Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
ज कय देदु ने अळी ईसु तींद्रे देखते-देखते उपर सरगे मां हाकलाय गुयु, ने वादळो तीनाक ढाक लेदो।
ईसुक जातलु देखीन चेला सरगे भीणी एक हेट्या देख रवला, तत्यार धवळा पुथल्या पेहरला दुय अदमी तींद्रे धड़े आवीन उबा हय गुया, ने तीनुक कह्या, "ए गलील मां रहण्या माणसे, तुहुंं काहा उबा हय्न सरगे भीणी देख रया? हीयुत ईसु, जु तुंद्रे ईचमां सी सरगे मां हाकलाय गुयलु छे, ईनेत रीते अळी पछु आवसे, जसा तुहुंं हीनाक जातलु देखला छे।"
पछेन मालीक ईसु तींद्रे साते वात करीन पछेन सरग मां हाकलायन गुयु ने भगवानेन जेवड़्ये आंगे बठ गुयु।
तत्यार ईसु आपसा चेलाक सहर सी बाहर बेतन्या सहर धड़े ली गुयु। जत्यार चे चां पुग्या, ईसु आपसा हात उचा करीन संयबरकत आप्यु। जत्यार चु तीनुक संयबरकत आपणे बाजी रवलु, ती चु ईसु तीनुक छुड़ीन सरगे हाकलाय गुयु।
मारा भगवान बासेन घर मां रहणे करीन बेसकु जागु छे, कदी नी रहतु ती तुहुंंक पेहलुत कय देतु। मे तुंद्रे वाटे घरेन तज्बु करने करीन जाणे हींड र्यु।
मे तुहुंं काजे छाचलीन ज कहं, जु मारे पर भुरसु करे, ने च बी मे करो चे काम करसे। मेते भगवान बासेन्चां जाणे बाजी र्यु। ने मार पर भुरसु करन्या ईनु कामे सी बी मटा काम करसे।
मे भगवान बास सी नीकळीन कळी मां आय गुयु, ने अळी पछु कळी काजे छुड़ीन भगवान बास भीणी जाणे बाजी र्यु।"
ईसु तीनी काजे कह्यु, "मे हय लग भगवान बासेन चां उपर सरग मां नी गुयु। ने मेसेक छीमीन मां रुके, बाकुन मारा भायसेन चां जाय्न तीनु काजे ज कय दे, की ईसु कय र्यु की, मे मारा भगवान बासेन्चां जाणे हींड र्यु, हयु हय सी तुंद्रु बी भगवान बास छे।"
पछेन ईसु कह्यु, "हय मे ईतरीक वार तुंद्रे पुठ्ये रय्स। ने अळतेन मेसेक जु मकेल्लु छे, तेरेन्चां पछु जाती रय्स।
तीनी छाचाय पर टेकीन आपणु भगवानेन भक्ती कर रया ची छाचाय पेहेल सातायली हतली बाकुन भगवान हय तीनी छाचाय काजे उजेंतु करलु छे हेरेम काय बी सक नी हय जी छाचाय बेसकी उंडी छे ने असी छे:
ईसु मसी डील मां उजेंतु हयु,
चुखली-आत्मा मां धरमी बण्यु,
चु सरग वाळा खबर लावण्या काजे देखाव पड़्यु।
आड़जात्या नी-यहुदी माणसे मां तेरु परचार हयु,
ईनी कळी मां माणसे तेरे पर भुरसु कर्या,
ने चु सेक-सींगार भेळु सरगे मां हाकलाय गुयु।