Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Pamalidile kutangola anelo, Nnungu nkuntwala Yesu kuhwena kulihunde, na pavachihweneha kunnola, nkutitimila mmahunde.
Pavanavele nkupalambahija meho kumahunde akuno Yesu avenkuhwènà, gafula nkuhumila malaika va Nnungu vavili vavêle muchi valume, vawête dinguwo dyanahe, nkuimila pamo na vanang’o, nkuchidoni, "Amanganya mmanu mma pa Galilaya, mwadachi mùniimila umulola kumahunde? Ayu Yesu atwaliwîje kwenu mwenu kuhwena kulihunde, àmbeida kavila malinga chimummwene wahwena kulihunde."
Kutwaliwa kwanga Yesu kuhwena muha kulihunde
Bahi Nang’olo Yesu pamalidile kutangola navo malove anelo, Nnungu nkuntwala Yesu kuhwena muha kulihunde kwa Nnungu, nkuikala m’bali wa kunkono wa Nnungu.
Kutwaliwa kwanga Yesu kuhwena muha kulihunde
Bahi Yesu nkuvalodya vakuhundwa vake kuhwena pepi na chijiji cha ku Besaniya, aneko nkunyoloja makono lake muha, nkuvabaliki. Panavele nkuvabaliki nkuhapukana navo, Nnungu nkuntwala Yesu kuhwena muha kulihunde.
Nng’ande mwa Atatangu mùvele nafasi yohe, kwikavele ikàva uchocho nikàvele nìnnyaulidile. Na hambi ngùhwena unamwandalila anepo pachinu.
Nangu nìnnyaulilanga uhiu kuva, angukulupîla nangu, nang’e achialatende àlalá langulatenda nangu, na achiahalije kutenda makulu kupunda ala, ing’anya nangu ngùhwena kwa Atata Nnungu.
Nangu ngùhaleke kwa Atata Nnungu, nkuida pachilambo, na hambi ngùchileka chilambo, ngùuya kwa Atata Nnungu."
Yesu nkunnyaulila kuchidoni, "Unangukamule, kwa kuva nikanahwena kwa Atatangu. Henga hwena kwa anung’unuvangu ukavahaulile kuchidoni, ‘Ngùhwena muha kwa Atatangu, nanang’e nni Atatawenu, Nnungu wangu na nni Nnungu wenu.’ "
Yesu nkuhaula kuchidoni, "Nangu nìmbekuva pamo na mwenu kwa mahiku kadiki, koka nguhwene kwanga ayula angutumîle.
Nanga lipamba lyohelyo kuva, alano njo makudungilo lanapihike la ukulu wa ing’ulupa yetu kuva,
Kilisto áhumidile kwa nfano wa munu,
na kumaihwa na Umumu Wanaswe kuva nang’e njo wambone pameho panga Nnungu.
Nkwonwa na malaika,
na kuyanjajwa mmilambo vyammalele.
Nkukulupilwa pachilambo chammalele,
na kutwaliwa kuhwena kulihunde unàvà muhali ya ukulu.