Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
Noé vana akĩ. "Ramaro naaivo mai shavapa shokoyavorasĩ ato ẽ keyokatsa, ashkã ranĩnanãi maí maí isvo oĩinã. Askái yorarasĩ, mai õsiki ato ẽ keyokatsa. Askámaĩnõ, miãro, iwi cipreste ivo kavẽsho, rãtxa anipakĩ shovimavaikĩ, karovi pae txapi ashõ anõ vestotso, petxirisho nakirisho avévakĩtso. Aská avaikĩ naki paró akõvaĩtso. Ãwẽ rãtxa keyá tanáshokĩro 133 metros, ãwẽ shotxi akĩro 22 metros, ãwẽ pespã ivoro 13 metros atso. Aská akĩ matxi peno ashõ, aa teróchta ãwẽ kene shavá sawẽketakĩro 45 centímetros atso. Askáki amari ãwẽ pespãnero kepoti westíkase sawẽi, ãwẽ mai iinakaĩa 3 aoi, wetsaro teró, wetsaro naki kawãya, wetsaro matxika aatii atso.
Askávai txipo Yavepa Noé tanamakĩ, "mia, mĩ aĩ, mĩ vakerasĩ, atõ aĩvorasĩ aatii rãtxã weina. Mia westíse chinã meki yora ẽ oĩvaĩvaĩa.
Aská akĩ enẽ ato txivãkatsa vevo, aa, ãwẽ aĩ, ãwẽ vakerasĩ, atõ aĩvorasĩ aatii rãtxã weivo. Atõ askámaĩnõ, yoini venepavo, yoini koĩ ivo, yoini koĩma ivo, maĩ noyõ ikiya, maĩ meshoya, peiyavo akárasĩ, atõ aĩyai rãtxã Noénĩ weivo, Yové Koĩni yonoa keská akĩ. Askávai txipo, 7 shavá tavákémaĩnõ, enẽ mai ivo ainakĩ.
Katsése chinã viayavorasĩ atõ aĩvorasĩnĩ weivo, Noé ãwẽ tanamavai keskáki. Askámaĩnõ Yavepa ato kepoki.
Askái 40 shavá ene ãtsa isi, nasháma. Rãtxa mai enenimashõ nonõki. Enẽ ãtsaki mai ãwẽ ivo ainámaĩnõ rãtxa nonóinái.
Askái keyótivo, naaivo mai shavapa shokoyavorasĩ, yora, yoini, maĩ noyõ ikiya, maĩ meshoya, peiyavo, akárasĩ keyótivo. Askámaĩnõ Noénĩ rãtxã pashayavorasĩchtase teshékétivo.
Askávai 150 shavá tavái, chinã ashõchta ene nashá nashápakékaĩi. Askái 7 oshe nokói, aaivo oshẽsevi 17 shavánamã rãtxa Ararate matopa rakápakei kaí.
Askávai 40 shavá tavákémaĩnõ Noepa rãtxã oro ãwẽ sawẽchna ivo kepẽki. Askávaíki, "mai varíkéai", ravãki, oka ãwẽ yonoa noya noyakawãi matsíkawãsi. Askávaíki txipo noma yonoóki, "waka nashái mai varíkémara oĩóta", iinã. Aská akĩ noma ãwẽ yonoa, anõ tsaópakéti yama oĩketani okĩ rãtxa chinãvarãóki. Wakase rakáa, mai tachima oĩtani ãwẽ omaĩnõ, mevi ãwẽ weáshoá anõ ãwẽ tsaópakei omaĩnõ atxivaíki arimẽse rãtxã naneóki. Aská anosho 7 shavákase manávaíki rãtxãsho arimẽse noma yonoóki. Ãwẽ aská aka itãi iokarãki yãtã oliveira mani pei venáka tokõsho tachikarãi. Ãwẽ askámaĩnõ, "waka nashái", iinã tanaki. Aská oĩinã 7 shavákase manáóki. Askávaíki noma ãwẽ yonoóa iokarãóma.
Aatiãro 601 vari aya. Naaivo vari txitavía, oshe rakáa venapa, waka nashái, mai mãkõkaĩi. Askámaĩnõ ãwẽ rãtxa peshé txoyo avaikĩ, mai mãkõkaĩa meraki.
Askánamãsho Yové Koĩni aa tanamakĩ. "Rãtxãsho kayakaĩ, mĩ aĩ, mĩ vakerasĩ, mĩ vakẽ aĩvorasĩ aatíi. Atonĩ mĩ kãtxía ivo yoinavorasĩ keyoki poshakõi arí. Yoini peiyavorasĩ, yoini venekavo, maĩ noyõ ikiyavorasĩ, maĩ meshoyavo aká, revovaĩi ave maitiónõvo", akĩ.
Aská txipo ato tanamaóki. "Ramaro mato tekísma ivo vana ẽ eneshokatsai, matomẽsho revokatsa ivorasĩ askásevi aká. Askávaíse matonĩ shokoarasĩ askásevi, yoini peiyavorasĩ, yoini iná ati ivorasĩ, niitero ivorasĩ, ashkã rãtxã shokosho matonĩ poshókõvai ivorasĩ aká, yoinavorasĩ katsése ato ẽ ashõókatsa. Tekísma ivo vana mato ẽ eneshoavere. Txipokiri chinã viayavorasĩ enẽ txivãmakĩ ea ato makimaotĩpá. Naaivo mai enẽ txivãmakĩ ea keyootĩpá", akĩ.
Naí oshõ nawã vai ená ivo ẽ rakãkatsa, tekísma ivo vana anõsho onãtakĩ oĩnõvo iinã.