Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
'O Yesus kage’ena wongoseka de wodoakau 'o sorogaade 'awi su-suloko manga bionoka, de wilega-lega 'ena 'o kakamoro wisaokau.
'Ona kayolega-legasi 'o diwangie gee 'o Yesus wodoaka, de yomanako 'ena 'o nyawa yamididi manga baju ya’are-'arese yoma’okodeu manga dateoka. De yamididi go’ona kayongosekau, <<Ee, ngini 'o Galilea ma nyawa! 'Uwau nima’okode ka 'o diwangie niodi-diriidi. 'O Yesus gee nia bionoka 'o sorogaade wodoakau, dua woboali kaimatero de kangano niamakekau 'o sorogaade wodoa.>>
Ma Jou Yesus wobicara 'iduanga, de wisidoa 'o sorogaade. Ge’enaka 'una wopareta de wokuasa de ma Jo’oungu ma Dutu.
Ge’ena 'ipasa de 'o Yesus waki’asa 'o kota ma dudunika sigado 'o Betaniaka. Ge’enaka dau 'una 'awi giama wagorakie de wakisibarakati. Gee 'una wakisibarakati ma gu-gudaioka, de 'o sorogaade wodoa ge’enaka de womatingakokau 'onaka.
'Ai Dea 'awi woaka 'o ngii pomanoa-noa 'o gudaioka. Ngoi totagi ge’enaka ma ngale takalari to ngini 'ania ngii. Ngoi ma rai kotinidongosewa nako la ge’ena ko ma gounguwa.
Ma gou-goungu 'itiai 'ai demo ne’ena: 'O nyawa gee yongaku-ngaku ngoino, 'asa yadiai 'o manarama gee ngoi tadi-diai, de 'ona 'asa yadiai 'ifoloiosi 'ila-laagomo, sababu ngoi totagiou 'ai Deaka.
Ma goungu ngoi 'ai 'asali 'ai Deano, de toboanou 'o duniaka. Ma ne’ena ngoi tamada 'o dunia ma ngale tolio 'ai Deaka.>>
'O Yesus kawongosekau, << 'Uwau noi’ao, sababu ngoi kotoliowasi 'ai Deade. Ma tagi nositotara 'ai riaka dodotika, de nosidemo 'ato ma 'orasi ne’ena ngoi tolio nanga Deade ge’ena la ma Jo’oungu ma Dutude.>>
'O Yesus wosidemo 'o nyawa yoku-kudaika ge’ena ma Jou 'awi Woaka, <<Ka 'o 'orasi moiou ngoi de de nginiosi. Ge’ena 'ipasa de ngoi 'asa tolio gee woisulo-suloika.
Nanga ngo-ngaku 'itebi-tebini gee nanga di-dibangi koya’adonikawa, ma ne’ena 'iwaitokau ge’ena la:
'Una womadadi 'o nyawa de 'o nyawa wimake,
'o Ngomasa 'Itebi-tebini 'isidumutu 'ato 'una wi singina 'itiai;
'o mala’ekati wimake.
Ma habari ma ngale 'una ge’ena 'isidagi 'o duniaka;
de 'una 'o nyawa 'o duniaka wingaku;
de wisidoa 'o sorogaade.