Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Senꞌ mne nchab Jesús re jwanꞌ reꞌ, nzi wiꞌta re men ngwap Jesús lo beꞌ, mbro' ti xkow mdapa dib Jesús, nde naꞌngwi'tra' xaꞌ Jesús.
Nde laj nziwi' gal' re xaꞌ lo beꞌ xa ndoyap Jesús, zya gax cho re xaꞌ mbroꞌto chop mbiꞌ dib xa' nok lar nakis, rop mbiꞌ ya nchab lo re xaꞌ:
—Mbiꞌ lo xyon Galilea, ¿Cho kwan liy ngwiꞌ goꞌ lo beꞌ? Leꞌga Jesús ta mbroꞌ xij goꞌ reꞌ, ta xa ndya Xaꞌ lo beꞌ, taxa bere Xaꞌ tedib gob.
Le' Xaꞌ Nyebe', sen' ngolo mdodi's Xa', ngwap Xa' ndya Xa' lo beꞌ, nde mdob Xaꞌ lad ban Dios.Nzi wiꞌ re xinꞌ teꞌd Jesús, ngwap Xaꞌ lo beꞌ
Zyasa mbeꞌ Jesus reta xaꞌ jwanꞌ nzino Jesus axta yez Betania, nde mblen Jesus yaꞌ Jesus nde mbli ley' Jesus xa'. Nde laj nge li ley' Jesus xa', mbla' Jesus xa', ngwap Jesus lo beꞌ ndya Jesus.
Liz Xud na jwan' toz nzo tenꞌ yo men; tez natada naka, chen seba mdejla nay lo goꞌ, ndyan, sa ndebektsa'n tenꞌ yo goꞌ.
Gal' di's nipa na lo go': Men ndli lazonꞌ na, reta jwan' ta mblin, noga xa' ya tak liy, nde mas naro jwanꞌ li xaꞌ, tak na ndya lo Pay.
Mbroꞌn lo Pay, nde ndal na lo izyo, tedib gob lan izyo, nde ndyan lo Pay.
Jesus nchab:
—Nagalta lu na, tak teraꞌ yan lo Xud na. Leꞌa wa lo re xinꞌ teꞌd na nde gus lo xaꞌ, leꞌn ndya lo Xud na, Xaꞌ jwanꞌ nak Xud re goꞌ, Dios na nde Xaꞌ nak Dios goꞌ.
Zyasa nchab Jesus:
—Tud benꞌ ndonon goꞌ, tak leꞌn bere lo Xaꞌ jwanꞌ mtelꞌ na.
Ngen plo ngan jwanꞌ reꞌ, naro toz nak jwanꞌ nzo ngaꞌs ta ndli lazonꞌ:
Crist mbyeꞌd lo izyo xajaꞌ thi men
Nambi mbloꞌto Mbi Nayon Xaꞌ.
Mbwiꞌ re áng Xaꞌ.
Mbyaj xkiꞌs Xaꞌ xij re men dib lo izyo,
Mbli lazonꞌ men Xaꞌ,
Nde mkayaꞌ Dios Xaꞌ lo beꞌ kon dib yalnaro.