Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Iitaappe shaaketta; lo"obaa ootsa;
sarotetsaa loytsa koyaadde kaala.
Neeni Med’inaa Godaan ammanetta; lo"obaa ootsa.
Yaataade biittan palahina de’a.
Med’inaa Godaa keekkatetsaa taani pas’a de’aadde be’anawaa ammanay.
Abeet Med’inaa Godaw, beniideppe de’iyaa ne k’aretaanne
ne keekatetsaa hassaya.
Ta yalagatetsaa nagaraanne bayzzuwaa hassayoppa.
Abeet Med’inaa Godaw,
ne keekatetsaanne lo"otetsaa hassaya.
Med’inaa Goday bare ogiyaan ubbaan s’illuwaa;
I bare oosuwaa ubbaan k’arettiyaawaa.
He wode neeni s’illotetsaa, suure pirddaa, suuretetsaanne lo"o oosuwaa ubbaa erana.
Asaappe koyettiyaawe aggena siik’uwaa; worddanchcha gidanaappe hiyyeesaa gidiyaawe keeka.
Shin Geeshsha Ayaanaa ayfii, siik’uwaa, nashechchaa, sarotetsaa, danddayaa, keekatetsaa, lo"otetsaa, ammanettiyaawaa, ashikketetsaa, bare huup’iyaa naagiyaawaa. Hewantta malatiyaawantta diggiyaa higgii baawa.
Hewaa gidooppe ha ootsanaw nuuni danddayiyaawaan, asaa ubbaw lo"obaa ootsoytte; shin ubbaappe aatsiide, nuunanna ammanuwaan de’iyaawanttoo lo"obaa ootsoytte.
Hintte haasayay sisiyaawantta go"ana mala, koshshiyaawaadan mentsetsiyaa lo"o k’aalay hintte doonaappe kesoppe attin, iita k’aalay mulekka kesoppo.
Ittuu ittoo keekitenne k’arettite; k’ay S’oossay Kiristtoosa baggana hinttenttoo atto geeddawaadan, hinttekka ittuu ittuwaa atto giite.
Hinttenttu siik’uu asaa bessanaw siik’ettiyaawaa gidanaw bessena. Iitabaa is’s’ite; lo"obaa minisiide oyk’k’ite.
Iitabaa lo"obaan s’oonappe attin, iitabay neena s’oonoppo.
Hintteppe ittuu ittuu, «Ubbabaa ootsanaw taana diggiyaabay baawa»; shin ubbabay maaddenna. «Ubbabaa ootsanaw diggiyaabay baawa; shin ubbabay geeshshenna» yaagiino.
C’imettoppite; iita laggetetsay lo"o hanotaa bayizzee.
S’oossay hinttenttoo gidiyaawe ubbaa wode de’anaadaaninne k’ay haratookka hintte immanaw gidiyaawe de’anaadan hinttena koshshiyaa ubbabaa hinttenttoo immanaw danddayee.
Hewaadan k’ay mac’c’awanttukka bessiyaa mayuwaa yashshatetsaaninne barentta mooddiyaawaan mayyino. S’oossaw yayyay giyaa mac’c’a asaa bessiyaawaadan, lo"obaa ootsiyaawaanappe attin, huup’iyaa shurubbaa daddiyaawaan, work’k’aan woy ink’k’uwaan, woy daro al"o afilaan barena alleek’k’issoppino.
Iita oosuwaa ubbaappe I nuuna wozanawunne lo"obaa ootsanaw amottiyaa bare geeshsha asaa kessanaw, nu diraw, bare huup’iyaa immeedda.
Hewaa diraw, hinttena bessiyaawaa ubbaa min ootsiidde, hintte ammanuwaa bolla lo"otetsaa, lo"otetsaa bolla eratetsaa, eratetsaa bolla hinttena naagiyaawaa, hinttena naagiyaawaa bolla genc’c’aa, genc’c’aa bolla S’oossaa malatiyaawaa, S’oossaa malatiyaawaa bolla ishatetsaa siik’uwaa, ishatetsaa siik’uwaa bolla siik’uwaa gujjite.
Hintte lo"obaa ootsanaw amottooppe, hinttena k’ohanawe oonee?
Med’inaa Goday hawaadan yaagee; «Ogiyaan ek’k’iide s’eellite; beni loossotuu de’iyaasaa oochchite. ‹Lo"o ogii hak’an de’ii?› yaagiide oochchitenne an hamettite. Yaatiide hinttew shemppi akkite. Yaagina hintte, ‹Nuuni he ogiyaan hamettokko!› yaageeddita.
Med’inaa Goday keeka; metuwaa gallassikka bak’ati attiyaasaa; I barekko bak’ati attanaw koyyiyaawantta eree.
S’omppiyaa s’omppiide, soyin de’iyaa asaa ubbaw poo’ana mala, d’ok’k’iyaa saan wotseeppe attin, kammiyaa miishshaa giddon k’um"i wotsiyaa Asay ooninne baawa. Hewaadankka, Asay hintte ootsiyaa lo"o oosuwaa be’iide, saluwaan de’iyaa hintte Aawuwaa bonchchana mala, hintte poo’uu asaa sintsaan poo’o.
Hinttenttu aabbu maariyaawaa gidowaadan hinttenttukka maariyaawantta gidite.