Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Iitape haaka; lo77oba ootha;
sarotethi koya; kaalla.
Godan ammaneta; lo77oba ootha;
biitta bolla utta; palahin de7a.
Taani de7on de7ashe,
Godaa keehatetha be7anaysa ammanayis.
Abeeti Godaw, benipe de7iya
ne qadhiyanne ne keehatetha hassaya.
Ta na7atetha nagaraanne iitaba hassayopa;
abeeti Godaw, ne keehatethaanne lo77otetha hassaya.
Xoossay ba oge ubban xillo;
ba ooso ubban keeha.
He wode neeni xillotethi, suure pirdaa,
suure ogenne lo77o oosoy aybeko akeekana.
Asape koyetey ammanetethi;
wordo gidanaape manqo gideysi lo77o.
Shin Ayyaana ayfey, siiqo, ufaysi, sarotethi, danda7a, keehatethi, lo77otethi, ammano, ashketethi, bana haaro. Haysa melabata ixiya higgey baawa.
Nu inje wode demmiko, asa ubbaas, aathidika ammaniya asaas lo77oba oothoos.
Hinte doonape iita qaali keyopo. Shin si7eyisata go77ana melanne harata minthethiya koshshiya lo77o qaali hinte doonape keyo.
Aathidi issoy issuwas keehanne qadheteyisata gidite. Xoossay Kiristoosa baggara hintew atto gidaysada hinteka wolis atto giite.
Hinte siiqoy qoodhepe qommon gidanaw bessenna. Iitaba ixite; lo77oba minthidi oykite.
Iitaa lo77on xoonape attishin, iitan xoonetofa.
Hinte, "Ubbabaa oothonna mela diggiyabay baawa" geeta, shin ubbay maaddenna. Hinte, "Ubbabaa oothonna mela diggiyabay baawa" geeta, shin ubbay dichenna.
Cimetofite! Iita laggetethi lo77o amale iissees.
Ubba wode ubbaban koshshiyaba ubbaa demmidi lo77o ooso ubbaa oothanaw danda7ana mela Xoossay hintew ba anjuwa darsana.
Hessada maccasay bantana haaridaysa qoncisiya, bonchoynne maari de7iya ma7uwa ma7anaw bessees. Enti maari bayna huuphe dathan, worqan woyko inqon, woyko al7o afilan bantana alleeqisopo. Shin Xoossaas goyinnayis giya maccasay bantaw besseysada lo77oba oothonna.
Iita ooso ubbaafe nuna wozanawunne lo77oba oothanaw amotiya ba geeshsha asi kessanaw nu gisho bana aathidi immis.
Hessa gisho, minnidi, hinte ammanuwa bolla lo77otethi, lo77otetha bolla eratethi, eratetha bolla bana haaro, bana haaro bolla genca, genca bolla Xoossaa daano, Xoossaa daano bolla ishatetha keehatethi, ishatetha keehatetha bolla siiqo gujite.
Hinte lo77oba oothanaw amotiko hintena qohanay oonee?
Goday haysada yaagees: "Ogiyan eqidi xeellite; beni ogey de7iya bessaa oychite. Lo77o ogey awun de7iyako oychidi iyan hemetite; hinte shempo demmana. Shin hinte, nuuni he ogiyan hemetoko!" yaagideta.
Goday lo77o; meto gallas qosetidi attiya besse; I banan ammaneteyisata erees.
Xompe oythidi son de7iya asa ubbaas poo7ana mela dhoqa son wotheesipe attishin, daallo giddon wothey baawa. Hessa mela asay hinte lo77o oosuwa be7idi, salon de7iya hinte aawa bonchana mela hinte poo7oy asa sinthan poo7o.
Hinte aaway keeha gidoysada hinteka keeha gidite.