Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Forla liki ma koluk ac oru ma wo;
Sang insiowos nufon in suk moul misla.
Lulalfongi in LEUM GOD ac oru ma wo;
Tuh kom fah ku in moul ac misla fin facl se inge.
Nga etu tuh nga fah moul ac liye
Woiyen LEUM GOD in moul se inge.
O LEUM GOD, esam pakoten ac lungse kawil lom
Su kom akkalemye oemeet me.
Nimet esam ma sutuu ac ma koluk luk in len in fusr luk.
A esamyu, O LEUM GOD,
Fal nu ke lungse kawil ac pakoten lom.
LEUM GOD El suwoswos in ma nukewa El oru,
Ac kulang in orekma lal nukewa.
Kom fin porongeyu, kom ac etu ma pwaye, suwohs, ac wo. Na kom ac etu lah mea fal kom in oru.
Mwe mwekin se pa in rapku; mwet sukasrup uh wo liki mwet kikiap.
A fahko lun Ngun pa lungse, engan, misla, mongfisrasr, kulang, orekma wo, oaru, pusisel, sifacna leum fac. Wangin ma sap lain ma inge.
Ouinge, ke oasr pacl fal lasr, lela kut in oru wo nu sin mwet nukewa, ac yokna nu selos su mwet wiasr in lulalfongi.
Nikmet orekmakin kas in akkolukye mwet, a kas in kasru mukena — kain in kas ma ac musaeak ac su fal nu ke enenu, tuh ma kowos fahk uh ac fah akwoyalos su lohng.
A kowos in kulang ac mongfisrasr nu sin sie sin sie, ac kowos in nunak munas nu sin sie sin sie, oana ke God El nunak munas nu suwos ke Christ.
Kowos in lungse ke inse pwaye. Kwase ma koluk, ac sruokya ku ma wo.
Nik kom lela ma koluk in kutangkomla, a kom in kutangla ma koluk ke ma wo.
Kutu mwet uh fahk, "Ma nukewa filfilla nu sesr." Pwaye, tusruktu tia ma nukewa wo, ac tia ma nukewa mwe musaeak mwet uh.
Kowos in tia kiapweyukla. "Mwet kawuk koluk uh ku in kunausla elah wo uh."
Ac God El ku in sot mwe insewowo nu suwos yohk liki ma kowos enenu, tuh pacl nukewa in fas ma yuruwos nu ke enenu lowos sifacna, ac oayapa in fal nu ke orekma wo nukewa saya.
Ac nga lungse pac mutan uh in efal ac in etu ma wo nu ke naweyuk lalos; in tia yunela karak lun sifalos ke gold ku pearl, ac elos in tia nukum nuknuk yohk molo, a mwe yun lalos pa orekma wo, oana ma fal nu sin mutan su fahkak lah elos mwet alu nu sin God.
El sifacna eisalang kacsr tuh elan molikutla liki ma koluk nukewa, ac oru tuh kut in mwet nasnas su ma lal mukena, ac kena in oru ma wo.
Ke sripa se inge, kowos in insianaung in akyokye lulalfongi lowos ke orekma wo; ac akyokye orekma wo lowos ke etauk ke God, ac akyokye etauk lowos ke sifacna leum fowos, ac sang muteng in weang sifacna leum fac, na sang moul mutal nu ke muteng lowos; ac kowos in akyokye moul mutal lowos ke kowos alungsei sie sin sie; ac akyokye alungsei sie sin sie ke lungse nu sin mwet nukewa.
Kowos fin moniyuk in oru ma wo, su ac fah akkolukye kowos?
LEUM GOD El fahk nu sin mwet lal, "Tu ke inkanek sengelik uh ac liye. Siyuk lah pia inkanek ma matu ac wo emeet uh. Fahsr kac, ac kowos fah muta in misla."
Tusruktu elos fahk, "Mo, kut ac fah tia fahsr kac!"
LEUM GOD El wo;
El loango mwet lal in pacl in ongoiya;
El karinganulos su nget nu sel.
Wangin mwet akosak sie lam ac filiya ye sie ahlu, a el ac filiya fin sukan lam uh, yen ma kalem kac ac tolak in lohm uh nufon. Ouinge, kowos sang kalem lowos in tolak ye mutun mwet uh, tuh elos in ku in liye orekma wo lowos, ac kaksakin Papa tomowos su inkusrao.
Kowos in pakoten oana ke Papa tomowos El pakoten.