Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
जब पवित्र आत्मा हम्रिहिन्हे अगुवाई करत कलेसे हम्रे एकदोसर जहनसे प्रेम कर्थी। खुशी रथी। शान्ति रहत। सँस्सा करे सेक्थी। दोसुर जहनहे दया देखैथी। दोसुर जहनके भलाई कर्थी। एकदोसर जहनकेमे भरोसा रहत। और हमारमे नम्रता रहत। और हम्रे अप्निहीँ अपनहे नियन्त्रण करे सेक्थी। असिन बातके विरोधमे कौनो मोशक नियम कानुन नै हो।
तबेकमारे मौका भेटाइल अनुसार हम्रे सक्कु मनैनके भलाई कर्ती जाई; खास करके ओइन्हे जेने हमार विश्वासी भैया-बाबुन हुइँत।
तुहुरिन्के मुहेँमेसे कौनो खराब बात ना निक्रे। बेन वहे बात कहो, जोन बात मनैनके लग जरुरी बतिन। और जोन बात ओइन्के विश्वासहे पक्का करनामे सहायता करत। तब तुँ ज्या बात फेन बोल्बो, उ बातसे सुनुइयनहे फाइदा हुइन।
एकदोसर जहनहे दयालु और कोमल मनके होऊ। और जसिके परमेश्वर ख्रीष्टमे तुहुरिन्के अपराधहे माफ करलाँ, ओस्तेहेँके तुहुरे फेन एकदोसर जहनके अपराधहे माफ करदेऊ।
दोसुर जहनहे देखावती प्रेम नै करे परत; खराब बातहे घृणा करो; और ज्या मजा बा उहिहे कर्ती रहो।
खराबीहे अपन उप्पर हाबी हुई ना देऊ, पर खराबीहे भलाईसे जीतो।
तुहुरे कथो, "हम्रे ज्या फेन करक लग स्वतन्त्र बती।" हाँ, स्वतन्त्र बती, पर सक्कु चिज हमार लग मजा नै हो। हम्रे ज्या फेन करक लग स्वतन्त्र बती, पर सक्कु चिज परमेश्वरमे हमार विश्वासहे बल्गर नै बनाइत।
जोन मनै असिन मेरिक बात करथाँ, ओइन्के कारण तुहुरे मूर्ख ना बनो। जसिके मनै कथाँ, "खराब संगतसे मजा चरित्रहे बिगारत।
परमेश्वर तुहुरिन्हे तुहुरिन्के जरुरीसे फेन धेउर देहे सेक्थाँ। ताकि तुहुरिन्हे जरुरी परना हरेक चिज हरदम तुहुरिन्के थेन पलिरहे, और तुहुरे सक्कु मजा कामके लग प्रशस्त मात्रामे देहे सेको।
ओस्तेहेँके मै चहथुँ कि विश्वासी जन्नी मनै फेन सोहैना लुग्गा घालिँत, असिन लुग्गा जोन प्रशंसा करना लायकके और जोन सभ्य और स्वीकार करना लायकके होए। दोसुर जहनके ध्यान अपन ओहोँर तानक लग अपन भुट्लाहे रहर लग्तिक झोँटी ना बनाऊ। और सोन, मोती और बहुत महिँगा लुग्गा लगाके दोसुर जहनके ध्यान अपन ओहोँर ना तानो। बेन यकर सताहा उ स्त्रीनहे दोसुर जहनके लग मजा काम करके अपनहे सुग्घुर बनाई परत। काकरेकी परमेश्वरके भक्ति करुइया स्त्रीनके लग यहे सही हो।
यी येशू ख्रीष्ट अपनहे हमार लग बलिदान करदेलाँ, ताकि हम्रे सारा पापके शक्तिसे स्वतन्त्र हुई सेकी। और हम्रे नैतिक रुपसे शुद्ध हुई सेकी। और हम्रे मजा काम करक लग पूरा रुपमे समर्पित हुइल हुँकार अपन खास मनै बने सेकी।
काकरेकी तुहुरे परमेश्वरके स्वभावमे शामिल हुइक लग बनगिल बतो। तुहुरे ख्रीष्टहे विश्वास किल नै करना हो, पर तुहुरे दोसुर जहनके लग नैतिक हिसाबसे हरदम मजा काम करना कोशिस फेन करे परत। तुहुरे नैतिक हिसाबसे मजा काम किल करना नै हो, पर तुहुरे बुद्धिमान तरिकासे व्यवहार करुइया मनै फेन बने परत। तुहुरिन्हे समझदारीसे कसिके व्यवहार करे परत कहिके किल नै जाने परत। बेन तुहुरे अपन्हे अप्निहीँ नियन्त्रण फेन करे परत। तुहुरे अपन्हे अप्निहीँ नियन्त्रण किल करे नै परत, पर समस्यामे फेन सँस्सा करे परत। तुहुरे समस्यामे सँस्सा किल करे नै परत, पर तुहुरे परमेश्वरहे खुशी बनैना जीवन फेन जिए परत। तुहुरे परमेश्वरहे खुशी बनैना मेरके किल जीवन ना बिताऊ। पर अपने परिवारके सदस्य हस तुहुरे एकदोसर जहनहे प्रेम फेन करे परत।
यदि तुहुरे सदादिन मजा काम करक लग कोशिस करथो कलेसे पक्कै फेन तुहुरिन्हे केऊ चोट पुगाई नै सेकी।
केऊ फेन दियाहे नानके छिटुवक तरे नै धारत! यिहिहे एकथो दिउँतमे धारजाजाइत, ताकि घरेम रहल सक्कुहुनहे यकर ओजरार मिले सेके। अस्तेहेँके तुहुरिन्के ओजरार मनैनके आघे चम्के। और ओइने तुहुरिन्के मजा काम देखिँत। और स्वर्गमे रहुइया तुहुरिन्के बाबक महिमा करिँत्।"
तुहुरिन्के बाबा दयालु रहल हस तुहुरे फेन दयालु होऊ।"