Autocontrole
O autocontrole é fruto do Espírito e virtude indispensável. A graça de Deus nos ensina a renunciar à impiedade e a viver com sobriedade, domínio próprio e piedade no mundo presente.
Fruto e virtude
O domínio próprio é fruto do Espírito. Acrescentai ao conhecimento o autocontrole. A disciplina interior produz maturidade.
Ba yoba Mudu Murubuglo duglo beglkwa igne, ye meglmara kogon eruko, ye mogo wakai keglkwa. Ye deno muduno ikne ikne tedre, gun yei, deno muduno wida di idre, deno tabre kubrokre, yoba ere wakai ere te, ye ama ka dimara adigl moglsre, mabuno wakai beglkwa. Te, ye ama kiede mogl, deno muduno goglo i, ake atne edigwa. Mabuno wakai pra pra i, yoba lo ta ere padigl, mane dikrikwa.
Ana Jisas taragl kane kane noro kodugwa i pre ene Jisas pre mediglmara i mabuno du eramnedi kogon podo erio. Te, ene mabuno du eraiglmara i, ama nomane wakai io. Te, ene nomane wakai inaiglmara i, ama mabuno kide ta deno muduno mina pogglau borabuka i, mane di teo. Te, ene mabuno kide mane di tenaiglmara i, yubun unabuka igne adigl gigledi molo. Te, ene adigl gigledi moraiglmara i, ene God mabunomo ta panabere i erio. Te, ene God mabunomo pamere eraiglmara i, ene agroma abaroma wakai kanio. Te, ene agroma abaroma wakai kan moraiglmara i, yoba ama deno muduno teo.
Ana God ye yoba mudu yoko kaima ere inagledi prukwa i, erme ede nogugl u kodugwa. Umara nono erme makandigle moglsre, mabuno siragl mere boramga i, beke noro moglkwa. Ama makandigle yoba taragl kane kane bubuno geglmere yegl nono bubuno goglkraiglmedi beke norsre, nono yagl abu mabuno kide mane di tenaiglmedi ama beke norukwa. Te, nono yomere pamere mogl pai ersre, God mabunomo du paugwa i, duglo boramga pre beke noro moglkwa.
Te, ene God kogonmo eratnga i, kudugl goglkro! I siragl pre God ye Murubuglomo norukwa suna moglkwa i, nono kudugl goraiglmedi erekrukwa. Ye erukwa i, yobuglo norsre, nono deno muduno ikne ikne tenaiglmedi ersre, nomane wakai norukwa.
Te, yoba muku di, ira ede okna enabedi erikwa i, ye ogono nagino sugl wakai meglmere mere yegl, na ama ogona nagna sugl wakai moglsre, mabuno kide kane kane ta pogglau boglkwa i, mane di teiga. I siragl pre na God kamo yoba di tenaglka ba okuo God topo ta inaiglme dugwa i, ta ikribo, kide panabedi prika. God kogonmo ake giglede ere pai moglsre, okuo topo inagledi prika.
Yoba ta muku digwa mo kigle kane kane baiglkwa i, ye yoko wan moglsre, u kigle baglkrikwa. Ye ogono nagino sugl mogl, ere wakai ere, kogon podo yegl ersre, okuo kigle baiglkwa. Ye erikwa i, makandigle topo ibi, bugl kide erabuka pre erikwa ba nono God kogonmo ersre, topo okuo ta inamga i, aimadi kamin yenabuka.
Ene pro! Tadaglme ta ene den mudn mina pogglau boran, ene ere mogl, tadaglme i na swara moglmara pogglau boglmedi prikro. Nono yoba munga i, kuno yegl keme munga. Nono yegl munga ba God ye ege ege ka dumara adigl moglsre, ake ple di noro moglkwa pre ye kanige eran, tadaglme ene si atne edekrabuka. Tadaglme ene den mudn mina pogglau borabuka ba God ege ege ene tadaglme ta ere dinatnedi konbauna si tenabuka.
Dominar a si mesmo
Melhor é quem domina o seu espírito do que quem toma uma cidade. A cidade sem muros é quem não tem autocontrole.
Ene mogl pai eraiglmara i, yoba meda God bogl moglkrikwa i mogl pai erimere yegl erekrio! Ene God nomane norabedi agai tebi, God ene nomane kor kor inaiglmedi tenabuka. Tenan, God ene siragl mere eraiglmedi prukwa i, ene pre pogl sinaiglkwa. God mabuno tau wakai kanugwa i, mabuno wakai ya mabuno du i, ene kaima pre pogl sinaiglkwa pre diga.
God kamo prisre, duglo boramga paugwa
Ana agrama abarama wagle, na dena muduna suna meglkwa i, ene prio! Ene mudu mabuno ta eraiglkwa paugwa i, yoba pere ka dinaiglkwa i wakai ere kinano gudu praiglkwa ba ene tabre di ikne edekrio! Te, ene deno tabre kubrokraiglkwa paugwa.
Nono kuda bunga i, yoba bogl kuda boglkunga. Nono Satan ya murubuglo kide ye duglo beglkwa i bogl, ye meglmara kuda bunga. Murubuglo kide i, tau kagno podo paugo, tau yobuglno podo paugo, erukwa. Te, murubuglo kide i ye yoba mim erumara meglkwa i ye yoba i bitno moglsre, kide kaima meglkwa. Nono yoba kide i bogl kuda bunga pre diga.
nono siragl mere wan, mogl pai erumga i kan pogl sidre, yomere pamere wan moramga paugwa. Yoba pre mediglkrikwa i, ye siragl mere wan, mogl pai erikwa i, kiurikwa pre ye ugl du paigwa mere yegl paugwa ba nono yegl ta erekramga paugwa.
Yegl pre ene yoba i no bakagl noro dinaiglmedi kan kun erio. Aglau eran, nono taragl wakai ta inamnedi kogon erumga i, ene ikribi, kide panabuka. Ba ene ye ka kibino prikribi, God ene topo ta inaiglkwa yogwa i mudu inaiglkwa, wakai panabuka.