Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Na aba bɔ honhom ne su yeɛ ole ɔdɔ, anigye, asomdwie, aboterɛ, adɔyɛ, pa yɛlɛ, gyidie, anwobraseɛ, ɔne ahohyɛsoɛ; mmeraa biala nne berɛ bɔ otia ɛhemɔ ɔ.
Yeti, mmerɛ biala bɔ yekonya ye nwo atee ne, ɛmɔma yɛyɛ mmenia mukoraati pa, ɛnga-nga bɛ bɔ yɛne bɛ bɔ abusua wɔ gyidie nanu ne.
Nnɛmɔ maa edwirɛ bɔ waporɔ fite fi ɛmɔ noanu, mmom ɛmɔha edwirɛ bɔ ɔte pa na ɔhyɛ nguraen, ɛhene yeɛ bɛ bɔ betie ne konya so mvasoɛ ɔ.
Mmom ɛmɔ huro-huro ɛmɔ nwo dwirɛ, ɛmɔnwu ɛmɔ nwo anwunvoin, ná ɛmɔfa ɛmɔ mmango bɔne bɛhyɛ bɛ, kyɛbɔ Nyameɛ nate Kristo so fa ɛmɔ deɛ kyɛ ɛmɔ koraa ne.
Nnɛmɔ maa nyaatwom ba ɛmɔ dɔ nu. Ɛmɔhyi bɔne, na ɛmɔ bata pa nwo.
Nnɛmaa bɔne di wɔ so ngunim, mmom fa pa di bɔne so ngunim.
Yɛle ye nwo atee kyɛ yɛyɛ nikye biala, nakoso nná ye mukoraati yeɛ mvasoɛ wɔ so ɔ. Yɛle ye nwo atee kyɛ yɛyɛ nikye biala, nakoso nná ye mukoraati yeɛ ɔmaa yɛnya ngɔsoɛ ɔ.
Nnɛmɔ ma bɛlaka-laka ɛmɔ, adamvoa bɔ ɔttemaye ne, ɔsɛkye suban pa.
Afei koso, Nyameɛ kɔhora kɔmaa ye adom ne kobu ɛmɔ so, kyɛbɔ ɔkɔyɛ a mmerɛ biala, ɛmɔ konya bɔ ɔkɔso ɛmɔ wɔ nikye biala nu, na ɛmɔ anya pee bafa baboka adwuma pa biala.
Sɔ ala yeɛ odikyɛ mmrasua fa anwobraseɛ ne adwene bɔ enu la berɛ wura ndadeɛ bɔ ɔfata. Nná bɔ ɛhe kyire yeɛ ole kyɛ bɛkɔbɔ bɛ ti kundaen, bɛkɔfa sikaa kɔkorɛ, agudeɛ pa, anaa ndadeɛ bɔ ye nyɔboɛ yɛ se bɛkosiesie bɛ nwo, mmom bɔ ohia yeɛ ole kyɛ bɛkɔyɛ nningyein pa bɔ ɔfata mmrasua bɔ bɛsõ Nyameɛ ɔ.
Kristo yeɛ ɔfale ye nwo bɔle afɔleɛ mane yɛ, kyɛbɔ ɔkɔyɛ a okole yɛ kofi yɛ amumuyɛɛ mukoraati nu, na wate mmenia biemɔ nwo wafa bɛ wayɛ ye bɔbɔ ye agyapadeɛ; bɛ bɔ bɛ nye gye ye nwo kyɛ bɛkɔyɛ nningyein pa ne.
Ye sɔ nati, ɛmɔbɔ mmɔden bɛfa bra pa bɛboka ɛmɔ gyidie so, ɛmɔfa nimdeɛ bɛboka ɛmɔ bra pa so, ɛmɔfa ahohyɛsoɛ bɛboka ɛmɔ nimdeɛ so, ɛmɔfa aboterɛ bɛboka ɛmɔ ahohyɛsoɛ so, ɛmɔfa nyamesom pa bɛboka ɛmɔ aboterɛ so, aboterɛ ne si ne, ɛmɔdodɔ aliemaa mɔ, na ɛmɔnya ɔdɔ bɛma ebiala.
Sɛ ɛmɔfa besie ɛmɔ nye so kyɛ ɛmɔ kɔyɛ nikye pa a, nwa yeɛ ɔkɔha ɛmɔ ɔ?
Sɔ ala yeɛ sɛ bɛsɔ kanea a, bɛmva benwura kɛndɛn bo, mmom bɛfa besie kanea bakaa so, ná wata maa ebiala anwu awuro berɛ. Sɔ ala yeɛ ɛmɔ koso, ɛmɔma ɛmɔ kanea ta wɔ mmenia nyunu, ná banwu ɛmɔ nneyɛɛ pa ne, na bahyɛ ɛmɔ Baba bɔ ɔwɔ anwuro ne anuonyam.
Ɛmɔhɔ so bɛnwu mmenia anwunvo, kyɛbɔ ɛmɔ Baba nwu anwunvo nala.