Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Lakini muugima wa munhu yolongozigwa na Loho wa Mulungu vinhu vino vokoneka mgati mmwake, unogelwa na deng’ho na tindiwalo na kufunga umoyo na bazi na moyo unogile na kutenda kija kiyalongile, uhole, kuitawala mwenyego. Kuduhu Malagizo goleka kuitogolela na gano.
Avo twahawa tung’hali tuna kipindi, tuwatendele ganogile wanhu wose, ng’hani ng’hani waetu wamtogole Mndewa.
Sekemulosoke, lakini mulonge mbuli zinogile, za kuwataza wanhu, muladi mbuli zimulonga ziwataze kamba viilondeka kwa awo wozihulika.
Lakini muyonele bazi na kuinogela, na kila munhu yagele kumgongo gehile ga miyage, kamba Mulungu viyazigelile kumgongo nzambi zenu, kubitila Kilisito.
Unogelwa wenu uwe wa ukweli, gehileni gehile, gagogeni ganogile.
Sekeutogole gehile gakuhume, lakini gahume gehile kwa ganogile.
Mweye molonga, "Vinhu vose todaha kutenda," lakini niye nolonga siyo vinhu vose vinoga. Mweye molonga, "Vinhu vose todaha kutenda," lakini niye nolonga siyo vinhu vose vozenga.
Sekemuwe wabozi, "Mbwiga wehile woibananga tabiya inogile."
Avo Mulungu kodaha kuwagwaa vingi ng’hani kubanza vija vimulonda, siku zose mpate kila kinhu kimulonda, avo muvisang’hanile kwa kila sang’hano inogile.
Vivija nolonda watwanzi wavale goya viwalo vao na wawe na nzewele, siyo kwa kugesa kuluka mvili kwa zahabu na lulu hebu viwalo va bei ng’hulu, lakini kwa sang’hano zinogile, kamba viilondeka kwa watwanzi womtambikila Mulungu.
Yesu kailava mwenyego mbuli yetu muladi yatulekese kulawa mna izinzambi na kututenda wanhu wanogile weli wake mwenyego, wanhu wosulukila kutenda ganogile.
Avo kwa kilamuso acho, wambeni kongeza kutenda ganogile mditamanilo jenu, na mna ukutenda ganogile yongezeni kujuwa ganogile, na mna ukujuwa ganogile yongezeni kuilongoza wenyego na mna ukuilongoza wenyego yongezeni kufunga umoyo na mna ukufunga umoyo yongezeni kutenda ga Mulungu, na mna ukutenda ga Mulungu yongezeni moyo unogile kwa waenu wamtogole Yesu na mna umoyo unogile kwa waenu wamtogole Yesu yongezenu unogelwa.
Nani yonda yawalumize kamba mowamba kutenda ganogile?
Kuduhu munhu yobwinha taa na kuigubika na kikalango, lakini koika kukingolobweda. Baho yomwemwesela kila munhu yeli mng’anda. Vivo ili kumwenu mweye, mulenge wenu uwamwemwesele wanhu wagone gaja ganogile gomtenda muladi wamtogole Tataenu yeli kuulanga.
Muwe na bazi kamba vija Tata yenu viyeli na bazi."