Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Mna vituhu vakwe, kulongozwa ni Muye ywa Mnungu kwegala lukunde na kinyemi na utondowazi na kufinyiliza na ukise na uwedi na uhuwilwa, ujalamu, hamwenga no kuudaha umoyo. Haihali miko ikudaha kuyahiga ayo.
Kwaivo kila kikapata luneka, kiwadamanyile want’hu wose ayedi, vitendese wandugu zetu wose we hamwenga na suwe mwo kumhuwila Kilisito.
Msekulonga milosi iihile, mna inde niidya iyedi ikuwazenga watuhu, vileke yadya mkulonga yegale uwedi kwa wose wakuyeva.
Mnde na moyo wedi wakufiilana mbazi, kila yumwenga amuusile miyawe wavu wakwe, enga viya Mnungu awausileni nyuwe wavu wenyu kwo mbokela Zumbe Yesu.
Lukunde lusekunda lwa utondwe. Mwiihie uwihi, na mtozese uwedi.
Usekuhumwa ni wiihi, mna uuhume wiihi kwa kudamanya ayedi.
Nyuwe nyose mwagamba vint’hu vose mwalekelwa kudamanya, mna miye nagamba, hivo vose vina vikubanika, naho wamwenga wenyu wagamba, vint’hu vose ni vedi, mna miye nagamba, hivo vose vikuzenga.
Mse kudant’hilizwa. "Wambuya waihile wabananga lugendo lwedi."
Naye Mnungu adaha kumink’hani nyuwe kujink’ha viya mkuunga, vileke mazuwa yose mnde navo viya mkuviunga, vikuwegusani, mdahe kwambiza mwe vingi kwa kila ndima yedi.
Iviyaiviya, naunga wavele wande na ubala wavale suke zikuungwa, hiyo kwehamba kwa milukile yakweheela ya fili, hegu vint’hu va zahabu, hegu va lulu na suke za mayombe makulu, mna kwa kudamanya vedi enga viya viwagilwe wavele wakugamba wamwogoha Mnungu.
Yehe Kilisito nakakelavya yehe mwenye vileke akikombole kilawe mwo wiihi wose na kukitenda kinde want’hu wakwe mwenye wasunt’hike naho want’hu wakumunk’wa kudamanya ayedi.
Kwa ivo kombekeni kongezela mhuwi kwa uwedi, na mwo uwedi wenyu mwongeze umanyi, mwo umanyi yongezeleni no kuihuma mioyo, mwo kuihuma mioyo yongezeleni no ugoja, mwo ugoja nako yongezeleni no kumwogoha Mnungu, kwa kumwogoha Mnungu yongezeleni no kuungana kwa wandugu, ukuungana kwa wandugu, yongezeleni, no lukunde.
Niani akuunga awalumizeni mkanda mkamunk’hwiswa kudamanya yedi?
Naho hahali mnt’hu akukweleza lumuli, niyo alwiika kwe divungu. Mna nolwiikwe hant’hu henukile vileke want’hu wose wauone ung’azi mwe nyumba. Viligane na ivo, ung’azi wenyu nanywe ung’ale mwa want’hu, vileke wakaule ayedi mkudamanya, wamtogole Tati yenyu ywa kwe mbingu.
Naho indeni na mbazi, enga viya eli Tati yenyu.