Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
ಫನ್ ದೇವಾಚಾ ಆತಮ್ಯಾಚ಼ ಫಳ್ ಕ್ಯಾ ಮಂಜೆ, ಮಾಯಾ, ಆನಂದ, ಸಮಾಧಾನ್, ಧಂಡ್ಫನ್, ದಯಾ, ದುಸರ್ಯಾನಾ ಮಜ಼ತ್ ಕರಾಚಿ, ಇಸ್ವಾಸ್, ಸಾಬಫನ್, ಆಪ್ಲ ಮನ್ ಆಪ್ಲ್ಯಾ ತಾಬ್ಯಾತ್ ಥೆವಾಚ಼. ಹ್ಯಂಚೆ ಆಡ್ವ ಕಚ಼ಸ್ ಧರ್ಮಶಾಸ್ತಾರ್ ನಾಹಿ.
ಮನ್ಹುನ್ ಯೊಳ್ ಗಾವಲ್ತವಾ ಸಗ್ಳ್ಯಾನಾ ಬರ ತ್ಯ ಕರುಯಾ, ಲ ಕರುನ್ ಯಕಾ ಗರ್ಹಾತ್ ಆಸ್ಲ್ಯಾಚೆಗತ್ ಆಸ್ಲ್ಯಾಲ್ಯಾ ಕ್ರಿಸ್ತ ಇಸ್ವಾಸಿನಾ ಕರುಯಾ.
ತುಮ್ಚಾ ತೊಂಡಾತ್ನಿ ಕಸ್ಲಸ್ ಬುರ್ಸ ಸಬಾತ್ ಯವುನಾಹಿತ. ಭಕ್ತಿ ವಾಡಾಯಾ ವ್ಹಯಿಜಾ಼ಲ್ಯಾಲ್ಯಾ ಬೊಲ್ಯಾ ಬೊಲ್ಯಾವ ಐಕ್ತ್ಯಾಲ್ಯಾನಾ ಬರ ರಾಹಿಲ್.
ಹ್ಯಚೆ ಬದಲ್ ಯಕಾಮಕಾಸಂಗ ದಯೆನಿ, ಕರ್ನಾನಿ ರಾವ್ಹಾ. ದೇವಾನಿ ತುಮಾನಾ ಕ್ರಿಸ್ತಾಪ ಮಾಪ್ ಕೆಲ್ಯಾ ಶಾರ್ಕ ತುಮಿ ಯಕಾ ಮಕಾಲಾ ಮಾಪ್ಕರಾ.
ತುಮ್ಚಿ ಮಾಯಾ ಖರಿ ರಾಹುನಿ. ಬುರ್ಶಾ ಕಾಮಾಂಚಾ಼ ರಾಗ್ ಕರಾ. ಚಾಂಗ್ಲಿ ಕಾಮ ದರುನ್ ರಾವ್ಹಾ.
ಬುರ್ಶಾ ಫನಾಲಾ ತುಮಾನಾ ಪಡು ದಿವು ನಕೊಸಾ ತ್ಯಚೆ ಬದ್ಲಿ ಚಾ಼ಂಗ್ಲ ಕರ್ತ್ಯಾಲ್ಯಾನಿ ಬುರ್ಶಾ ಫನಾಲಾ ಹರ್ವಾ.
ತುಮಾನಾ ಆಸಲ್ಯಾಲ ಸ್ವತಂತ್ರ ದೆವಾಚೆ ಮಹಿಮೆಸಾಟಿ ವಾಪ್ರಾ
"ಸಗ್ಳಿ ಕಾಮ ಕರಾಯಾ ಮನಾ ಹುಕುಮ್ ಹಾ. " ಫನ್ ಸಗ್ಳಿ ಉಪೆಗಿಚಿ ನಸತ್ಯಾತ. "ಸಗ್ಳಿ ಕಾಮ ಕರಾಯಾ ಹುಕುಮ್ ಹಾ" ಫನ್ ಸಗ್ಳಿ ಲೊಕಾನಾ ಬಕ್ತಿತ್ ಚಾ಼ಲ್ವಿತ್ ನಾಹಿತ.
ಫಸುನಕೊಸಾ; "ಬುರ್ಸಿ ಸಂಗತ್ ಚಾ಼ಂಗ್ಲಿ ಚಾ಼ಲ್ನುಕ್ ನಾಸಿವ್ತ್ಯಾತ. "
ದೇವ್ ಸಗ್ಳೆ ತರಚಾ಼ ದಾನ್ ತುಮಾನಾ ಪುಕಟ್ ದೆನಾರಾ ಜಾ಼ಲ್ಯಾ ಮನ್ಹುನ್, ತುಮಿ ಕವಾಬಿ ಸಗ್ಳೆ ಗುಸ್ಟಿತ್ನಿ ಸಂಪನ್ ವ್ಹವುನ್ ಸಗ್ಳೆ ಮಜ಼ತಿಚಿ ಕಾಮ ಪುಕಟ್ ಕರಾಯಾ ವ್ಹಯಿಸಾ.
ತಸಸ್ ಬ್ಯಾಯ್ಕಾ ಮಾನ್ಸಾಪ್ನಿ ಮೀ ಮನ್ ಕರ್ತೊ ತೀ ಸಾಜ಼ಸೊಬಸಾರ ಆನಿ ಚಾ಼ಂಗ್ಲ ಮರೆದಿಚ಼ ಕಪ್ಡ ಗಾಲ್ಹಾಯಾ ವ್ಹಯಿತ ಆನಿ ಕೆಸ ಶಾದ್ರಿ ಕರಾಯಾ ಸಾಟಿ ಖುಬ್ ಅಲಂಕಾರ್ ಕರುನ್ಗಿಹುನಾಹಿ ಸೊನ ಆನಿ ಮುತ್ತು ಆನಿ ಖುಬ್ ಕಿಮ್ತಿಚ಼ ಕಪ್ಡ ಗಾಲ್ಹುನಾಹಿತ. ಫನ್ ಆಸ್ಲ್ಯಾ ಬ್ಯಾಯ್ಕಾಮಾನ್ಸಾನಾ ಆಪ್ಲ್ಯಾಲಾಸ್ ಆಪ್ನು ದೇವಾಚಿ ಭಕ್ತಿನ್ ಮನ್ಹುನ್ ಗೆಥಿ ಮನ್ಹುನ್ ತ್ಯಚಿಸಾಟಿ ಹ್ಯ ಚಾ಼ಂಗ್ಲ ಹಾ. ತೀ ಆಪ್ಲ್ಯಾಲಾ ಸಗ್ಳ್ಯಾ ಕಾಮಾನಾ ಚಾ಼ಂಗ್ಲಿ ದಿಸತ್ಯಾತ.
ತ್ಯನಿ ಆಮ್ಚಿ ಸಾಟಿ ಆಪ್ಲ್ಯಾಲಾ ಆಪ್ನುಸ್ ಒಪ್ಸುನ್ ದಿಲ್ಯಾ. ಮನ್ಹುನ್ ತ್ಯನಿ ಆಮಾನಾ ಸಗ್ಳೆ ತರಾಚಾ ಬುರ್ಶಾತ್ನಿ ಸೊಡ್ವಾಯಾ ಆನಿ ಆಮಾನಾ ನಿರ್ಮಳ್ ಮಾನ್ಸ ಕರಾಯಾ ತೀ ತ್ಯಲಾ ಯಕ್ಲ್ಯಾಲಾಸ್ ಸಮನ್ ಆಸ್ಲ್ಯಾನಿ ಜಾ಼ಲ್ಯಾತ ಆನಿ ಚಾ಼ಂಗ್ಲ ಕರಾಯಾ ಉಮೇದಿಚಿ ಜಾ಼ಲ್ಯಾತ.
ಹ್ಯಾ ಕಾರ್ನಾನಿಸ್ ತುಮಿ ಪುರಿ ಬಳ್ ಆಸ್ಲ್ಯಾಲಿ ವ್ಹವುನ್ ತುಮಾನಾ ಆಸ್ಲ್ಯಾಲ್ಯಾ ಇಸ್ವಾಸಾನಿ ಚಾ಼ಂಗ್ಲಾ ಗುನ್, ಚಾ಼ಂಗಲ್ಯಾ ಗುನಾಲಾ ಗಿನ್ಯಾನ್ಬಿ, ಗಿನ್ಯಾನಾಲಾ ದಮೆಬಿ, ದಮೆಲಾ ಥಂಡ್ಫನ್ಬಿ, ಥಂಡ್ಫನಾಲಾ ಬಕ್ತಿಬಿ, ಬಕ್ತಿಲಾ ಬಾವ್ಹಾಚ಼ ಸುಪ್ತಿಫನ್ಬಿ, ಬನ್ಹಿ ಬಾವ್ಹಾಚಾ ಸುಪ್ತಿಫನಾಲಾ ಮಾಯಾಬಿ ಮಿಳವಾ.
ತುಮಾನಾ ಚಾ಼ಂಗ್ಲ ಕರಾಯಾ ಮನ್ ಆಸ್ಲತ ತುಮಾನಾ ಬುರ್ಸ ಕರ್ನಾರಾ ಕೊನ್ ಹಾ?
ಲೊಕ ದಿವಾ ಲಾವುನ್ ಐದಾನಾ ಬುಡಿ ಥಿವಿತ್ ನಾಹಿತ ದಿವ ಲ್ಯಾವ್ನ್ಯಾವ ಥೆವ್ತ್ಯಾತ ತವಾ ಗರ್ಹಾತ್ ಆಸ್ನಾರ್ಯಾನಾ ಉಜಿಡ್ ದಿಸ್ತೊ ತಸಸ್ ತುಮಿ ಲೋಕಾನಾ ಉಜಿಡ್ ವ್ಹವುನ್ ರಾಹ್ಯಾ ವ್ಹಯಿ. ಆಸಿ ತುಮ್ಚಿ ಚಾ಼ಂಗ್ಲಿ ಕಾಮ ಬಗುನ್ ಸ್ವರ್ಗಾತ್ಲ್ಯಾ ತುಮ್ಚಾ ಬಾಲಾ ವವ್ಯಾಳುನ್ತ.
ತುಮಚಾ಼ ಸ್ವರ್ಗಾತ್ಲ ಬಾ ದೆವ್ ಕಸಾ ದಯಾಳುಹಾ ತಸಿ ತುಮಿಬಿ ದಯಾಳು ಹ್ವವುನ್ ರಾವ್ಹಾ.