Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
वाईटाचा त्याग कर आणि चांगले ते कर;
शांतीचा शोध घे व तिच्यामागे लाग.
याहवेहवर भरवसा ठेव आणि चांगले ते कर;
की तू सुरक्षित कुरणाचा आनंद उपभोगून देशात वसती करू शकशील.
मला हा पूर्णपणे विश्वास आहे:
की मी या जीवनातच याहवेहच्या
चांगुलपणाचा अनुभव घेणार.
याहवेह, तुम्ही आपली महान कृपा व प्रीती स्मरण करा,
ती सनातन काळापासून आहेत.
माझी तारुण्यातील पातके
आणि बंडखोर वृत्ती आठवू नका;
तुमच्या प्रीतीनुसार माझे स्मरण करा,
कारण याहवेह, तुम्ही चांगले आहात.
याहवेहचे प्रत्येक मार्ग न्यायीपणाचे आहे
आणि ते आपल्या सर्व कृत्यात विश्वासू आहेत.
तेव्हा कोणते योग्य व कायदेशीर,
आणि निष्पक्ष आहे—प्रत्येक सन्मार्ग तुला समजेल.
मनुष्य इच्छा बाळगतो की त्याला अतूट प्रेम मिळावे;
लबाडी करण्यापेक्षा गरीब राहणे बरे.
परंतु आत्म्याचे फळ प्रीती, आनंद, शांती, सहनशीलता, दयाळूपणा, चांगुलपणा, विश्वासूपणा, सौम्यता व आत्मसंयमन; अशांविरुद्ध नियमशास्त्र नाही.
म्हणून शक्य होईल आणि जशी आपणास संधी मिळेल तसे आपण सर्वांचे भले करावे, विशेषकरून विश्वासणार्यांच्या कुटुंबाचे चांगले करावे.
आपल्या मुखाद्वारे अपायकारक शब्द बाहेर पडू देऊ नका. परंतु प्रसंगाला अनुसरून ऐकणार्यांसाठी उपयुक्त व त्यांच्या वृद्धीसाठी कारणीभूत होईल असे बोला.
एकमेकांना दयाळू व कनवाळूपणे वागवा; जशी परमेश्वराने तुम्हाला ख्रिस्तामध्ये क्षमा केली, तशी तुम्ही एकमेकांना क्षमा करा.
प्रीती निष्कपट असावी. जे वाईट त्याचा द्वेष करा. जे चांगले आहे त्याला चिटकून राहा.
वाईटाने जिंकले जाऊ नका, तर चांगल्याने वाईटाला जिंका.
"मला प्रत्येक गोष्ट करण्याची मुभा आहे," असे तुम्ही म्हणता तरी प्रत्येक गोष्ट हितकारक असतेच असे नाही, "मला प्रत्येक गोष्ट करण्याची मुभा असली," तरी सर्वगोष्टी वृद्धी करीत नाहीत.
तुम्ही फसविले जाऊ नका: "वाईटाची संगती चांगल्या चरित्रांना बिघडवते."
परमेश्वर तुम्हाला विपुल आशीर्वाद देण्यास समर्थ आहे. ते तुम्हाला सर्ववेळी व सर्व गोष्टीत एवढे देतील की जे काही तुम्हाला गरजेचे आहे ते मिळेल व चांगल्या कामासाठी भरपूर शिल्लक राहील.
स्त्रियांनीही वागणुकीत शांत, समजूतदार, आदरणीय आणि वस्त्रे प्रावरणांत संयमी असावे. वेशभूषा, सोने किंवा मोती किंवा मोलवान पोशाख यामध्ये नव्हे, तर जे परमेश्वराची भक्ती करणार्यांना शोभेल, अशा आचरणामुळे त्यांच्याकडे लक्ष वेधले जावे.
त्यांनीच स्वतःचे बलिदान देऊन आपल्याला प्रत्येक अधर्मापासून मुक्त केले, त्यांनी स्वतःसाठी शुद्ध करून त्यांच्या चांगल्या कार्यासाठी आपल्याला उत्साही प्रजा बनविले.
कारण याच कारणासाठी, तुमच्या विश्वासामध्ये चांगुलपणाची भर घालण्याचा प्रयत्न करा; चांगुलपणात ज्ञानाची; ज्ञानात आत्मसंयमाची; आत्मसंयमात धीराची; धीरात सुभक्तीची; सुभक्तीत बंधुप्रेमाची; बंधुप्रेमात प्रीतीची.
चांगले करण्याची आस्था असेल, तर सहसा कोणी तुम्हाला अपाय करणार नाही.
याहवेह असे म्हणतात:
"चौरस्त्यावर उभे राहा व पाहा;
पुरातन मार्गाची विचारणा करा,
तो चांगला मार्ग कुठे आहे ते विचारा आणि त्या मार्गाने जा,
तसे केल्यास तुमच्या आत्म्याला शांती लाभेल.
परंतु तुम्ही म्हटले, ‘आम्ही त्या मार्गाने चालणार नाही.’
याहवेह चांगले आहेत,
संकटसमयी आश्रयस्थान आहेत.
त्यांच्यावर भरवसा ठेवणार्या प्रत्येकाची ते काळजी घेतात.
त्याचप्रमाणे लोक दिवा लावून तो मापाखाली ठेवत नाही. त्याऐवजी, दिवठणीवर ठेवतात म्हणजे घरातील प्रत्येकाला प्रकाश मिळावा. याचप्रकारे लोकांनी तुमची चांगली कामे पाहून तुमच्या स्वर्गीय पित्याचे गौरव करावे म्हणून तुमचा प्रकाश उजळू द्या.
जसा तुमचे पिता कनवाळू आहेत, तसे तुम्हीही व्हा.