Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
U ka̱sukpa̱ ka gbani-gbani ka̱ ni, u yaꞋan kasingai,
u la̱nsa̱ ma̱ta̱na̱ n ka̱ɗu ka̱ ni ra̱ka̱.
Neke ka̱ɗu u Vuzavaguɗu,
ka̱ta̱ vu yaꞋan kasingai,
ka̱ta̱ vu da̱sa̱ngu a iɗika ya, vu ciya̱ ma̱ta̱na̱.
N neke ta̱ ka̱ɗu, mi ta̱ o kuyongo n wuma,
adama a na me ene kasingai ka Vuzavaguɗu,
ka na u kuyaꞋanka uma a̱ ni.
Vuzavaguɗu, ciɓa n kasingai ka̱ nu,
n ucigi u nu u na u tsu sabaꞋa ba,
u na vu yotsongi ali n ayin a cau ɗe.
Cinukpa n unushi wu ucigi u ka̱ɗu u va̱,
n unushi u na n yaꞋin a ayin a na mi ishi kolobo,
adama a ucigi u nu una u tsu sabaꞋa ba n kasingai ka̱ nu,
vu ciɓa nu mpa Vuzavaguɗu.
Vuzavaguɗu vuza vu usuɓi ɗa
a̱ uye u ni ra̱ka̱,
vuza vu ma̱riki kpamu a̱ ka̱tsuma̱ ka ulinga u ni ra̱ka̱.
Yi ta̱ e kuyeve ukuna wu usuɓi n afada n ukuna u mejege,
n uye u na u gaꞋin dem.
I na a cigai u vuma i ɗaɗa ucigi,
u laꞋa ta̱ n ku gaꞋan n vuza vu unambi an vuza na u tsu dansa a uwa.
Vuzavaguɗu u dana ta̱,
<<Shamgbai a nsanji ma uye i la̱na̱,
ka̱ta̱ ye ece uye u kuku,
ubuta̱ u na uye usingai wi, ka̱ta̱ i tono uɗa,
adama a na i ciya̱ wuvuki a̱ɗu a̱ɗa̱.
Ama ɗa a danai <A̱tsu ci o kutono u ɗa ba.>
Vuzavaguɗu vuza singai ɗa,
ubuta̱ u kusheɗeku u ɗa wi a kanna ka atakaci.
U tsu ere ta̱ aza a na a̱ tsu sheɗeku wa̱ a̱ ni.