mo lawua vohogi lo ului tano nge aka mo halehale lo ului wai.
Siu i Huqe Mauri u vei vohogi na gineu doluegi rau toga lo ului tano bubugi tangaloi mena gangarue ngere ram toga mena gineu doluegi ram olo lo mawe rau mate den ureure. Noa mei renetune, me gangarue lolo akai toavaravara hogosie rau mwaso.
Me a wai mo qega mo hivo rorongo taligu. Lo taro hi rani vudolue avigi ngavulu gailime wai mo qega rorongo. Me lo vule gaibitugi, lo rani hangavulu domwagi gaibitu, a akai toavaravara lawua mo saga lo ului vusi Ararat.
Lo tagui rani ngavulu gaivesi, i Noa u langa na matai lengi lo akai toavaravara hi nge u bulue. Me mo hora tavarea a manu lawua a weu me mo vano mo hi tudori tea, dadari wai mo mamaha lo ureure. Siu mo hora na mwaragi den akai toavaravara ve na leo huri ve a wai u rovo dena ului tano nge a mwaragi he hue na gineu tea ve na toga lune huri a wai mo horo radu me mo tudori lo akai toavaravara. Noa mo batoragi na limana lo matai lengi me manu mo toga lune mo laie sulolo aka Me mo rarai rani gaibitu me mo hora nam wara tavarea taligu dena aka toavaravara. Me lolo revirevi a mwara hi mo vomai taligu lobena. Wou! Mo wali na raui gai qaro oliv lolo wawana, me i Noa mo ilo huri ve a wai mo kakarani mo qega dena ureure. I nge urarai rani gaibitu taligu, me mo siregi na mwaragi tavarea taligu nge mwaragi hi mule tea lobena taligu.
Siu lo higao ngehi i Noa higaona vudolue vaga ono domwagi gategale lo muei vule lo muei rani lo vule hi wai u mamaha vurugegi. Noa mo roa na langa ului akai toavaravara me mo leo a tano u mamaha beno.
Huqe Mauri mo gato lawe Noa vena, "Noa ko mwalue den aka, niko mei horamu mei renetumu mei horara. Goin lei vohogi na gangarue mwaso mei go gineu doluegi ram olo, gangarue me ngere ram taga lo tano huri rain sao rain vehuhu rain sao vin lulu lo tano."
Siu Huqe Mauri mo veve lawe Noa mei renetune ram ti meie. "Neu hingaha nam rarai ven nain teu na noku waratau siaga mei ko me mei renetumu lo tagumu vage. Me vatavataha na gineu mwaso ngere hilogo ram ti mei go, a gineu doluegi ram olo, a gangarue mwaomwao me lalangai gangarue turu, ngere rau mwelue dena akai toavaravara mei go, me vage a lalangai gangarue lolo ure. Me neu nain membu na noku waratau gogona siaga mei gimiu. Me mwasoana doluegi nain hi wehire tea gen wai taligu. Me a waga vin he ngahigi na ureure te taligu."
Nau teu na noku hinmwehinmwe nain vei raraie lolo tainlengi ven na vuragi na gigilegi waratau siaga mena ureure.