Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Lokri iwe timbe maricho kendo itim tim maber;
many kwe kendo iluwe.
Gen kuom Jehova Nyasaye kendo tim maber.
Eka inidag e piny kendo inichiem gi mor e lek maber.
To an gi ratiro kuom wachni:
ni pod abiro neno ber Jehova Nyasaye,
e piny joma ngima.
Par kechni maduongʼ gi herani, yaye Jehova Nyasaye,
nikech gisebedo ka gintie nyaka aa chon.
Kik ipar richo mane atimo kapod an rawere
kod yorena mobam;
para kaluwore gi herani,
nikech iber, yaye Jehova Nyasaye.
Jehova Nyasaye nikare e yorene duto
kendo ohero ji duto mosechweyo.
Ka iwinjo wachna, eka iningʼe gima kare,
kendo mowinjore ma gin yore duto mabeyo.
Gima dhano dwaro en hera ma ok rum,
ber bedo jachan moloyo bedo ja-miriambo.
To gik ma Roho nyago gin hera, mor, kwe, horuok, ngʼwono, ber, bedo ja-adiera, dimbruok kod ritruok. Onge chik moro amora makwedo gik ma kamago.
Emomiyo, e kinde duto mwayudoe thuolo, to ber mondo watim maber ni ji duto, to moloyo ni kanyakla mar joma oyie.
Kik uyie weche maricho wuogi e dhou, to mana weche mabeyo manyalo konyo kuom gero ji kaluwore gi dwarogi mondo wecheu okony joma winjo.
Beduru mangʼwon kendo gi kech ni joweteu, ka ngʼato ka ngʼato weyo ni nyawadgi richone, mana kaka un bende Nyasaye noweyonu richou kuom Kristo.
Hera nyaka bed mar adier. Beduru mosin gi timbe maricho; padreuru kuom gik mabeyo.
Kik uyie richo lou, to louru richo gi tim maber.
Ngʼato nyalo wacho niya, "Oyiena timo gimoro amora mwadwaro," to gik moko duto ma watimo ok kelnwa konyruok. Ngʼat machielo to wacho niya, "Oyiena timo gimoro amora madwaro," to gik moko duto ma watimo ok kelnwa dongruok.
Kik ngʼato wuondu. Ngʼeuru niya, "Bedo e lalruok kod joma richo ketho timbe mabeyo."
To Nyasaye nyalo miyo ubed gi gweth mogundho, mondo kinde duto ubed gi gik moko duto munyalo konyorugo un uwegi, kod mamoko malangʼ munyalo konyogo joma moko.
Adwaro bende ni mon orwakre gi lewni mowinjore ka gibidhore kendo giritore maber, to rwakruokgi kik bed mana mar kado wich kata mar dhahabu kata mar rwako tigo ma nengone tek kata lewni ma nengogi tek, to onego girwakre gi timbe mabeyo mowinjore gi mon mawacho ni oluoro Nyasaye.
mane ochiworenwa mondo oreswa wawe timbe maricho kendo mondo opwodh ne en owuon joma owinjore bedo joge, moikore timo gik mabeyo.
Kuom mano, temuru matek kaka unyalo mondo umed ber e yieu, to bende medeuru ngʼeyo; to ngʼeyo to medeuru ritruok, to ritruok medeuru horuok, to horuok to medeuru luoro Nyasaye, to luoro Nyasaye to medeuru ngʼwono mar owete; to ngʼwono mar owete to medeuru hera.
Ere ngʼama dihinyu ka uikoru mar timo gima ber?
Ma e gima Jehova Nyasaye wacho:
"Chunguru e akek yore
kendo urang wangʼ yore machon;
penjuru kuma yo maber nitie,
mondo uwuothie, kendo unuyud yweyo e chunyu.
To ne uwacho ni, ‘Ok wanaluwe.’
Jehova Nyasaye ber,
Jehova Nyasaye e kar pondo e kinde mag chandruok,
orito joma ogeno kuome.
Kamano bende, ji ok mok taya bangʼe giume gi bakul. Kar timo kamano to gikete ewi rachungi taya kendo ochiwo ler ne ji duto mantiere ei ot. Un bende timuru kamano. Neuru ni ler maru rieny e dier ji, mondo gine timbeu mabeyo kendo gipak Wuonu manie polo.
Beduru mangʼwon, mana kaka Wuonu ngʼwon.