14 ኢታፔ ሻኬታ፤

ሎኦ ሚሽ ኦ፤

ሳሮቴ ኮያዳ ካላ።

3 ኔኒ ጎዳን ኣማኔታ፤

ሎኦ ኦሶካ ኦ፤

ሂስቲኮ ኔኒ ቢታ ቦላ

ፓላሂን ዳና።

13 ታኒ ሼምፖራ ፓጻ ዳሼ

ጎዳ ኪያቴ ቤያናይሳ

ሂዶታ ኦይስ።

6 ኣቤት ጎዳዉ!

ቤኒሶፌ ዲዛ ኔ ቃቴኔ

ኔ ኪያቴ ሃሳኣ።

7 ታ ዬላጋቴ ናጋራኔ

ሞሮ ሃሳኦፓ፤

ኣቤት ጎዳዉ!

ኔ ጊታ ኪያቴ ማላኔ

ኔ ሎኤቴ ኬና ታና ቆፓ፤

17 ጎዳይ ባ ኦጌ ኡባን ጺሎ፤

ኢዚ ባ ኦሶ ኡባን ኪያ።

9 ሄ ዎዴ ኔኒ ጺሎቴ፥

ሱሬ ፒርዳ፥

ጌላይ ባይንዳ ፒርዳኔ

ሎኦ ኦጌ ኡባ ሻካ ኤራና።

22 ኣሳፔ ኮዬቲዛይ ሚኖ ሲቆ፤

ዎርዳንቻ ጊዳናፔ

ማንቆቴ ሎኦ።

22 ኣያና ኣይፌይ ጊዲኮ ሲቆ፥ ኡፋይስ፥ ሳሮቴ፥ ዳንዳያ፥ ኪያቴ፥ ሎኤቴ፥ ኣማኔቴ፥ 23 ኣሽኬቴ፥ ባርካ ባና ሃሮ፤ ሃይታንታ ማላ ዲጊዛ ዎጋይ ባ።

10 ሄሳ ጊሻስ ኑስ ዳንዳዬቲኮ ኣሳ ኡባስ ሃራፔካ ኣማኒዛ ኣሳስ ኣኔ ሎኦ ኦስ።

29 ኮሺዛ ማላ ሃንኮ ሲዪዛይታ ጎኢዛዚኔ ማዲዛ ቃላፔ ኣቲን ጎኣይ ባይንዳ ቃላይ ኢንቴ ዶናፔ ኬዞፖ።

32 ኢንቴና ጾሲ ኪርስቶሳ ባጋራ ኣቶ ጊዳ ማላ ኢንቴካ ኢንቴ ጋርሳን ኣቶ ኣቶ ጌቴቲቴ፤ ኢሶይ ኢሳራ ኪያታኔ ኢሶይ ኢሳስ ቃቲዛይታ ጊዲቴ።✝

9 ኢንቴ ሲቆቴ ቆፔ ቆሞን ጊዶፖ፤ ኢታ ጊዲዳይሳ ዉርሲካ ኢጺቴ። ሎኦ ጊዲዳይሳራ ኢሲፌ ኦይኬቲቴ።

21 ኢታ ሎኦ ኦሶን ጾና ኣቲን ኢታን ጾኔቶፋ።

23 ዉሪካ ታስ ኢሜቲዴስ ሺን ዉሪካ ታና ጎኢዛዝ ጊዴና፤ ዉሪካ ታሳ ሺን ዉሪካ ታና ማዴና።✝

33 ኢንቴ ባሌቶፍቴ! ኢታ ላጌቴ ሎኦ ኣማሌራ ዲዛይታ ሞሬስ።

8 ኡባ ዎዴ ሃኒዛ ኡባን ኢንቴ ኢንቴስ ጊዲ ፓላሂዲ ሃራ ሎኦ ኦሶስ ጊዳና ማላ ጾሲ ኢንቴስ ባ ኣንጆ ጉጂ ኢማናስ ዳንዳዬስ።

9 ሄሳካ ማጫሳቲ ቦንቾራ ባና ሺሺ ኤኪዲ ቤሲዛ ማይኦ ማይኤቶ ኣቲን ባ ሁኤ ዳዲ ኤኪዲ ዎይኮ ኣልኦ ማይኦ፥ ዎርቃኔ ኢንቁ ኣዲ ዋልቂ ዋልቂ ጎፔቶ።✝ 10 ጊዶ ኣቲን ጾስ ዎሶስ ጊዛ ማጫሳቲ ኢስታስ ኦና ቤሲዛ ሎኦ ኦሶን ሎኤቶ።

14 ኢዚካ ኑና ኢታቴፌ ዎዛናሲኔ ሎኦ ኦናስ ሚኒዛ ባ ዴሬ ባስ ዶራናስ ባና ኑስ ኣ ኢሚዴስ።✝

5 ሄሳ ጋሶን ሃይሳፌ ካሊዛ ሚሻቲ ኢንቴስ ጉጄታና ማላ ኣኔ ሚኒቴ። ኣማኖ ቦላ ኪያቴ፥ ኪያቴ ቦላ ኤራቴ፥ 6 ኤራቴ ቦላ ባና ሃሮ፥ ባና ሃሮ ቦላ ዳንዳያን ሚኔቴ፥ ዳንዳያን ሚኔቴ ቦላ ጾሳስ ጎይኖ፥ 7 ጾሳስ ጎይኖ ቦላ ኢሻንታራ ዶሴቴ፥ ኢሻንታራ ዶሴቴ ቦላ ሲቆ ጉጂቴ።

13 ኢንቴ ሎኦ ኦናስ ሚኔቲኮ ኢንቴ ቦላ ኢታ ሚሽ ጋናይ ኦኔ?

16 ጎዳይ፥ «ዳጋላ ኦጌ ቦላ

ኤቂ ጼሊቴ፤

ቤኒ ኦጌዮ ኦይቺቴ፤

ሎኦ ኦጌይ ኣዋሪ? ኢዚራ ቢቴ፤

ኢንቴ ኢንቴ ሼምፖስ

ሼምፖ ዴማና፤

ኢንቴ ጊዲኮ፥

‹ኑ ኢዚራ ቦኮ!› ጊዴታ።✝

7 ጎዳይ ሎኦ፤

ሜቶ ጋላሲካ ቆቴቲ ኣቲዛሶ።

ኢዛን ኣማኔቲዛይታ ናጌስ።

15 ኣሲ ጾምፔ ኦይዲ ኬን ዲዛ ኣሳ ኩሜስ ፖኣና ማላ ቃሶሆን ዎስ ኣቲን ጌማሶሆን ዎ ኤሬና።✝ 16 ሄሳካ ኣሳይ ኢንቴ ሎኦ ኦሶ ቤኢዲ ሳሎን ዲዛ ኢንቴ ኣዋ ቦንቻና ማላ ኢንቴ ፖኦይ ኣሳ ሲንን ፖኦ።✝

36 ኢንቴ ኣዋይ ኪያ ጊዲዳ ማላ ኢንቴካ ኪያታ ጊዲቴ።