Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Montor ze gulagala Pak-Ruh ye dóraba híin óilde, muhábbot, kúci, cánti, sobór, meérbani, bálai, imandari, noromi, edde nizoré sóoñlon. Iín or hélaf honó niyom-kaanun nái.
Hétolla añára ttu mouka táite manúc beggún ore bálai goríloi, háasgori uitará re zetará Allar foribar or manúc.
Tuáñrar muk ottu honó bura hotá no neelaiyó, bólke ziín oinno zon ore ítarar zorurot mozin banaitulí bolla gom híin beh neelaiyó, zeéne fúnoya ókkole híin ottu fáida faa.
Ezzon ore ezzone meérbani goró edde feṭfurani dahó, aar ezzon ore ezzone endilla maf goró, zendilla Alla ye yó tuáñra re Mosihr bútore maf gorídiye.
Munaféki sára muhábbot goijjó. Hórafi re gín goijjó; ziyán gom híyan mozbut gori dóri táikko.
Burai re tuáñra re ziti aitó no diyó, bólke bálai lói burai re ziti aiccó.
Honókiye endilla hoibá de tákito fare, "Añr lla hárr kessú zayes," Ṭík hotá, montor hárr kessú ye manúc ore fáida no goré. Añí yó hoói faijjum, "Añr lla hárr kessú zayes," montor hárr kessú ye toh manúc ore torki no goré.
Fáki na háiyo. "Hóraf sáañti ye gom adot ókkol ore bigiṛiféle."
Alla tuáñra re aṭalikka rahámot gorí faribár kaabel, zeéne tuáñra ttu hámica hárr kessú kafí táki yore, hárr ḍóilla gom ham olla yó ódorbaára táke.
Héndilla añí yián óu saái de ki, mayafuain de nizoré izzot-córome edde forhés or sáañte izzoitta gori hoorsuor loi háñzouk, sul or binis, cúna, mukta, yáh dami hoorsuor loi no, bólke ítara endilla gori zindigi haṛouk, zendilla dindár mayafuain dor ttu gom ham ókkol gorí zindigi haṛar zorur.
Zibá ye añára lla Nizor zan dyíl de, añára re hárr ḍóilla bedini ham ottu súrai bolla, edde añára re Íba Nizor lla Nizor endilla eggwá háas koum banaitó pak-sáf gorí bolla zetará ttu gom ham goittó jus táke.
Hétolla tuáñra furafuri kucíce, nizor iman ot bálai, bálait giyan, giyan ot forhés, forhés ot sobór, sobór ot dindári, dindárit báiyali meérbani, edde báiyali meérbanit muhábbot baró.
Zodi tuáñra ttu gom mún goittó josba táke, tuáñra re hóti-goróya hon?
Honó maincé serak dórai báñir or tole raké de nái, bólke boiṛónir uore beh raké, tói híyane gór ot asé de beggún ore foór déh. Héndilla góri, tuáñrar foór maincór muúntu zolouk, zeéne ítara tuáñrar gom ham ókkol dekí tuáñrar asmani Baf or mohíma goré.
Rahám dil ola ó, zendilla tuáñrar Baf óu rahám dil ola.