Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Ila zino zizo mbuli zilawa Muloho wa Mulungu, noge, deng’ho, tindiwalo, mwazaganyo, moyo kunoga, unozi, kuwa bule uzenzeleganye, uhozi, na kuizuila kutenda mbuli zihile. Haduhu malagizo mzimbuli kamba zino.
Avo tuhapata nafasi, tuwatendele ganogile wanhu wose, ng’haning’hani awo wali mmulango wa wanhu wamtogole Kilisto.
Milomo yenu sambiilave mbuli zihile, ila mbuli zinogile sama ya kuwazenga wanhu wayagwe mnhamanila, kulingana na vija vowolonda, giladi waja wotegeleza wagangamizwe.
Muwe na mioyo inogile na kwiyonela bazi wenyego kwa wenyego, na kila munhu yamgele kumgongo miyage kamba vija Mulungu viyawagelile mweye kumgongo kubitila Kilisto.
Noge sambidiwe da uzenzeleganye. Mkihile kija kihile, ila mkigoge kija kinogile.
Sambiuhumigwe na gehile, ila ugahume gehile mkutenda ganogile.
Mweye molonga, "Vinhu vose havigomeswe," ila nie nolonga, "Sio kila kinhu kinoga." Mweye molonga, "Vinhu vose havigomeswe," ila nie nolonga, "Sio kila kinhu chozenga."
Sambim’bunyikigwe, "Wambwiga wehile wobananga nhogolwa inogile."
Na Mulungu kodaha kuwagwelela mweye vinhu bwando, giladi m’vinhu vose m’vipigiti vose mpate vinhu vose vimulonda, na msang’hano yoyose inogile momemezelwa.
Vivija nolonda watwanzi wavale vinogile na kwa hishima, wavale vivalo vilondigwa kuvaligwa na watwanzi, sio mkukutika mvili za hela bwando ama kuvala zahabu ama lulu ama vivalo va hela bwando ila na sang’hano zinogile, kamba viilondeka na watwanzi watogole kumtambikila Mulungu.
Kailava mwenyego sama yetu tweye giladi yatukombole kulawa mmbuli zose zihile na kuwang’aliza wanhu zake sama yake mwenyego wawe na sulukila ya kutenda ganogile.
Sama ya kilamso kino, muiyohe ng’hani kongeza unovu muinhamanila yenu. Muunovu wenu yongezeni na ilimu, muilimu yenu yongezeni na kuizuila, mkuizuila kumwenu yongezeni na mwazaganyo, mmwazaganyo wenu yongezeni na kumtanga Mulungu, na vija vimumtanga Mulungu yongezeni na noge da udugu wa wanhu wamtogole Kilisto, na mdinoge da udugu wa wanhu wamtogole Kilisto yongezeni na noge.
Yalihi yondayawatende gehile, ihawa moiyoha mkutenda ganogile?
Haduhu munhu yobwinha kiwenge na kukigubika na kinongo. Ila kokika uchana hakingolobweda, giladi kimmwemwesele kila munhu yali mng’anda. Vivo na mweye, mulangaza wenu umwemwese haulongozi wa wanhu, giladi wone sang’hano zenu zinogile, na hewo wamuyenzi Tata wenu wa kuulanga.
Muwe na bazi kamba Tata wenu viyali na bazi.