Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Botuka mu mambimbi vayi vanga mamboti.
Tomba ndembama ayi landakana yawu.
Tula diana diaku mu Yave ayi vanga mamboti ;
buna wela vuanda mu tsi ayi wela zingila mu ndembama.
Ndisia diana mu diambu diadi :
Ndiela mona mamboti ma Yave va ntoto wu batu badi moyo.
A Yave, tebukila kiadi kiaku kingolo moyo
ayi luzolo luaku lu ngolo,
bila bidi mu zithangu zioso.
Kadi tebukila moyo masumu mama ma kimuana ;
ayi kadi tebukila moyo zinzila ziama zi matingu.
Mu diambu di luzolo luaku,
bika wuthebukila moyo ;
bila ngeyo widi wumboti, a Yave.
Yave widi wusonga mu zinzila ziandi zioso
ayi widi nkua luzolo kuidi batu boso kavanga.
Vayi mbutu wu Pheve wawu wawu : luzolo, khini, ndembama, mvibudulu, tsalasani, vanganga mamboti, kikhuikizi, banga batu balembama, kukiyala. Mambu ma phila yayi masi bumbeni ayi mina ko.
Diawu diluaku bu dimonikini, buna bika tuvanga mamboti kuidi batu boso vayi viokila kuidi bakhomba zieto mu minu.
Bika mambu mambimbi mabika totukila mu miunu mieno. Vayi momo kaka madi mamboti, mafueni mu tunga minu boso buididi zitsatu ziawu mu diambu mamonisa mamboti kuidi batu bobo balembo wa mawu.
Bika kadika mutu kamonika mutu wumboti kuidi ndiandi ; lumonasanangakiadi, lulemvukilanga badieno banga bobo Nzambi kalulemvukila mu Klisto.
Bika luzolo lukambu mayuya. Lulenda mambu mambimbi ayi lusingimina mu mambu mamboti ; mu diambu di :
Mambu mambimbi mabika kubedisanga vayi bedisanga mambimbi mu mambu mamboti.
Luvanga mamoso mu diambu di nkembo wu Nzambi
"Minsua midi mu mambu moso". Muaki mambu moso masi mfunu ko. Voti minsua midi mu mambu moso vayi mambu moso matunganga ko.
Lubika vunuka bila kikundi kimbimbi kimbivisanga bifu bimboti.
Nzambi beki lulendo lu kuludukudila lusakumunu loso mu diambu di mu zithangu zioso ayi mu mambu moso lubaka bubakilanga bima bioso biobi luidi mfunu ayi muingi lusala buwombo bisalu bioso mu bufueni.
Thidi ti baketo bavuata minledi mu phuatulu yi mboti, mukukikulula ayi mu lukinzu. Babika viokisanga tezo mu khangusulu yi zitsuki, babika vuatanga bilunga bi nolo, minsanga voti minledi mithalu. Vayi bika bavanga mavanga mamboti momo mamvanganga baketo bansadilanga Nzambi.
Wukiyekula niandi veka mu diambu dieto muingi katukula mu mambu moso mambimbi ayi muingi kavedisa, mu diambu diandi veka, batu bobo kavuidi niandi veka ayi bobo bantulanga bufula mu vanganga mavanga mamboti.
Mu diambu diodi bika lutula zingolo zieno mu buela vanganga mambote va mbata minu kieno ; nzayilu va mbata vanganga mambote ; kukiyala va mbata nzayilu ; thatumunu va mbata kukiyala ; kukiyekula kuidi Nzambi va mbata thatumunu ; luzolo lu kikhomba va mbata kukiyekula kudi Nzambi ; bosi luzolo va mbata luzolo lu kikhomba.
Kalanga wukubama mu vovila diana diaku
Nani wulenda kuluvanga phasi enati mamboti kaka lueti vanga e ?
Enati balemisini muinda, bawu tulanga ku tsi katini ko, vayi va yilu meza muingi wumonisa kiezila kuidi batu boso badi mu nzo. Diawu bika kiezila kieno kilezimina bobo vadi batu muingi bamona mavanga meno mamboti ayi muingi bakembisa Dise dieno didi ku Diyilu.
Bika luba batu bambote banga dise dieno widi wumbote.