Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Edi mme mfri Spirit edi ima, idara, emem, ime, mfọnido, eti ido, edinam akpanikọ, nsuhọde idem, mfarakeidem. Ibet ndomokiet ituahake ye mme oruk nti mfri ntem.
Ke ntre, adaña nte ñnyin inyenyene ifet, eyak ñnyin inam eti ñkpọ inọ owo kiet ekededi, akpanakpan ye mme mmọ emi edide kiet ye ñnyin ke ekpuk mbuọtidem.
Ekuyak ndiọi ikọ ewọrọ mbufo ke inua ke ini emi mbufo etiñde ikọ. Etiñ mme ikọ emi añwamde añwam, mme uduot ikọ emi ekemede ndidọdiọñ, ñnyuñ nnọ se inanade, man otodo se mbufo etiñde akpanam ufọn ọnọ mme mmọ emi ekpañde utọñ enọ mbufo.
Ekabade efọn ido enyuñ ekop kiet eken mbọm eñyuñ edaha do enọ kiet eken, nte Abasi akadahadedo ọnọ mbufo ke Kraist.
Ima enyene ndidi ke akpanikọ. Esua se idiọkde edi esọñọ emum se ifọnde ekama.
Ekuyak idiọkñkpọ akan mbufo, utu koro, eda nti ido ekan idiọkñkpọ.
Mmọ edọhọ ete, "Enyime ñnyin inam ñkpọ kiet ekededi". Emi edi akpanikọ, edi idighe kpukpru ñkpọ ọfọn. Enyime ñnyin inam ñkpọ ekededi, edi idighe kpukpru ñkpọ ada uwem ọsọk ñnyin.
Ekuyak ebiaña mbufo, "idiọk nsaña ababiat eti ido."
Ndien Abasi ekeme ndinọ mbufo ñkan nte mbufo eyomde, man oto do mbufo enyene se mbufo eyomde kpukpru ini enọ idem mbufo, onyuñ ọsuhọ se edade enam kpukpru nti utom.
Ami ñko ñyom iban efara ke idem enyuñ enyene eti ibuot ebaña se mmọ esinede, enyuñ ediọñ idem nte ọfọnde; idighe ke edidọk nsio nsio oruk idet, mme ye mme ñkpọ mbanaidem gold, mme eke nsọñurua itiat, mme mme nsọñurua ọfọñidem, edi, edi ye nti edinam, nte ọfọnde ekem ye iban emi enyimede ete ke mmimọ idi nditọ Abasi.
Enye ama ayak idem Esie ọnọ ñnyin, ndinyaña ñnyin nsio ke kpukpru oburobut ido, onyuñ anam ñnyin idi mme ndisana ikọt Abasi, emi inyenede Enye ikpọñ ikpọñ, inyuñ ikopde udọñ ndinam nti ñkpọ,
Ke ntak emi, enam ofuri ukeme mbufo ndidian mfọnido ke mbuọtidem mbufo, ke mfọnido edian ifiọk. Ke ifiọk mbufo edian mfara ke idem, ke mfarakeidem edian ediyọ, ke ediyọ edian ndik Abasi, ke ndik Abasi mbufo edian mfọnido nditọ ete, ke mfọnido nditọ ete edian ima.
Anie ekeme ndibiomo mbufo ndo edieke mbufo esinde ifik ndinam se ifọnde?
Owo inyuñ idomoke utueneikañ ida abañ ifuk; edi edori enye ke enyọñ ñkpọ udori utueneikañ ke ebiet emi enye ayamade ọnọ kpukpru owo ke ufọk. Eyak uñwana mbufo ayama ke iso mme owo man mmọ ekut nti utom mbufo, enyuñ enọ Ete mbufo emi odude ke enyọñ ubọñ.
Ewut esit mbọm nte emi Ete mbufo owutde mbọm.