Ascensão

9 Bhakabheleketeje genego, a Yeshu gubhatolilwe kwenda kunnungu akuno bhalikwaalolesheyanga, liunde likwaunishilaga bhangaabhonanga kabhili.

10 Bhalinginji nkulolesheya kunani, bhalabho bhalikwijendela, shangupe bhandunji bhabhili bhawetenje nngubho yanawe gubhajiminngene patome jabhonji, 11 gubhashitenje, "Mmnganya mmandunji mma ku Galilaya, pakuti nshijimangana akuno nnilolanga kunani? A Yeshu bhatolilwe kungwenunji kwenda kunnungu, shibhajiye kabhili nneyo peyo malinga shimwabhweninji bhalikwenda kunnungu."

A Yeshu Bhananyakulwa Kunnungu

19 Bhai, Bhakulungwa a Yeshu bhakamaliyeje kubheleketa nabhonji, gubhanyakwilwe kunani Kunnungu, gubhatemi kunkono nnilo gwa a Nnungu.

A Yeshu Bhanatolwa Kunnungu

50 Kungai gubhalongoyenje mpaka ku Bhetania, gubhajinwile makono gabho kunani, nigubhaajujilenje mboka. 51 Akuno bhalikwaajujilanga mboka, gubhaaleshilenje, gubhatolilwe kunani kunnungu.

2 Kumui kwa Atati ipali ndamo yaigwinji, monaga nngabha nneyo, ngammalanjilenje. Nnaino ngunakwenda kukunnng’alashiyanga ndamo.

12 Kweli ngunakummalanjilanga, jwene angulupalila nne, na jwalakwe shaatende maengo gungukamula nne, nkali na gamakulungwa kupunda genega, pabha nne ngunakwenda kwa Atati.

28 Nne kungopweshe kwa Atati, gung’ishe kushilambolyo na nnaino ngunakushileka shilambolyo kubhuja kwa Atati."

17 A Yeshu gubhaalugulile, "Nnangamule, pabha nganabhekwenda kwa Atati. Ikabheje nnjende kwa ashaalongo ajangu nkaabhalanjilanje, ngunakwenda kwa Atati bhali Ainabhenunji na mmanganyanji, na a Nnungu bhangu bhali na mmanganyanji a Nnungu bhenunji."

33 A Yeshu gubhashite, "Puni pamo na mmanganyanji mobha gashoko, kungai shinyende kubhandumile bhala.

16 Bhai, pangali lipamba lyolyowe ga shinjubhi shikulu sha dini jetu,

A Kilishitu bhakoposhele kwa shiilu sha shigundu,

gubhakong’ondelwe naka Mbumu jwa Ukonjelo kuti bhakwete aki,

gubhabhoneshe na ashimalaika.

Gubhalungwiywe ku bhandu bha ilambo ina.

Gubhakulupalilwe pa shilambolyo,

nigubhanyakwilwe kunani muukonjelo.