Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Pal kala lava sas angle lengre jakha hazdlo upre andro ňebos a e chmara les iľa pašal lengre jakha.
Androda, sar dikhenas upre pro ňebos, jekhvareste paš lende ačhile duj murša urde andro parne gada, a phende: „Muršale andral e Galileja, so kade ačhen a dikhen pro ňebos? Kada Ježiš, savo sas tumendar ilo upre andro ňebos, avela pale avke, sar les dikhľan te džal andro ňebos."
A paloda, sar lenca o Ježiš dovakerďa, sas ilo upre andro ňebos a bešľa peske pal e čači sera le Devleskri.
Paľis len iľa avri paš e Betanija, hazdňa o vasta a žehňinelas lenge. Androda, sar lenge žehňinelas, geľa lendar sikra dureder a sas ilo upre andro ňebos.
Andre mire Dadeskro kher hin but khera, te oda na uľahas avke, phenďomas tumenge, hoj tumenge džav te pripravinel o than?
Čačes, čačes phenav tumenge, hoj oda, ko pačal andre ma, kerela ola skutki, so me kerav, a mek the bareder kerela, bo me džav ko Dad.
Avľom pašal o Dad andro svetos. Akana pale omukav o svetos a džav paš o Dad."
O Ježiš lake phenďa: „Ma chude tut mandar, bo mek na somas upre ke miro Dad, ale dža pal mire phrala a phen lenge: ‚Džav upre ke miro Dad the ke tumaro Dad, ke miro Del the ke tumaro Del.‘ "
Akor lenge o Ježiš phenďa: „Mek sikra časos som tumenca a paľis džava ke oda, ko man bičhaďa.
Čačes viznavinas, baro garuďipen hin andre oda, so pačas:
O Kristus sas zjavimen andro ťelos,
ospravedlňimen andro Duchos,
dikhle les o aňjela,
maškar o narodi pal leste kazinenas,
pačanďile andre leste andro svetos
a sas ilo upre andre slava.