Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Goto na vuana na Gagala sa na vairoqu, na qera, na bule, na vera vamomoso, na vajonganaria na tinoni, na tokaniria na tinoni, na rarange, na vaiketai, beto na kopu mulenia pana nyorogua ikeredi. Kepore sa kai vavanau sa suquturia na toa vevei aipira.
Ko inara sa vei sa totonai taqe korapa isongia gita sa na totoso, poni sa ta roiti laoniria na roiti jongadi tadira doru tinoni. Ba isa sa poreveveina jola sa gita ta roiti laoniria na roiti jongadi tadira na tinoni ira gita taqe kai tatamana pana tutina na Karisito.
Muke vavukele gobororia sira nake paranga jongadi beto nake garodi ko bai tavavukele, goto ira gu na paranga qai boka vaneqiria na tinoni ko sa vajonganai na susuvere sa mu vavukeleria. Mina vei sa kode muna tokaniria sira mai nongorogou.
Goto mu roitinia tu na jongana sa tadira na tinoni, mu vadogoroniria na toa vairoqu, beto mu vaivataleosae, kai muqisi podeke vei na Tamasa ba sa taleosonigou tugu pana miu kole kame tavitia na Karisito sagou.
Kaki vavanau pana toa tutina na Karisito
Na miu vairoqu mi koko pana bulomiu sosoto. Mu kilu pale sa na ikerena, goto mu aru tamania tu sisa sa jongana.
Muke vamalumia nikerena qai roiti lamenia ira pana tamu ko mi vakilasigo, goto ao tu mu vakilasania na mua roiti jongana sa na roiti ikerena.
Bi boka paranga sa kai tinoni, <<Ara qa tavamalumunia ko mana boka roitiniria gu doru sakasa qa nyorogua roitiniria,>> biu sisa. E, sosoto, ba nake doru sakasa sa qai tokania na tinoni. Ara mana boka paranga gu, <<Ara qa tavamalumunia ko mana boka roitiniria gu doru sakasa qa nyorogua roitiniria,>> bau sara, ba nake doru sakasa sa qai vaiovulu.
Muke vamalumuria ira na tinoni ko mai valoposogou: ira na baere ikeredi sa qai ngangulia na uana jongadi.
Beto na Tamasa mina boka vapugele nyonyoanigou sira na mana, ko doru totoso munake qasaniria sira na sakasa muna toaniria beto ko muna pugele nyonyoaniria doru roiti jongadi.
Ko qa nyoroguania tugu vei sa ira na iviva rereko ba mai vasaeniria na poko pangaga padadi na uana pangaga beto na tavagigala, maike vinyulu vagogotoria na vurungudi babi na sariniria na qolo babi na papaku babata jonga babi na poko sa sae gigiri na vaidi. Goto na roiti jongadi tu sa mai sariniria na dia toa isa vei sa dogoro padadi ira na iviva rereko qai vatarasaea na Tamasa.
Isa sa sa vania na ona toa mekana ko sa ruvatagita pana doru toa ikeredi beto sa valiosogita ko na ona tinoni poreveveina jola isa sa gita ko taqe ngangaliniria sira na roiti jongadi.
Ko sa vei isa sa agou mu ngangali ko mu vaokoto vatalenia na toa jongana sa na miu rarange, beto mu vatavitinia na gigalaina na nyorogua tana Tamasa sa na jongana. Na gigalaina na nyorogua tana Tamasa sa mu vatavitinia na kopu mulenigou pana ikerena, na kopu mulenigou pana ikerena sa mu vatavitinia na turu vangaju pana tapata. Na turu vangaju sa mu vatavitinia na pangagana na Tamasa. Na pangagana na Tamasa sa mu vatavitinia na vaitamatasi, beto ko na vaitamatasi sa mu vatavitinia na vairoqu.
I sei sa mina boka ngangangulugou agou tonai muna ngangalinia na roiti jongana? Bi mija tu kame!
Kepore sa kai tinoni sa vatoaia na juke beto sa vatoqo pale pa kauru kadakita. Goto sa vatoqoa tu pa totoqona juke isa sa na juke, ko sa tolanga vaniria sira doru pa leo ruma. Ko agou ba mi tolanga vatale tu sa na miu kabere ko ira na tinoni mai batiria na miu roiti jongadi, ko mai vatarasaea sa na Tamamiu pa noka,>> sau si Jisu.
Na Tamasa sa roroquria beto sa roiti vajongana lao tadira doru tinoni, ko agou ba mu roroquria beto mu roiti vajongana lao tugu tadira doru tinoni,>> sau si Jisu.