Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Ou a manine ku amba eyi, wa shimbiwire ku twariwa mu wiru o kwa na mu tanekera, karo divui dya mu thsikire.
O kwa na mu rupukera kengeyo o ku kengena mu wiru, popo akwerume aidi awa vatire evata yo ku vyakima a nemanine ku nyonga thzo. A ambire ci: "Amwe mwakwerume o ku Galilea, ine eyi mu nemanena kuno o ku mu na rupukera ku wiru? Oyu Yesu na shimbiwa ku kwenu ku twariwa mu wiru kenge a ku ka huka dyodi mu na mu mono o ku thza mu wiru."
Fumu Yesu ou a manine ku ambaurano, wa shimbiwire ku twariwa mu wiru no ku kekara ku dyoko dyo rudyo dya Nyambi.
Yesu wa i tangererire ku thza ku Betania, ou a ka kumine wa yerurire moko enthzi mu wiru no ku i fiyawera. O ku i fiyawera kengeyo, wa i thsiire ayepo twariwa ku wiru.
Mu nthzio thza Tata mo tu di tupingwethzi totungi. Nga kadi kengeyo ne, ine nga ni na mi amberera ci naa thza ni ka mi roithsere ndau?
"Naa mi tongwera yoshemwa ci yomuhe o ku tawa ku kwange naye kenge a ku kwama ekwama eyi ni kwama, mane kenge a ku kwama yoikuru kupita eyi, inene naa thza kwa Tata.
Shime na ni tundu kwa Tata ku keya muno mu kaye, pano honi naa thsia kano kaye ku huka kwa Tata."
Yesu wa mu amberire ci: "Wa ni kundama, inene ni shime ku thzina mu wiru kwa Tata. Unone o thze kwaenthzange o ka wa tongwere ci naa thzina mu wiru kwa Tata aye Tata wenu namwe, Nyambi wange no Nyambi wenu namwe."
Yesu ngou a ambire ci: "Ni shime tango kwikara nenu thsikati thsothsipu, mbeci honi na ku thze koyu naa ni tumu.
Yoshemwa kwithsa o ku hamura okuru o diano dyo thsitawo thsetu,
Krisitu wa hokokire konu,
Mupepo wa pire ombangi o ku monithsa ci muwawa,
wa moniwire ku tungeru,
kwa hongiwire yenthzi mu matunga oahe,
kaye ka mu tawire,
wa twariwire mu wiru mu kutethzima.