Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Leka gehile, utende ganogile,
uzahile tindiwalo na udigoge.
Mtamanile Mndewa Imulungu, na utende ganogile,
ukale mwiisi na udeng’helele goya ganogile.
Nojuwa nogona ganogile ga Mndewa Imulungu,
mna ikae ya iwanhu wagima.
Kumbuka bazi jako gweye Mndewa Imulungu,
kumbuka unogelo wako hawishaga,
kwavija avo kunavo tangu mwaka.
Sikuuzikumbuke nzambi na gehile ga ubwanga wangu,
unikumbuke kamba unogelo wako hawishaga viwili,
kwavija gweye Mndewa Imulungu kunoga.
Mndewa Imulungu kana haki mnzila zake zose,
na kotamaniligwa na viumbe vake vose.
Wahanitegeleza kotanga nhaguso na haki,
kotanga kusang’hana kamba viilondeka,
na koitanga kila nzila inogile.
Kinhu kisulukiligwa kwa munhu kutamaniligwa,
vinoga kwa munhu kuwa mkiwa kubanza kuwa mvizi.
Lakini muugima wa munhu yolongozigwa na Loho wa Imulungu vinhu vino vokoneka mgati mmwake, unogelwa na deng’ho na tindiwalo na kufunga umoyo na bazi na moyo unogile na kutenda kija kiyalongile, uhole, kuitawala mwenyego. Kuduhu Malagizo goleka kuitogolela na gano.
Avo twahawa tung’hali tuna kipindi, tuwatendele ganogile wanhu wose, ng’hani ng’hani waetu wamtogole Mndewa.
Sikumulosoke, lakini mulonge mbuli zinogile, za kuwataza wanhu, ili mbuli zimulonga ziwataze kamba viilondigwa kwa awo ozihulika.
Lakini muyonele bazi na kuinogela, na kila munhu yagele kumgongo gehile ga miyage, kamba Imulungu viyazigelile kumgongo nzambi zenu, kubitila Kilisito.
Unogelwa wenu uwe wa ukweli, gehileni gehile, gagogeni ganogile.
Sikuutogole uhumwe na gehile, lakini gahume gehile kwa ganogile.
Mweye molonga, "Vinhu vose todaha kutenda," lakini niye nolonga siyo vinhu vose vinoga. Mweye molonga, "Vinhu vose todaha kutenda," lakini niye nolonga siyo vinhu vose vozenga.
Sikumuwe wabozi, "Mbwiga wehile oibananga tabiya inogile."
Avo Imulungu kodaha kuwagwaa vingi ng’hani kubanza vija vimulonda, siku zose mpate kila kinhu kimulonda, avo muvisang’hanile kwa kila sang’hano inogile.
Vivija nolonda watwanzi wavale goya viwalo vao na wawe na nzewele, siyo kwa kugesa kuluka mvili kwa zahabu na lulu hebu viwalo va bei ng’hulu, lakini kwa sang’hano zinogile, kamba viilondigwa kwa watwanzi omtambikila Imulungu.
Yesu kailava mwenyego mbuli yetu ili yatulekese kulawa mna izinzambi na kututenda wanhu wanogile weli wake mwenyego, wanhu osulukila kutenda ganogile.
Avo kwa kilamuso acho, wambeni kongeza kutenda ganogile mditamanilo jenu, na mna ukutenda ganogile yongezeni kujuwa ganogile, na mna ukujuwa ganogile yongezeni kuilongoza wenyego na mna ukuilongoza wenyego yongezeni kufunga umoyo na mna ukufunga umoyo yongezeni kutenda ga Imulungu, na mna ukutenda ga Imulungu yongezeni moyo unogile kwa waenu wamtogole Yesu na mna umoyo unogile kwa waenu wamtogole Yesu yongezenu unogelwa.
Nani yonda yawalumize kamba mowamba kutenda ganogile?
Haduhu munhu yobwinha taa na kuigubika na kikalango, lakini koika kukingolobweda. Baho yomwemwesela kila munhu yeli mng’anda. Vivo ili kumwenu mweye, mulenge wenu uwamwemwesele wanhu wagone gaja ganogile gomtenda ili wamtogole Tataenu yeli kuulanga.
Muwe na bazi kamba vija Tataenu viyeli na bazi."