Autocontrole

22 Bale, ərə ə̂në Âgbɔ̂ Yîrə̂ nə sə kə mbrə nə lə əzü kɔ kə də̂: kə yi tə̂, ə̂rû, blatshe, kə ru tshelə, ə̂rɔ̂ lɔsu, ə̂rɔ̂tə̂, kə sə tə əzü ə̂në tshə lï ndə kə pa azü za lɔsu nɔ̂ kə ətshə, 23 kə mbrə tə̂ əzü lə zɨtɨ nə, kə wusə̂ äwä kə ru tə̂ əzü; âgbɔ̂ əpʉ wəra tə̂ ye wəra tə̂ marä tə̂ aərə səke ne.

5 Mbrə əpʉ səkɔ ndje, e mbrə̈ nɔ̂ ndə kə pa, gâ pâ əpʉ lɔsu e nə, e za əpʉ kə mbrə aərə tə ə̂rɔ̂nə; gâ pâ əpʉ kə mbrə ərə tə ə̂rɔ̂nə, e zä əpʉ djatra kə wusə̂ ərə; 6 gâ pâ əpʉ djatra kə wusə̂ ərə nə, e zä əpʉ kə wusə̂ kə ru tshelə e tə̂ aərə; gâ pâ əpʉ kə ru tshelə e tə̂ aərə nə, e zä əpʉ kə ru ə ru lə aərə nɔ̂; gâ pâ əpʉ kə ru ə ru lə aərə nɔ̂ nə, e zä əpʉ kə tɔ popo Ndjapä; 7 gâ pâ əpʉ kə tɔ popo Ndjapä nə, e zä əpʉ kə yi tə̂ tə alaye; gâ pâ əpʉ kə yi tə̂ tə alaye nə, e zä əpʉ kə yi tə̂.

Kə ka mbrə alɔ kə gu Jezu Kristə

11 Ngâ, ə̂rɔ̂tə̂ Ndjapä, ə̂në ə sə tə̂ äwä kə tshɔ lə kuzu tə̂ nə mbrə azü nɔ̂ kɔ, Ndjapä nə yîsə̂ nə gashu kə azü nɔ̂ gâ ye. 12 Ə sə kə yisə̂ äwä kə əzə̂ ə pa a wəra tə̂ əzə̂ tə̂ äwä əmbrʉ ərə gâ ye, ə wəra tə̂ əzə̂ tə̂ äwä aəgo aərə tshepashɔ səye, ə mbrə tə̂ əzə̂, kpəsəye, tə̂ äwä kə tegbɔ kumu əzə̂ ə mbrə ərə də äwänə ə tɔ popo Ndjapä,

7 Mbrə ə̂në ə də̂ Yîrə̂ awa də̂ Ndjapä nə zâ kə əzə̂ kɔ ne, bale Yîrə̂ awlra, də ənə̂ əpʉ kə yi tə̂ gâ ndə ənə̂ kə wusə̂ kə ru tshelə tə̂ ərə də̂ tshə zâ kə əzə̂ kɔ.

27 Bale, mə sə kə gi əyo tə̂ akwa əmə ə ru tə̂ əmə ngbatshe ndə kə pa əndje gi əmə gi gashe mandânə ə̂në mə yîsə̂ əpʉ nə kə angâ əmə gâ ye kɔ ne.

25 Aawowla awlra sə kə ru tshelə əndje tə̂ adongo aərə nɔ̂ lə kə gamba tə̂ əndje. Əndje, əndje sə kə mbrə rə ndə kə pa əndje sɔtə̂ kpɔtɔ piyi ə̂në ə lo lo ne kɔ. Ənə̂ əzə̂, əzə̂ mbrə rə ndə kə pa əzə̂ sɔtə̂ kpɔtɔ ngerə ə̂në ə ndɨ ndɨ tə̂ ərə ne kɔ.

13 Aərə kə tra lɔsu e nɔ̂ ə̂në ə te gâ tə̂ e kɔ ə sə tə aərə ə̂në ə sə kə wutu gâ tə̂ azü nɔ̂ kɔ kə sə̂. Ndjapä sə kə mbrə ndəma ye alɔnɔ̂, tshə sə sə kə katə̂ e ndə kə pa aərə nə tra lɔsu e ə ro pâ e ne. Bale, lə ərə kə tra lɔsu e nə, tshə sə kə za awlra kə e ndə kə pa e ru ə ru ə za äwä kə e ndə kə pa e wutu lə nə.

2 E mbrə̈ mbrə̈ tə̂ e Lïndə̂ kə mbrə tə̂ azü tshepashɔ tshe kpəsəye ne, bale e kätə̂ äwä kə Ndjapä tshə do tshelə kə wusə̂ ərə nə̂ e tə tafa nə, kanika e yerɔ äwä ərə ə̂në tshelə Ndjapä nə yində nə də ərə ə̂në ə sə tə ə̂rɔ̂ nə, ə̂në ə fʉ ə fʉ â ə lï nɔ̂ kɔ.

E djï Əpʉ Ndjapä ə mbrə̈ ərə Lïndə̂ nə

19 Alaye əmə ə̂në mə yində e tə bandanə kɔ, e zä əpʉ səye gâ lə kumu e: əzü bale bale sə̈ trö ndə kə pa tshə dji əpʉ, bale tshə wö wöra ndə kə pa tshə pa əpʉ wala tshə mbrə əkɔ ne.

12 Mbrə ə̂në ə də̂ azü də̂ a də aəndje ə mbrə awlra nə kɔ ne, bale a sə kə mbrə awlra nə də aərə ə̂në ə sə də awlra kɔ, də aərə ə̂në ə sə kə za ama kɔ, də aərə ə̂në ə sə kə mbrə ngerə gâ pâ ashɔ ə̂në ə sə lə əbutshe kɔ gâ ndə aəmbrʉ ayirə̂ tshelə əyi djoko lafɔ kɔ.

6 Rəkɔ, a lö lö mata ə̂dû azü ne, bale ala əzə̂ sə̈ tə ə̈kü nə, tshelə ala əzə̂ sə̈ ambanə.

8 Rəkɔ, e bäta tə̂ e, kanika tshe mandâ kosəra ə̂në a mbrə̂ gâ ye kɔ ro ro lə kəna e ne, bale ka e sɔtə̂ aərə nɔ̂ mandâ kosəra nə.