Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
කිඤ්ච ප්රේමානන්දඃ ශාන්තිශ්චිරසහිෂ්ණුතා හිතෛෂිතා භද්රත්වං විශ්වාස්යතා තිතික්ෂා
පරිමිතභෝජිත්වමිත්යාදීන්යාත්මනඃ ඵලානි සන්ති තේෂාං විරුද්ධා කාපි ව්යවස්ථා නහි|
අතෝ යාවත් සමයස්තිෂ්ඨති තාවත් සර්ව්වාන් ප්රති විශේෂතෝ විශ්වාසවේශ්මවාසිනඃ ප්රත්යස්මාභි ර්හිතාචාරඃ කර්ත්තව්යඃ|
අපරං යුෂ්මාකං වදනේභ්යඃ කෝ(අ)පි කදාලාපෝ න නිර්ගච්ඡතු, කින්තු යේන ශ්රෝතුරුපකාරෝ ජායතේ තාදෘශඃ ප්රයෝජනීයනිෂ්ඨායෛ ඵලදායක ආලාපෝ යුෂ්මාකං භවතු|
යූයං පරස්පරං හිතෛෂිණඃ කෝමලාන්තඃකරණාශ්ච භවත| අපරම් ඊශ්වරඃ ඛ්රීෂ්ටේන යද්වද් යුෂ්මාකං දෝෂාන් ක්ෂමිතවාන් තද්වද් යූයමපි පරස්පරං ක්ෂමධ්වං|
අපරඤ්ච යුෂ්මාකං ප්රේම කාපට්යවර්ජිතං භවතු යද් අභද්රං තද් ඍතීයධ්වං යච්ච භද්රං තස්මින් අනුරජ්යධ්වම්|
කුක්රියයා පරාජිතා න සන්ත උත්තමක්රියයා කුක්රියාං පරාජයත|
මාං ප්රති සර්ව්වං කර්ම්මාප්රතිෂිද්ධං කින්තු න සර්ව්වං හිතජනකං සර්ව්වම් අප්රතිෂිද්ධං කින්තු න සර්ව්වං නිෂ්ඨාජනකං|
ඉත්යනේන ධර්ම්මාත් මා භ්රංශධ්වං| කුසංසර්ගේණ ලෝකානාං සදාචාරෝ විනශ්යති|
අපරම් ඊශ්වරෝ යුෂ්මාන් ප්රති සර්ව්වවිධං බහුප්රදං ප්රසාදං ප්රකාශයිතුම් අර්හති තේන යූයං සර්ව්වවිෂයේ යථේෂ්ටං ප්රාප්ය සර්ව්වේණ සත්කර්ම්මණා බහුඵලවන්තෝ භවිෂ්යථ|
තද්වත් නාර්ය්යෝ(අ)පි සලජ්ජාඃ සංයතමනසශ්ච සත්යෝ යෝග්යමාච්ඡාදනං පරිදධතු කිඤ්ච කේශසංස්කාරෛඃ කණකමුක්තාභි ර්මහාර්ඝ්යපරිච්ඡදෛශ්චාත්මභූෂණං න කුර්ව්වත්යඃ
ස්වීකෘතේශ්වරභක්තීනාං යෝෂිතාං යෝග්යෛඃ සත්යර්ම්මභිඃ ස්වභූෂණං කුර්ව්වතාං|
යතඃ ස යථාස්මාන් සර්ව්වස්මාද් අධර්ම්මාත් මෝචයිත්වා නිජාධිකාරස්වරූපං සත්කර්ම්මසූත්සුකම් ඒකං ප්රජාවර්ගං පාවයේත් තදර්ථම් අස්මාකං කෘතේ ආත්මදානං කෘතවාන්|
තතෝ හේතෝ ර්යූයං සම්පූර්ණං යත්නං විධාය විශ්වාසේ සෞජන්යං සෞජන්යේ ඥානං
ඥාන ආයතේන්ද්රියතාම් ආයතේන්ද්රියතායාං ධෛර්ය්යං ධෛර්ය්ය ඊශ්වරභක්තිම්
ඊශ්වරභක්තෞ භ්රාතෘස්නේහේ ච ප්රේම යුඞ්ක්ත|
අපරං යදි යූයම් උත්තමස්යානුගාමිනෝ භවථ තර්හි කෝ යුෂ්මාන් හිංසිෂ්යතේ?
අපරං මනුජාඃ ප්රදීපාන් ප්රජ්වාල්ය ද්රෝණාධෝ න ස්ථාපයන්ති, කින්තු දීපාධාරෝපර්ය්යේව ස්ථාපයන්ති, තේන තේ දීපා ගේහස්ථිතාන් සකලාන් ප්රකාශයන්ති|
යේන මානවා යුෂ්මාකං සත්කර්ම්මාණි විලෝක්ය යුෂ්මාකං ස්වර්ගස්ථං පිතරං ධන්යං වදන්ති, තේෂාං සමක්ෂං යුෂ්මාකං දීප්තිස්තාදෘක් ප්රකාශතාම්|
අත ඒව ස යථා දයාලු ර්යූයමපි තාදෘශා දයාලවෝ භවත|