Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Munhu yahalangulizigwa na Muhe wa Mulungu vinhu vino vizawoneka mgati yake, ulondo na deng’ho na tindiwalo na kufunya umoyo na ubazi na unhu goya na unovu na kwaminika, uhole na kulinganya. Mbuli fana izo zabule Malagilizo.
Ivo chila vochipata nyafasi nachiwatendele yanogile wanhu wose, haswa ndugu wa uhuwilo yetu.
Ulonzi wihile sekeuhulikike, mulonge mbuli zozifaya kuzenza na kuwataza wamwenga, muladi yomuyalonga yaweng’he unovu wanhu womtegelezani.
Mbali muwe na moyo unogile na ubazi, chila munhu nayamulekelele miyage fana Mulungu viyamulekeleleni uhasanyi wenu kwa nzila ya Chilisito.
Ulondo wenu sekeuwe na udelenya wowose. Muyehile yehile yose, yamhilileni yaja yanogile.
Sekeuilekelele kuhumigwa na wihi, mbali uuhume wihi kwa unovu.
Ivo mweye molonga, "Chitogoliligwa kutenda chinhu chochose." Mbali niye nolonga si chila chinhu chinoga. Mweye molonga "Chitogoliligwa kutenda chinhu chochose." Mbali niye nolonga si chila chinhu chotaza.
Sekemuvwiziligwe. "Umbwiya wihile wobananga luzowe lunogile."
Na Mulungu kodaha kumwing’hani yanogile ya chila modeli, muladi siku zose mupate viya vomuvilonda, kufosa vomuvilonda muna ichila sang’hano zinogile.
Iviya nolonda wanaake wasang’hanile nzewele kuyawala viwalo vovitogoleka haulongozi wa wanhu, na siyo kuihamba kwa kusakulila mvili kwa madambwa wala kwa kuyawala lulu wala zahabu wala si kwa viwalo viguligwe hela ng’hulu. Mbali kwa kusang’hana yanogile, fana voilondeka kwa wanaake wowolonga womdumba Mulungu.
Yesu kailava mwenyewo kwa ichimu chetu kwa kuchikombola kulawa muna uwihi wose na kuwasafya wanhu wake yeye mwenyewo, kuwa na hamu ya kutenda yanogile.
Kwa ichimu icho iyoheni ng’hani geleni ugenzi unogile kwa uhuwilo wenu, na kwa ugenzi unogile geleni umanyi, kwa kuvimanya kumwenu mulondeka mongeze kulinganya, kwa kulinganya kwenu molondeka mongeze ufunya umoyo, kwa kufunya umoyo kwenu molondeka mongeze kumuhuwila Mulungu, kumuhuwila Mulungu kokongeza undugu na undugu wokongeza ulondo.
Yelihi yonda yawalumizeni one molonda ng’hani kutenda yanogile?
Habule munhu yobwinha chitasa na kuchigubika na debe, mbali wochika hana ichingolobweda, nacho chowamwemwesa wanhu wose weli muna ichiheleto. Iviya na mweye bung’hulo jenu dimuli najo haulongozi ha wanhu, nawo waziwone sang’hano zenu muladi wamwing’he ukulu Tati yenu yeli kuulanga.
Muwe na ubazi, fana Tati yenu viyeli na ubazi.