14 Tshiya ububi wenze okulungileyo;

funa ukuthula ukunxwanele.

3 Themba kuThixo wenze okulungileyo;

hlala elizweni ukholise amadlelo amahle.

13 Ngilokhu ngilesibindi ngalokhu:

ngizakubona ukulunga kukaThixo

emhlabeni wabaphilayo.

6 Khumbula, Oh Thixo, isihawu Sakho esikhulu kanye lothando,

ngoba konke kuvela ekadeni.

7 Ungakhumbuli izono zobutsha bami

lezindlela zokuhlamuka kwami;

ngikhumbula ngokufanele uthando Lwakho,

ngoba ulungile, Oh Thixo.

17 UThixo ulungile kuzozonke izindlela zakhe

njalo uthembekile kukho konke akwenzayo.

9 Yikho uzazwisisa lokho okulungileyo lokuqondileyo lokufaneleyo

zonke izindlela ezinhle.

22 Umuntu uloyisa uthando olungaqamukiyo;

kungcono ukuba ngumyanga kulokuba lamanga.

22 Kodwa izithelo zikaMoya luthando, lokuthokoza, lokuthula, lokubekezela, lomusa, lokulunga, lokuthembeka, 23 lobumnene kanye lokuzithiba. Ezintweni ezinje akulamthetho.

10 Ngakho-ke, njengokuba silethuba kasenzeni okulungileyo ebantwini bonke ikakhulu kulabo abangabemuli yabakholwayo.

29 Akungabi lenkulumo embi ephuma emilonyeni yenu kodwa okusizayo ekwakheni abanye ngokwezinswelo zabo, ukuba kusize labo abalalelayo.

32 Wobani lomusa kanye lozwelo komunye lomunye wenu njalo lithethelelane njengalokhu uNkulunkulu walithethelela ngoKhristu.

9 Uthando kumele lube qotho. Zondani okubi libambelele kokulungileyo.

21 Linganqotshwa ngokubi, kodwa nqobani ububi ngobuhle.

23 "Ngilelungelo lokwenza loba yini," kodwa akusizinto zonke ezilosizo. "Ngilelungelo lokwenza loba yini," kodwa akusizinto zonke ezakhayo.

33 Lingedukiswa: "Abangane ababi bayasona isimilo esihle."

8 Njalo uNkulunkulu ulamandla okwenza umusa wande kini ukuze kuthi ezintweni zonke ngezikhathi zonke, lilakho konke elikuswelayo, lizakuba lokunengi kuyo yonke imisebenzi emihle.

9 Ngifuna ukuba abesifazane bagqoke ngokuzothileyo, okuhle lokufaneleyo, kungabi ngenwele ezelukiweyo loba igolide loba amangqongqo loba izigqoko ezidulayo 10 kodwa ngezenzo ezinhle ezifanele abesifazane abathi bayamkhonza uNkulunkulu.

14 owazinikela ngenxa yethu ukuba asihlenge ebubini bonke kanye lokuthi azihlambululele abantu abangabakhe, abatshisekela ukwenza okuhle.

5 Ngenxa yalesisizatho, yenzani imizamo yonke ukuba lengeze ukulunga ekukholweni kwenu; lekulungeni lengeze ukwazi; 6 ekwazini lengeze ukuzithiba; ekuzithibeni lengeze ukubekezela; ekubekezeleni lengeze ukumesaba uNkulunkulu; 7 ekumesabeni uNkulunkulu lengeze umusa wobuzalwane; lasemuseni wobuzalwane lengeze uthando.

13 Ngubani ozalilimaza nxa litshisekela ukwenza okulungileyo na?

16 UThixo, uthi:

"Manini emahlanganweni emigwaqo likhangele,

libuze izindledlana ezindala,

libuze lapho okulendlela enhle khona, lihambe ngayo,

lizathola ukuphumula kwemiphefumulo yenu.

Kodwa lina lithe, ‘Kasiyikuhamba ngayo.’

7 UThixo ulungile,

uyisiphephelo ezikhathini zokuhlupheka.

Uyabakhathalela abathembele kuye,

15 Njalo abantu kabalumathisi isibane basibeke ngaphansi kwesitsha. Kodwa basibeka phezu koluthi lwaso ukuze sikhanyisele bonke abasendlini. 16 Ngokunjalo, yenzani ukukhanya kwenu kukhanye phambi kwabantu ukuze babone izenzo zenu ezinhle baze badumise uYihlo osezulwini."

36 Wobani lesihawu njengoYihlo olesihawu."