Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Ego ko sa beto tugu paranga vei inara isa, poni sa tonai tugu qai korapa dodogorodia ira sa sa tateku sae pa noka sisa, beto sa sa lame kai lei ko sa vapaea ko qaike batia sa totonai.
Ego ko qai korapa tugu enga doro tututia ira sa na saena isa pa noka, poni sa qai votu vasiboro turu tavitiria sa karu tinoni qai popoko keala, ko pira qarigu, <<Boko minete tinoni Qalili! Ai sa vei ko qu korapa tu turu enga sae vei pa noka sagou? Isa tugu i Jisu api, isa sa tapikata tamugou ko sa tateku sae pa noka, sa mina mule lagere pa soana vei tugu qu batia sa sae pa noka sisa,>> qarigu.
Sa Tateku Sae pa Noka si Jisu
Ego ko totonai sa beto parangaria i Jisu na Bangara sira nona sepele sa sa tateku sae pa noka, ko sa toqo pa kale matuana na Tamasa.
Na Mule Saena i Jisu Mule Noka
Ego beto sa sa toni votu lao veiniria pa Betani i Jisu sira, beto sa alakaniria na limana ko sa mananiria. Totonai sa korapa mananiria poni sa rijo tadira sisa ko sa iolo taloa tadira ko sa sae vei pa noka.
Pa ruma tana Tamaqu sa soku jola sira na ia susuverena. Vei bike sosoto sa bake pojanigou na veveina ara sapi, goto ara sa kopira sa ma lao vatana vanigou kai ia sagou.
Sosoto pa sosoto ma pojanigou ara sagou: isa sa vasosotosiu ara sa ira na roiti qa roitiniria ara sa mina roitiniria, beto ko mina lavata jolaniria na roiti aipira sa mina roitiniria isa, ura ara sa qa korapa lao tana Tamaqu.
Qa koko lagere vei tana Tamaqu poni qa lagere pa kasia gusu sara, beto ko kopira mule sa mana taloa pa kasia gusu api ko mana mule lao tana Tamaqu sara, sau si Jisu.
Sa paranga lao tana si Jisu, <<Muke ulisiu, ura qa oqoro mule sae tana Tamaqu sara. Goto mu lao tadira ka visa tasiqu ko pira muguniria, <Ara qa korapa mule lao tana Tamaqu beto na Tamamiu tugu vei agou, na qua Tamasa beto na miu Tamasa tugu vei agou sara,> muguniria,>> saunia.
Poni sa pira sauniria i Jisu sira, <<Ara sa mana suvere iapeki totoso mule tamugou, beto sa kode mana laoqua tana isa sa garunusiu.
Ko kepore kai tinoni mina boka vasekea sa na poreveveina jola na gigalai golomona na pangagana na Tamasa:
Isa sa bola votu pana tini masa,
sa taule votu na tuvisina pana gagala,
sa tabata tadira na mateana.
Sa tatarae tadira na tinoni karovodi,
sa tavasosoto pa kasia gusu,
sa tateku vasae pa neqi.