Beleza
A verdadeira beleza vem de dentro. A Bíblia ensina que o encanto é enganoso e a formosura é vã, mas a mulher que teme ao Senhor — essa sim merece louvor.
Ber mar wangʼ wuondo ji, to chia bende rumo;
to dhako moluoro Jehova Nyasaye yudo pak.
Ber maru ok onego onenre mana kuom gik mulichogo dendu ma oko: kaka kado wich gi rwako bangli mag dhahabu kod lewni ma nengogi tek. To chutho ber maru onego obed mano maiye, ma en ber madier mar chuny mamuol kendo mokwe ma en gima duongʼ moloyo e wangʼ Nyasaye.
To Jehova Nyasaye nowachone Samuel niya, "Kik ingʼi ber mar dende kata borne nikech asedage. Jehova Nyasaye ok ngʼi gik ma dhano ngʼiyo. Dhano ngʼiyo ber ma oko, Jehova Nyasaye to ngʼiyo chuny."
Adwaro bende ni mon orwakre gi lewni mowinjore ka gibidhore kendo giritore maber, to rwakruokgi kik bed mana mar kado wich kata mar dhahabu kata mar rwako tigo ma nengone tek kata lewni ma nengogi tek, to onego girwakre gi timbe mabeyo mowinjore gi mon mawacho ni oluoro Nyasaye.
In ema ne ichweyo dhanda maiye,
adier, ne ingʼina maber gi ei minwa.
Apaki nikech ne ichweya mongʼith kendo malich miwuoro;
tijeni misetimo lich,
kendo angʼeyo mano maber.
Ijaber e yore duto, jaherana;
onge mbala moro amora e dendi.
Kuom mano Nyasaye nochweyo dhano e kite owuon,
e kit Nyasaye nochweye;
nochweyogi dichwo gi dhako.
Mano timore nikech wan chwech Nyasaye, manochweyo kuom Kristo Yesu mondo otim timbe mabeyo, ma Nyasaye owuon ema nosechano chon mondo watim.
Aa malo mondo irieny nikech lerni osechopo,
kendo duongʼ mar Jehova Nyasaye oserieny kuomi.
Lum ner kendo maua tuo mi lwar piny,
to wach Nyasachwa osiko manyaka chiengʼ."
Emomiyo chunywa ok nyosre. Kata obedo ni ringrewa ma oko rumo kamano, to chunywa iloko manyien odiechiengʼ kodiechiengʼ.
"Emomiyo awachonu ni, kik uparru kuom ngimau, kata kuom gik ma ubiro chamo kata madho; kata kuom dendu kata gik ma ubiro rwako. Donge ngima duongʼ moloyo chiemo, koso del donge duongʼ moloyo lewni?