9 Viyamambukize kulonga vivo, kagaligwa uchanha kuulanga kuno womulola. Abaho ulanga umfisa, hawamone kabili.

10 Viwakalile wang’hali wolola bunhuu kuulanga Yesu viyakalile kochola, bahaja wanhu wabili wavalile viwalo vizelu chuwee wema habehi nao. 11 Walonga, "Mweye wanhu wa Galilaya, habali mwima aho na kulola uchanha kuulanga? Yesu iino yagaligwe uchanha kuulanga kulawa kumwenu, kobwela kabili kamba vivo vimmona kochola kuulanga."

19 Mndewa Yesu viyamambukize kulonga na wanahina zake, kagaligwa kuulanga, kakala muukulu mwambu wa mkono wa kudila wa Mulungu.

50 Abaho kawalongoza kunze kudibuga mbaka Betania, ako kenula makono gake, kawatambikila. 51 Viyakalile kowatambikila, kawaleka kagaligwa kuulanga.

2 Mng’anda ya Tatangu kuna magati mengi, maza haili vivo sambi niwalongele. Nochola kuwatandileni hanhu.

12 Nowalongeleni ukweli, wose wonhogola wotenda gaja ganhendile, wotenda makulu ng’hani kubanza gano, kwavija nochola kwa Tata.

28 Ndawa kwa Tata na niza mwiisi, na sambi nosegela mwiisi, nochola kwa Tata."

17 Yesu kamulongela, "Sekeungoge kwavija ning’hali sinachola kwa Tata kuulanga. Lakini genda kwa ndugu zangu ukawalongele nochola kwa Tatangu vivija Tata yenu, Mulungu wangu vivija Mulungu wenu."

33 Yesu kalonga, "Nokala na mweye kipindi kidodo, na abaho nochola kumwake ija yanhumile.

16 Kuduhu shaka mbuli ya vinhu vifisigwe va kutamanila kwetu.

Koneka mulukuli lwa kiunhu,

kalagusigwa na Loho Yang’alile kuwa kotenda ganogile,

koneka na wasenga wa kuulanga.

Mbuli zake zipetigwa mziisi zose,

katogoligwa mwiisi yose,

kagaligwa kuulanga.