14 Likayi ninyo ang daotan ug buhata ang maayo.

Tinguhaa gayod ninyo ang pagkinabuhi nga malinawon uban sa inyong isigka-tawo.

3 Salig sa Ginoo ug himoa ang maayo.

Ug magpuyo ka sa yuta sa Israel nga adunay kasigurohan ug walay kahadlokang katalagman.

13 Apan nagtuo ako nga masinati ko ang imong kaayo, Ginoo,

samtang buhi pa ako.

6 Hinumdomi, Ginoo, ang imong kaluoy ug gugma

nga imong gipakita sukad pa kaniadto.

7 Ayaw na hinumdomi ang mga sala

nga akong nahimo sa batan-on pa ako.

Sumala sa imong gugma hinumdomi ako, Ginoo,

aron mapakita mo ang imong kaayo.

17 Matarong ka, Ginoo, sa tanan mong binuhatan,

ug mahigugmaon ka sa tanan mong binuhat.

9 Kon mamati ka kanako, masayran mo

kon unsa ang maayo mong buhaton:

ang husto, matarong, ug ang angayng buhaton.

22 Ganahan kitag tawo nga maayo.

Mas maayo pa ang tawong kabos kaysa bakakon.

22 Apan kini ang makita sa kinabuhi sa tawo kon ang Espiritu mao ang naggahom kaniya: mahigugmaon siya, malipayon, adunay kalinaw, mainantuson, maayo sa iyang isigka-tawo, manggihatagon, kasaligan, 23 buotan ug makapugong sa iyang kaugalingon. Kon mao kini ang atong buhaton dili nato malapas ang mga sugo sa Dios kanato.

10 Busa kon adunay kahigayonan, dili nato palabyon ang pagbuhat ug maayo ngadto sa tanang mga tawo, ug labi na gayod sa atong mga igsoon sa pagtuo.

29 Ayaw kamo pagsulti ug daotan, kondili ang makatabang lang sa inyong isigka-tawo ug ang motukma usab sa higayon, aron makahatag kamo ug kaayohan sa mga nakadungog.

32 Hinuon, magminaayo ug magmalumo kamo sa usag usa, ug magpinasayloay kamo sama sa pagpasaylo sa Dios kaninyo pinaagi kang Cristo.

9 Kinahanglan nga matinud-anon gayod ang atong paghigugma. Likayan nato ang daotan, ug buhaton kanunay ang maayo.

21 Ayaw kamo pagpadaog sa daotan, kondili daoga ninyo ang daotan pinaagi sa paghimo ug maayo.

23 Adunay giingon, "Pwede nato buhaton ang bisan unsa," apan dili tanan makatabang o makapalig-on sa uban. "Pwede nato himuon ang bisan unsa," apan dili tanan makaayo.

33 Ayaw kamo pailad panglingla*, tungod kay: "Makadaot sa maayong pamatasan ang pagpakig-uban sa mga tawo nga daotan."

8 Ug ang Dios makahatag kaninyo labaw pa sa inyong gikinahanglan, aron dili kamo kulangon ug kanunay kamong makatabang sa uban.

9 Bahin sa mga babaye, buot ko nga magmaligdong sila. Magsul-ob sila ug bisti nga dili law-ay tan-awon, dili sobra sa ilang pagpangarte sa ilang buhok, o sa paggamit sa mga alahas nga bulawan o perlas, o sa pagsul-ob sa mahalon nga mga bisti, 10 hinunoa magbuhat sila ug maayo nga maoy angay sa mga babaye nga nagpaila nga sila nagtuo sa Dios.

14 Gitugyan niya ang iyang kaugalingon aron maluwas kita gikan sa tanan natong mga sala, ug aron mahimo kitang iyang katawhan, nga hinlo ug madasigon gayod sa pagbuhat ug maayo.

5 Busa, paningkamoti gayod ninyo nga ikadugang sa inyong pagtuo ang maayong pamatasan; sa inyong maayong pamatasan, ang kaalam; 6 sa kaalam, ang pagpugong sa kaugalingon; sa pagpugong sa kaugalingon, ang pagkamainantuson; sa pagkamainantuson, ang pagkadiosnon; 7 sa pagkadiosnon, ang paghigugma sa atong mga igsoon kang Cristo; sa paghigugma sa atong mga igsoon kang Cristo, ang paghigugma sa tanan.

13 Kinsa bay mopasipala kaninyo kon gusto gayod ninyo magbuhat kanunay ug maayo?

16 Mao sad kini ang giingon sa Ginoo,

"Tindog kamo diha sa gisang-an sa mga dalan ug pagpakisusi pag-ayo.

Pangutana kamo kon hain ang karaan ug maayo nga dalan,

ug didto kamo agi.

Kon buhaton ninyo kini, maangkon ninyo ang kalinaw.

Apan miingon kamo, ‘Dili kami moagi diha!’

7 Maayo ang Ginoo;

lig-on siya nga dalangpanan sa panahon sa kasamok,

moatiman siya sa mga mosalig kaniya.

15 Walay tawo nga magdagkot ug suga ug unya takloban lang dayon ug gantangan. Ibutang hinuon niya kini sa tungtonganan aron mahayagan ang tanan sulod sa balay. 16 Busa mao usab kini ang inyong buhaton. Pasigaha ninyo ang inyong suga ngadto sa mga tawo, aron makita nila ang inyong maayong mga binuhatan ug dayegon nila ang inyong Amahan sa langit.

36 Magmaluloy-on kamo sama sa inyong Dios nga Amahan.