Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
बूरै करनै का हटै पिछ़ू, तम्हैं करै भलअ ई,
तम्हैं दैणअ दिला का मेल़-ज़ोल़ करनै बाखा ज़ोर।
बिधाता दी डाहणअ भरोस्सअ, आप्पू रहणअ भलअ करदै लागी।
तै रहणैं तम्हैं तेऊ देशै बस्सी अर राज्ज़ी-राम्बल़ै।
पर हे बिधाता, मुंह आसा भरोस्सअ मुंह भाल़णीं तेरी भलाई
ज़िऊंदी ज़िता एऊ ई संसारै।
हे बिधाता, ज़ीबाण, ऐहा गल्ला कर आद कि
तूह आअ जुगा-जुगा ओर्ही सबर अर झींण करदी।
हे बिधाता, मेरै खारकी अमरा किऐ दै पाप अर गलती कर माफ।
तूह कर ऐहा गल्ला प्रगट कि तूह झ़ूरा सदा अर
झींण करी डाह मुंह आद।
हे बिधाता, तूह आसा तेरै सोभी कामां लै धर्मीं,
अर तेरै सोभी कामां दी हआ खास्सी झींण।
अक्ली करै लागणअ तम्हां का थोघ कि
धर्म, भलाई अर मानदारी किज़ै आसा।
मानदार मणछ मोहा होरी लोगा बी,
गरीब मणछ हआ शल़ैघा घल़णै आल़ै का भलअ।
पर ज़ेभै हाम्हैं पबित्र आत्में बशै रहा सह करा हाम्हां दी झ़ूरी, नंद, मेल़-ज़ोल़, भलाई, विश्वास, क्रिप्पा, सबर, शरीफी, सबर पैईदा इहै-इहै कामें खलाफ निं कोहै बधान आथी।
तै बोला हुंह कि ज़िधी तैणीं हाम्हां मोक्कअ भेटे, हाम्हां करनी सोभी संघै भलाई, खासकर भाई-बैहणी संघै ज़ुंण मसीहा दी विश्वास करनै करै म्हारै टबरा ज़िहै आसा।
कोई बी नथोघी गल्ला निं लोल़ी थारी खाखा का निखल़ी, पर एही भली गल्ला करनी ज़ेता करै होरीए बी मज़त होए थारै बोल बोल़णैं करै लोल़ी शुणनै आल़ै मणछे बर्गत हुई।
एकी-दुजै लै हआ झणैल़ू अर झ़ूरनै आल़ै। ज़िहअ परमेशरै मसीहा ईशू दी थारै ज़ुल्म माफ किऐ, तिहै ई करा तम्हैं एकी-दुजै माफ।
लोगा लै झ़ूरी करना लै निं लोल़ी मन्नैं कपट हुअ, बूराई का करै नफरत अर भलाई दी रहा लागी।
बूराई करी निं ज़िती, पर भलाई करी पाआ बूराई दी ज़ीत।
तम्हां बोल़णअ, "हाम्हैं सका सोभै गल्ला करी," पर सोभै फाईदे निं आथी। तम्हां बोल़णअ, "हाम्हैं सका सोभै गल्ला करी" पर सोभी च़िज़ा संघै बढोतरी निं आथी।
ज़ुंण लोग एही गल्ला करा तिन्नां मणछे गल्ला मनी निं ऐडै बणी, "कदुष्ट मणछा संघै साथ करा भलै मणछा बूरै।"
परमेशरो जश सका तम्हां लै सोभ गल्ला थारी ज़रुरती का बी खास्सअ दैई, ज़ेता करै तम्हां लै हर गल्ल हर बगत ज़ुंण तम्हां ज़रूरी आसा सह तम्हां सेटा रही सके अर हर भलै कामां करना लै सका तम्हां सेटा सोभ गल्ला हई।
तिहअ ई, बेटल़ी बी करै लाज़-शरम डाही भलै कामों हार शंगार करनअ इहअ शंगार ज़ुंण परमेशरे लोगा शोभा दैआ, नां कि कई रंगे गुछ़टी बाली करै अर सुन्नैं-च़ंदी, मोती, अर किम्मती झिकल़ै करै। पर तिन्नां लागा होरी लोगा लै भलै काम करनै सह आसा तिन्नों शंगार अर असली शोभा।
तेऊ मसीहा दैनी म्हारी तैणीं आपणीं ज़िन्दगी, ताकि सह हाम्हां म्हारै सोभी पापा का छ़ुटकारअ करी अर हाम्हां शुचै करे ताकि हाम्हैं तेऊए आपणैं खास लोग होए। ज़ुंण भलै ई भलै काम च़ाहा करनै।
किल्हैकि तम्हैं आसा परमेशरे भलै सभाबा दी साझ़ू, तै निं तम्हैं सिधै मसीहा दी विश्वास करनै आल़ै रही, तम्हां लागा हर बगत होरी लै भलै करदै रहणअ लागी। तेखअ निं तम्हैं सिधै भलै करनै आल़ै लोल़ी रहै, तम्हां लोल़ी होरी लै बभारा करने समझ़ बी हुई। सिधअ इहअ निं समझ़णअ कि किहअ बभार करनअ, तम्हां लागा आप्पू बी काबू दी रहणअ ताकि तम्हैं तेही बूरी गल्ला नां करे ज़ेता तम्हैं करनअ च़ाहा। तम्हैं निं सिधै आप्पू काबू करनै आल़ै रही, तम्हां लागा दुखा दी सबर बी करनअ। तम्हैं सिधै सबर डाहणैं आल़ै बी निं लोल़ी रहै, तम्हां लागा तेही ज़िन्दगी बी ज़िऊंणीं ज़ेता करै परमेशर खुश हआ। तम्हैं निं सिधै एऊ साबै ज़िऊई ज़ेता करै परमेशर खुश हआ, तम्हां लागा एकी-दुजै संघै आपणैं टबरा ज़ेही झ़ूरी बी करनी।
ज़ै तम्हैं हर बगत भली गल्ला करने कोशिश करे, तै निं कोही लाऐ तम्हैं च़िक्की।
बिधाता बोला आपणीं परज़ा लै इहअ,
"च़फै दी खल़्हिया संघा भाल़ा फेर,
पुछ़णी दैआ बधिया बात कुंण ज़ेही आसा ज़ुंण पराणैं ज़मानै ओर्ही आसा।
संघा हांढा तैहा बाता, तै रहणैं तम्हैं राज्ज़ी-मौज़ी।
पर तिंयां बोला इहअ, ‘हाम्हां निं तैहा बाता हांढणअ!’
बिधाता आसा भलअ,
सह करा आफ़ते पलका आपणीं परज़े फाज़त।
सह दैआ तिन्नां लै शरण ज़ुंण तेऊ बाखा फिरा।
इहअ निं कोह आथी ज़ुंण दीअ ज़ाल़ी दरोठू भितरी डाहा पाई तेता डाहा दीअदानी दी उछ़टै ताकि सारै घअरै प्रैश्शअ होए। ठीक इहअ लोल़ी ई थारअ प्रैश्शअ बी होरी लोगा नदरी च़मकअ। ताकि तिंयां थारै भलै कामां भाल़ी परमेशरे बड़ैई करे ज़ुंण थारअ बाब स्वर्गै आसा।
ज़िहअ थारअ स्वर्गो बाब परमेशर झणैल़ू आसा, तम्हैं बी करा होरी लै तेही ई झींण।