Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
बाकुन भगवान जीव-आत्मा आपसा कह्याम जीवण्यान जीवन मां आपसा फळेन जे गुणे उजेंतु करे; परम करनु, खुस रहणु, सांती सी हेळी-मेळीन रहणु, गम खाणु, दीसरान भलाय करनु, भुरसाम रहणु, दीसरा साते भुळा बणीन रहणु, ने आपसाक कब्जाम राखणु, असला वारला कामेन काहना बी कायदान वीरुद नी करे।
ने मुखु जड़तात आखान वारु करनु चाहजे, खास करीन जे ईसु पर भुरसु करे, तींद्री भलाय ते करनुत चाहजे।
तुंद्रा मुंहडाम सी फालतु वात नी नीकळनु चाहजे, बाकुन तीनी टेमे वारलु काम मां अधे तसली सुवाळी वात नीकळनु चाहजे, तेरेसी सामळने वाळा पर बी गीण-दया हवे।
बाकुन एक दीसरा पर गीण करु, ने परम करु, जसु भगवानेन, ईसु मसी वाटे, तुहुंं काजे माफ कर देदलु छे, तसात तुहुंं बी एक दीसरा काजे बी माफ कर देवु।
तुंद्रु परम खरलु हवणु चाहजे कुहराय सी छीट राखु; ने भलाय मां लागी रवु।
कुहराय देखीन हिम्मत मां हारु बाकुन वारलु काम वाटे कुहराय जीत लेवु।
"आखी चीजे मारे वाटे सय ते छे, बाकुन आखी फायदान नी हय," आखी चीजे मारे वाटे सय ते छे, बाकुन आखी चीजे सी अगो बड़ाये नी।
धुकु मां खावु, "भुंडीत संगात वारलु चाल-चलन काजे बीगाड़ देय।"
भगवान आखी भातीन गीण-दया सी बेसकु बड़ीन आप सके जेरे सी आखी वात मां ने आखी टेमे, आखो काय, जो तुहुंंक जरुड़ी रवे, तुंद्रे धड़े रवे, आखो वारु काम वाटे तुंद्रे धड़े हवे।
असात बायरा बी समळीन रहणु चाहजे, ने जचे असा पुथल्या पेहरीन जीवणु चाहजे ने कान्या भाती-भातीन नी गुथणु चाहजे ने सनान गावणो, नीते मोती नी पेहरनु चाहजे, ने बेसका मंहगला पुथल्या नी पेहरनु चाहजे, बाकुन भला काम सी काहाकी भगवान भक्ती करने वाळा बायरा काजे ज सय छे।
जु खुद काजे हामरे वाटे दी देदलु छे, काहाकी हामुक आखा भातीन जे धरमेन काम नी हय तींद्रे सी छुड़ाय लेय, ने चुखा करीन आपणे वाटे एक असी जाती बणाय लेय जे भला काम करनेन हवस देय।
हेरे वजे सी तुहुंं आखी भातीन कुसीस करीन, आपणा भुरसा पर वारलु कामे, ने वारलु काम पर समज, ने समज पर खुद पर भुरसु, भुरसा पर दमधरीन, ने दमधरीन पर भक्ती। ने खरली भक्ती भेळा भाय-बहण्स्यान, नातो अदाड़ु ने तेरे भेळा भाय-बहण्यान मां परम अदाड़ता जावु।
कदी तुहुंं भलाय करनेन धुन मां रहु ती तुंद्री कुहराय करने वाळा पछेन कुण छे?
माणसे दिवु धपाड़ीन चवकी तळे नी मेके, बाकुन दीवाळ्या पर मेके, चां सी चु दिवु, तीना आखा घरन्याक वीजाळो आपे। तेरेन तसोत तुंद्रो वीजाळो माणसे पर चमके, काहाकी चे तुंद्रा वारलु कामेक देखे, ने जु तुंद्रु भगवान बास सरगे मां छे, चे बी तीना बासेन बड़ाय करसे।
जसु तुंद्रु सरग वाळु भगवान बास दयाळु छे, तसात तुहुंं बी दयाळा बणु।