9 Eze abinde kulonga ivi, niyo enulwa kulanga iivi wakamsinya, niyo vunde dya mgubika iivi wakamsinya.

10 Umwo wandile wakei wenule meso yawe kulanga umwo Yesu andile akaita, wagosi waidi wavaile suke zing’aile mbe, nawakimala hagihi yawe. 11 Niyo wawagamba, "Nyuwe want’hu wa Galilaya mkimalizwa nii aho mkakaula kulanga? Uyu Yesu aguhuhigwe kulawa mwenyu, naauye enga iivi mmuwone akaita kulanga."

19 Ivo Zumbe Yesu eze ajink’he kulonga na woho, niyo enulwa kulanga kwe mbingu no kwikala kulume kwa Mnungu.

50 Niyo awalongoza mpaka Besania, uko nuko enulaga mikono yakwe no kuwavikila. 51 Umwo akawavikila, niyo akepagula no kuwasa, niyo aguhigwa kulanga kwe mbingu.

2 Mwe nyumba ya Tate, mna wikazi mwingi, naho miye nagenda kuwaikilani lumwe hant’hu ho kwikala, vandile hiyo ivo hegu nehimigambilani.

12 Namigambilani ikindedi, wadya wakunihuwila nawadamanye yadya hudamanya miye, kindedi, naho nawadamanye mbuli zikujink’ha izi, kwaviya miye naita kwa Tate.

28 Hiza kulawa kwa Tate naho hiza kwe isi, naho ivi haluse nahalawa mwe isi naita kwa Tate."

17 Yesu niyo amgamba, "Usekunitoza, Kwaviya nikei kuuya kulanga kwa Tate. Mna ita ukawagambile ndugu zangu kugamba, nauya kwa Tate yangu naho hata woho ni Tati yawe. Mnungu wangu naho Mnungu ywawe."

33 Yesu niyo alonga, "Usigala lupisi mdodo wa kunda na nyuwe, nikakuheza neniite zangu kwa yudya aniletile.

16 Hakuhali kuuza uza kindedi kigubulwe cho lugendo lwetu lwe Kimnungu kugamba,

Nakakelaviliza enga mnt’hu

Nakalagiswa ni Muye ywa Mnungu kugamba amwelela Mnungu,

watumigwa wakwe mbingu niyo wamuona,

mbuli zakwe zenezwa kwa want’hu wa makabila,

nakahuwilwa ni want’hu wose mwe isi,

niyo aguhigwa kuita kulanga mwo ukulu.