Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
बुरई ला छोंड़के भलई करव;
सांति के खोज म रहव अऊ ओकर पाछू लगे रहव।
यहोवा ऊपर भरोसा रखव अऊ भलई करव;
देस म रहिके सुरकछित निवास के आनंद उठावव।
मोला ये बात के भरोसा हवय:
कि जीयत परानीमन के देस म
मेंह यहोवा के भलई ला देखहूं।
हे यहोवा, अपन बड़े दया अऊ मया ला सुरता कर,
काबरकि ओमन पुराना जमाना ले हवंय।
मोर जवानी के पाप
अऊ मोर बिदरोही काममन ला सुरता झन कर;
अपन मया के मुताबिक मोला सुरता कर,
काबरकि हे यहोवा, तेंह बने अस।
यहोवा ह अपन जम्मो बात म धरमी
अऊ अपन जम्मो काम म बिसवासयोग्य ए।
तब तेंह समझबे कि कते बात ह सही अऊ नियाय
अऊ उचित ए—याने कि जम्मो बने बात ला समझबे।
मनखे ह जेकर ईछा करथे, ओह अटूट मया ए;
गरीब मनखे ह एक लबरा मनखे ले जादा बने अय।
पर पबितर आतमा के फर ह मया, आनंद, सांति, धीरज, दया, भलई, बिसवास, नमरता अऊ संयम अय। अइसने-अइसने बात के बिरोध म कोनो कानून नइं ए।
एकरसेति, आवव, जिहां तक हो सकय, हमन जम्मो मनखे के भलई करन, खास करके ओमन के भलई करन, जऊन मन मसीह ऊपर बिसवास करइया परिवार ले आथें।
तुम्हर मुहूं ले कोनो खराप बात झन निकलय, पर सिरिप ओहीच बात निकलय, जऊन ह जरूरत के मुताबिक आने मन के बढ़ती म मददगार होथे, ताकि जऊन मन सुनंय, ओमन ला एकर ले फायदा होवय।
एक-दूसर के ऊपर दया अऊ किरपा करव, अऊ जइसने परमेसर ह मसीह म तुमन ला छेमा करिस, वइसने तुमन घलो एक-दूसर ला छेमा करव।
आने मन ला निस्कपट मया करव। बुरई ले घिन करव; भलई करे म लगे रहव।
बुरई ले झन हारव, पर भलई करे के दुवारा बुरई ला जीत लेवव।
"मोला हर चीज करे के अनुमति हवय," तुमन कहिथव—पर हर चीज ह लाभ के नो हय। "मोला हर चीज करे के अनुमति हवय"—पर हर चीज ले उन्नति नइं होवय।
धोखा झन खावव: "खराप संगति ह बने चालचलन ला नास कर देथे।"
परमेसर ह तुमन ला जम्मो किसम के आसीस बहुंतायत ले देय म सामर्थी अय, ताकि तुम्हर करा जरूरत के हर चीज हमेसा बहुंतायत म रहय अऊ तुमन हर एक बने काम म बहुंतायत से दे सकव।
मेंह ये घलो चाहत हंव कि माईलोगनमन संकोच अऊ बने आचरन के संग ठीक से कपड़ा पहिरंय, न कि बाल गुंथके या सोन या मोती या मंहगा कपड़ा ले अपनआप ला संवारंय, पर भलई के काम करंय, जइसने कि ओ माईलोगनमन ला सोभा देथे, जऊन मन परमेसर के अराधना करे के घोसना करथें।
यीसू ह अपन परान ला हमर खातिर दे दीस कि हमन ला जम्मो किसम के अधरम ले छुड़ा लेवय अऊ अपन बर अइसने सुध मनखे बनावय, जऊन मन भलई के काम करे बर उत्सुक रहंय।
एकरे कारन, तुमन हर किसम ले कोसिस करके अपन बिसवास म भलई, अऊ भलई म गियान, अऊ गियान म संयम, अऊ संयम म भक्ति, अऊ भक्ति म भाई-चारा के दया, अऊ भाई-चारा के दया म मया जोड़त जावव।
यदि तुमन भलई करे बर उत्सुक हवव, त तुम्हर हानि कोन करही?
यहोवा ह ये कहत हे:
"सड़क के चऊकमन म ठाढ़ होवव अऊ देखव;
पुराना रसता के बारे म पुछव,
पुछव कि बने रसता कहां हवय, अऊ ओही म रेंगव,
अऊ तुमन ला अपन मन म सांति मिलही।
पर तुमन कहेव, ‘हमन येमा नइं रेंगन।’
यहोवा बने अय,
अऊ संकट के बेरा म मजबूत गढ़ अय।
ओह ओमन के खियाल रखथे, जऊन मन ओकर ऊपर भरोसा रखथें,
अऊ न तो मनखेमन दीया ला बारके बड़े कटोरा के खाल्हे म रखथें, पर दीया ला दीवट ऊपर मढ़ाथें, जिहां ले येह घर के हर एक जन ला अंजोर देथे। ओही किसम ले, तुम्हर अंजोर ह मनखेमन के आघू म चमकय, ताकि ओमन तुम्हर बने काम ला देखंय अऊ स्वरग म रहइया तुम्हर ददा के बड़ई करंय।
दयालु बनव, जइसने स्वरग म रहइया तुम्हर ददा ह दयालु ए।