Beleza
A verdadeira beleza vem de dentro. A Bíblia ensina que o encanto é enganoso e a formosura é vã, mas a mulher que teme ao Senhor — essa sim merece louvor.
Rupa ga’a 'i rousu gena-ge sakala re jamani gena-ge 'i parasaja,
mada’a were’a ga’a silamo’o re mojongo Ma JOU, ḏuanga i’a mo sanga sitoro.
Awa pa’i ni sijumu ninga jamani reni tuhu ninga utu ma rousu bolo ni pake guraci bolo pakeanga ma ijana hali-hali. Gena-ge ngowa’a ya oḏi’i pa’i toma ḏuḏunu. Mada’a ngini balasu ni sijumu ninga jamani mode-mode’e taninga nau’u reni sidodai ninga 'akala re sinyingara mereoso re kama 'oro mangale ua ga’a 'i baolo taninga 'akala re sinyingara ma dara. Jamani gena-ge kasingado-ngadolo i’a, re lai hali madutu ra Ma Jou’ongu Madutu 'ai momina.
So’o gena ḏi’i, we-were’a balasu 'aḏi mapake camari awa, la awa na-nau’u ya’u nyafusu re manga utu biasa ḇato. Awa ḏi’i 'aḏi mapake guraci, 'o mutiara bolo pakeanga ma ijana hali-hali di’a ngowa’a ya’u sitoro. Siḏibo ḏi’i, ngowa’a 'aḏi sitoro were’a, sababu manga de’oso re ḏegoro ga’a 'i banari di’a were’a ga’a 'aḏi masiajele mangale ananga gena-ge ngowa’a ngaku Yesus.
sababu Ma Jou’ongu Madutu masiretene 'o 'a’a ngene manusia su-sungi wo marimoi ra Kristus Yesus. Ma Jou’ongu Madutu 'o tuhu ngene so’o gena-ge, la ngene nyengara wo 'a’a ga’a ma la-la, ga’a Unanga ra sidodahe di’a ngene.
Kalaha minga lese 'i dadi cira wange moi-wange moi, minga 'akala re sinyingara ma dara 'i dadi su-sungi wange moi-wange moi. Sababu gena-ge, ngomi minga 'akala re sinyingara 'i rapo’o ua.
Sababu gena-ge, Ngoi to siajele ra ngini nena-ne: Awa ni dodato mangale ninga 'ahu: bae 'oru ga’a ni oromo bae 'oru ga’a ni ka’e. Re ḏi’i, awa ni madodato mangale ninga lese: 'Oru ga’a ni pake. Sababu tantu ḏua, ninga 'ahu lebe la-lamo’o i’a reo ngo-ngoromo re lese lebe la-lamo’o i’a reo pakeanga!