Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
A muei sang mesued, ap wiada me mau, rapaki popol ap dadaurata.
Kaporoporeki Ieowa o wiada me mau, kaukausonta nan sap o, o wiawia me pung.
Ari so, i asa, me i pan ududial kalangan en Ieowa nan sap en me memaur akan.
Maing, kom kotin tamanda omui kalangan o omui kapunglol, me tapidar mon kaua.
Re der kotin kupura dip en ai tikitik o ai sopeik; a kupura ia ni ar kapunglol o kalangan! Maing Ieowa.
Ieowa me pung ni al a karos o saraui ni a wiawia kan karos.
A iet akan wa en Ngen: Limpok, peren, popol, kanongama, kadek, kamau, poson, opampap liki sang me sued. Sota kapung pan mepukat.
Ma a kak pa atail, kitail en wia mau ong karos, a mas ong kisan me poson akan.
Kasoi saut ender ko wei sang nan au omail, a men kamau, pwen papaki ong me karong akan me mau.
A komail en kadek pena, o poka pena, o mak pena amen amen, dueta Kot kotin maki ong komail ren Kristus.
Omail limpok ender sapung, tateki me sued, tengeteng ni me mau.
Koe der lodi ong me sued, a poekidi me sued me mau.
A muei onger meakaros, a kaidin karos me kin kamaula; a muei onger meakaros, a kaidin karos me kin kapungla.
Der duki ong, me kasongesong komail! Kasoi sued kin kawela tiak mau.
A Kot me kotin manaman ong en kalaudelang komail song en mak kan karos, pwe komail en kapwapwa ni song karos o ansau karos, ap kak ong song en wiawia mau karos,
Pil dueta li akan, ren kapwadeki likau makelekel o lelapok, o tiak mau, a kaidin ni ingid pit en monga, de kold, de manaman akan, de likau lingan, A me kon ong li akan, me men kasaleda ar masak Kot ni ar wiawia mau kan.
Me sokonpaudeki pein i ki kitail, pwen dore sang kitail sapung karos, o kamakelekel ong pein i aramas, me a pan sapwilim aneki, me kin nantiong wiawia mau karos.
Komail ari nantiong eta, kida sar mau ni omail poson, o ni sar mau lolekong. O ni lolekong koton, o ni koton kanongama, o ni kanongama lelapok. O ni lelapok limpok ong saulang kan, o ni limpok ong saulang kan limpok ong amen amen.
Is i me pan kaokaoe komail, ma komail dadaurata me mau?
Aramas pil sota kin isikeda lamp eu, ap ki ong pan kasak, pwe pon deu a, o a kin kamaraini toun im karos. Iduen omail marain en sansal mon aramas, pwe irail en udial omail wiawia man kan, ap kapikapinga Sam omail, me kotiluit nanlang.
Komail ari kadek rasong Sam omail me kalangan.