Beleza
A verdadeira beleza vem de dentro. A Bíblia ensina que o encanto é enganoso e a formosura é vã, mas a mulher que teme ao Senhor — essa sim merece louvor.
Malaa lo"otetsay allaalle kessenna; puulikka d’ayana; shin Med’inaa Godaw yayyiyaa mishirata, iza galatettanaw bessaw.
Hintte hintte huup’iyaa al"obaan giigissiyaawaaninne work’k’aa wotsiyaawaan woy al"o mayuwaa mayiyaawaan hinttenttu bolla bagga loytsoppite. Shin hintte garssan k’osetteedda asatetsaa lo"otetsay S’oossaa sintsan hinttenttoo daro al"o gidiide, d’ayenna ashikkenne woppu geedda ayaanaa gido.
Shin Med’inaa Goday Sammeela, «Aa malaa woy Aa geesaa adussatetsaa s’eelloppa; taani Aa is’s’aad. Ayaw gooppe, taani Med’inaa Goday Asay s’eelliyaawaadan s’eellikke; Asay deemuwaa s’eellee; shin Med’inaa Goday wozanaa s’eellee» yaageedda.
Hewaadan k’ay mac’c’awanttukka bessiyaa mayuwaa yashshatetsaaninne barentta mooddiyaawaan mayyino. S’oossaw yayyay giyaa mac’c’a asaa bessiyaawaadan, lo"obaa ootsiyaawaanappe attin, huup’iyaa shurubbaa daddiyaawaan, work’k’aan woy ink’k’uwaan, woy daro al"o afilaan barena alleek’k’issoppino.
Neeni ta giddo asatetsaa ubbaa med’d’aadda;
ta aatti uluwaan taana neeni waas’a med’aadda.
Neeni taana malalissiyaabaanne ooratsabaa ootsaade med’d’eedda diraw,
taani neena galatay.
Ne oosotuu malalissiyaawantta!
Taani k’ay hewaa wurssaade eray.
Ta siik’k’atee, ne asatetsay ubbaykka malanchcha;
neenan wotsiyaawe ayaynne baawa.
Hawaadan S’oossay asaa bare leemisuwaan med’d’eedda; I asaa S’oossaa leemisuwaan med’d’eedda; I unttuntta attuma asaanne mac’c’a asaa ootsiide med’d’eedda.
Ayaw gooppe, nuuni S’oossaa med’etaa; I nuw kasetiide giigissi wotseedda lo"o oosuwaa nuuni ootsanaadan, Kiristtoosi Yesuusa baggana nuuna med’d’eedda.
S’oossay hawaadan yaagee: «Dendda! Denddaade poo’issa; ayaw gooppe, ne poo’uu yeedda. Med’inaa Godaa bonchchuukka ne bollan poo’eedda.
Maatay melee; c’iishshaykka k’ok’k’ofettee; shin nu S’oossaa k’aalay med’inaw ek’k’iide de’ee» yaaga waassa.
Hewaa diraw, nuuni salettokko; nuw haray atto, bolla bagga asatetsay wook’k’inttokka, garssa bagga asatetsay gallassan gallassan ooras’s’ee.
«Hewaa diraw, taani hinttenttoo oday; hintte de’oo maanabawunne ushanabaw, woy hintte bollaw mayyanabaw hirggoppite; shemppuu k’umaappe aad’d’ennee? K’ay bollay mayuwaappe aad’d’ennee?