30 ማላ ሎኦይ ባሌስ፤

ፑላይካ ቆኬስ፤

ጊዶ ኣቲን ጎዳስ ያዪዛ

ማጫሲ ኢዛ ኣንጄቲዳሮ።

3 ኢንቴ ሎኤቴ ጮ ሜላ ሁኤ ዳኒኔ ዎርቃን ጌጼቴን፥ ኣልኦ ማይኦ ማይኦን፥ ጮ ሜላ ኣይፌን ቤቲዛ ጌጼን ጊዶፖ።✝ 4 ኢንቴ ሎኤቴ ጾሳ ሲንን ዋጋራ ዲዛ ኬሂ ቦንቼቲዳዚኔ ዮንታ ጌጼን፥ ኣሽኬቴን፥ ኣዳቴኒኔ ኣያናን ጌጼቲዳ ዎዚና ጋርሳን ቆቴቲ ዲዛ ጊዶ ዎዚና ሎኤቴ ጊዶ።

7 ጊዶ ኣቲን ጎዳይ ሳሜላ፥ «ታኒ ሃይሳ ካዳ ጊሻስ ኔ ኢዛስ ማላ ዎይኮ ጌሳ ጼሎፋ፤ ጎዳይ ኣሲ ጼሊዛ ማላ ጼሌና፤ ኣሲ ካሬ ባጋ ሃኖታ ቤኤስ፤ ጎዳይ ጊዲኮ ዎዚና ጼሌስ» ጊዴስ።

9 ሄሳካ ማጫሳቲ ቦንቾራ ባና ሺሺ ኤኪዲ ቤሲዛ ማይኦ ማይኤቶ ኣቲን ባ ሁኤ ዳዲ ኤኪዲ ዎይኮ ኣልኦ ማይኦ፥ ዎርቃኔ ኢንቁ ኣዲ ዋልቂ ዋልቂ ጎፔቶ።✝ 10 ጊዶ ኣቲን ጾስ ዎሶስ ጊዛ ማጫሳቲ ኢስታስ ኦና ቤሲዛ ሎኦ ኦሶን ሎኤቶ።

13 ኔኒ ታ ኣሳቴ

ኡባ ሜዳሳ፤

ታ ኣዬይ ኡሎንካ

ታና ቲላ ሜዳሳ።

14 ኔኒ ታና ኬሂ ዬጋልኔ

ማላሊሲዛዝ ሂስታ

ሜዳ ጊሻስ

ታ ኔና ጋላታይስ፤

ኔ ኦሶቲ ማላሊሲዛይታ!

ታ ሼምፖያ

ሄሳ ኡባ ኤራዉስ።

7 ታ ጎዴ!

ኔ ኣሳቴይ ኩሜ ሎኦ፤

ኔ ቦላ ኣይኮ ዎሶይካ ባዋ።

27 ሄሳ ጾሲ ኣስ ባ ሌሚሶን ባና ሚሳቲሲዲ ሜዴስ፤ ኢዚ ኢስታ ኣዴኔ ማጫ ኦ ሜዴስ።✝

10 ሄሲካ ጾሲ ካሴ ኮይሮ ጊግሲ ዎዳ ሎኦ ኦሶ ኑኒ ኦና ማላ ዬሱስ ኪርስቶሳ ባጋራ ኑኒ ናምኣን ሜቲዳይታኔ ጾሳ ሜቴታ።

1 ጎዳይ፥ «ኔ ፖኦይ ዪዳ ጊሻስ

ዴንዳዳ ፖኢሳ፤

ጎዳ ቦንቾይ

ኔ ቦላ ፖኢዴስ።

8 ማታይ ሜሌስ፤

ጪሻይካ ቆኬስ፤

ጊዶ ኣቲን ኑ ጾሳ ቃላይ

ሜርናስ ሚኒ ዴስ»

ጋዳ ዋሳ ጊዴስ።✝

16 ሄሳ ጊሻስ ኑ ሂዶታ ቃንጾኮ፤ ኑስ ካሬ ባጋ ኣሳቴይ ዪ ዪ ቢኮካ ኑስ ጋ ባጋ ኣሳቴይ ጋላስ ጋላስ ኦራጺ ኦራጺ ቤስ።

25 «ሄሳ ጊሻስ ታ ኢንቴና ኢንቴ ዱሳ ጊሻስ፥ ‹ኣይ ሚኖ? ኣይ ኡዪኖ? ኣይ ማይኢኖ?› ጊዲ ሂርጎፍቴ ጋይስ። ሼምፖይ ቁማፔ፥ ኣሾይ ማይኦፌ ኣኔ?