Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
पण आत्मा ना फोळ; मोंग करवा, खुस रेवा, सांती गम खावा, अने दया करवा, भलाय करवा, भरहो; ह़ुमाळा रेवा, अने हक मे राखवा; आवा-आवा कामु ना वीरोद मे काना बी कायदा नी हय।
एतरे जां तक मोखो जड़े अमारी आखा ह़ाते भलाय करो; खास करीन भरहो करन्या भायु ह़ाते।
नुकसान करवा वाळा बोलु ने ना वापरो, पण नीस्ता भलाय करन्या बोलु ने वापरो, के बीजा ना लेदे संयबरकत नो कारण अने ह़मळवा वाळा ना लेदे भलु हये।
एक-बीजा पोर दया करवा वाळा अने ह़ुमाळा बणीन रेवो, अने जेम भगवान मसी ना लारे तमारा गुना ने माफ कर्यो, तेमेत तमु बी एक-बीजा ना गुना ने माफ करो।
मोंग दगा वगर रेवा जोवे; बुराय सी ह़ीगी करो; अने भलाय कर्या करो।
बुराय सी ना हारो, पण बुराय ने भलाय सी जीक लेवो।
थोड़ाक माणहु केय के "आखी चीज वापरवा मारी जुगु ताले ते से" पण मारी जुगु नफा नी, नी हय, "आखी चीज मारी जुगु ताले ते से" पण आखी चीज सी भरहो पक्को नी हये।
धोको ना खावो, "गलत संगती वारला माणहु ने बगाड़ देय।"
अने भगवान आखी भाती नी संयबरकत तमने आप सके, जीनी सी तमु आखी वात मे अने आखी टेमे, जे जोवे तीहयु आखु तमारी पांह रेवा जोवे, अने बीजा नु भलु करवा जुगु तमारी पांह ढेरेत रेवा जोवे।
मारी मरजी आहयी बी से के बयरा आपणा लुगड़ा ह़ोबे एवा पेरे। अने नीम्बाळा ने छुट्ला नी राखे अने ह़ोना, मोती, अने घणा मोगा लुगड़ा सी नी। पण भला कामु सी, काहाके भगवान नी भक्ती करवा वाळा बयरा जुगु आहयुत वारु से
जे आह़फोत आनीन करते आपणी जुगु मर ज्यो, के आपणु ने आखी भाती नी बुराय सी सोड़ाय लेय, अने चोखा करीन आह़फा जुगु एवा खास माणहु बणाय लेय जे भला-भला काम मे खुस अने जोस मे रेवा जोवे।
एतरे तमु आखी भात्ये काळ्जी करीन, तमारा भरहा मे वारला गुण ने जोड़ो अने वारला गुण मे ग्यान ने। अने ग्यान मे गम राखो अने गम मे धीरज राखो अने धीरज मे भक्ती। अने भक्ती पोर भाय-बेन्या नो मोंग, अने भाय-बेन्या मे मोंग मे वदाड़ता जावो।
कदी तमु भलाय करवा मे उतवाळ्या रेहु, ता कोय तमारी कुहराय करहे?
माणहु दीवो धपाड़ीन कांगणी तळे नी मेले, बाखीन दीवलाय पोर मेले, ता तीहयो दीवो आखा घोरल्या ने वीजाळु आपे। दीवा नु वीजाळु नी तेम भबलीन तमारा भला काम बी माणहु अगळ उजन्ता हयवा देवो। तीनी सी तीहया तमारा भला काम ने देखीन ह़रगे वाळा तमारा भगवान बाह नी बड़ाय करे।
जीसम तमारो ह़रग वाळो बाह गीणाळ्ळो से तेमेत तमु बी गीणाळ्ळा बणो।