9 Yesus 'o kanau so’o gena togumu i’a, Ma Jou’ongu Madutu 'o sibere Unanga sie da’u soroga ra ananga manga biono re 'aḏi tatamo ie Unanga singadolo 'o kakamo 'i sao Unanga singadolo ananga 'U oḏi’i riwara.✝

10 Toma 'orasa ananga 'aḏi tatamo ie moju da’u diwanga wakutu Yesus 'o pere toma soroga, kage-kage ngowa’a nga muḏiḏi ga’a manga pakeanga bu-buḏo 'aḏi made-de’oso ra ananga manga gagoro. 11 Ananga 'aḏi kanau, "Hai ngowa-ngowa’a Galilea, i’a sa’olo ngini ni made-de’oso 'age re ni tatamo da’u diwanga? Yesus, ga’a Ma Jou’ongu Madutu 'o sibere da’u toma soroga ra ngini ninga biono, ḏuanga i’a dadunu 'O sapolo moju ma duhu 'i ma tero sa’olo ngini nu oḏi’i Unanga 'o pere toma soroga."

19 Wakutu Yesus 'o kanau ra ananga togumu i’a, Ma Jou’ongu Madutu 'U sibere da’u toma soroga. Da’a, Unanga 'o parenta ma’u mete’e re Ma Jou’ongu Madutu.✝

50 Togumu i’a, Yesus 'o gasa ananga tagi toma limau ma ḏuḏunu ngadolo toma gamu Betania. Toma ngi’i gena-ge Unanga 'a tede 'Ai giama re 'O sibarakati ananga.✝ 51 Wakutu Yesus 'o sibarakati ananga moju, Unanga 'o sisoi’i tala ananga Ro pere sie toma soroga.*

2 Tari Ḇaḇa 'ai wala 'age kamara ma repe. Ngoi ḏuanga i’a to tagi di’a ta sidodahe ngini ninga kamara-kamara. Ngoi to kanau ra ngini so’o gena sababu mode-mode’e 'age rema kamara-kamara gena-ge di’a ngini.

12 Ni ngaku mode-mode’e 'Ari demo-demo nena-ne: 'A guna ḇato 'o ngaku Ngoi, ḏuanga i’a nyengara 'o 'a’a ma tero Ngoi reta 'a’a. Ma nyonyata, unanga nyengara 'o 'a’a lebe lamo’o i’a reo Ngoi, sababu Ngoi to tagi Tari Ḇaḇa.

28 Ngoi 'ari 'asala Tari Ḇaḇa, re To sapolo ḏua toma dungia nena-ne. Mada’a nange-ne Ngoi ta sisoi’i tala dungia nena-ne di’a To maḏibo sie Tari Ḇaḇa."

17 Yesus 'o kanau ra munanga, "No gu’u awa Ngoi, sababu Ngoi to pere sie nyangu Tari Ḇaḇa. Mada’a no tagi re no siajele Tari me-mete’e mangale Ngoi ngasamoi to maḏibo To pere sie Tari Ḇaḇa re ngini ninga Ḇaḇa, Tari Jou’ongu Madutu re ra Ma Jou’ongu Madutu ga’a ngini ni silamo’o re siḏubuso."

33 Yesus 'o kanau toma ngowa’a repe ra Ma Jou’ongu Madutu 'ai Wala ma soana, "Pa’i ngoma moi ḇato ngoi to mamete’e ra ngini. Togumu i’a Ngoi toma ḏibo ra Unanga ga’a 'O 'utusu ngoi.

16 Matengo i’a mai ua 'aḏi soloto mangale nanga 'agama ma do-doto’o 'i banari re 'i ti-tiai. 'Au wali, ma do-doto’o gena-ge mangale Kristus Yesus 'i sirahasia, sababu Ma Jou’ongu Madutu 'o masijumu nyangu. Mada’a nange-ne Unanga 'o masijumu ḏua ra ngene, dadi ngene wo ngaku nena-ne:

Ma Jou’ongu Madutu 'ai Ngowa’a Nau’u matengo 'O matuhu sa’olo manusia,

Ma Ngagara 'Ofi-'Ofi 'i siajele Unanga gena-ge Ma Jou’ongu Madutu 'ai Ngowa’a Nau’u,

Unanga 'o masijumu toma mala’ekata,

'Ai lomanga sihabari toma bangsa mo-moini,

Ngowa’a toma bangsa mo-moini toma dungia 'aḏi ngaku Unanga

sibere re sijingi’i toma soroga.