Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Ma nako 'o nyawa gee 'o Ngomasa 'Itebi-tebini yakiparetano ge’ena ma duanguku koneda: 'Ona yomasikabosono, kayomore-morene, manga singina 'isa-sanangi, manga sabari 'iamoko de yoduaka yoriwo, manga singina 'isure 'o nyawaka, de manga singina 'iboooto, manga singina 'ima’ai, de ya’akunu yapareta manga nyafisuu. Ne’ena 'iodumu 'o 'agama ma besesongo koi’iwa koisidabiwa.
So kokia naga ma do’ingo nanga 'orasi ka de ma 'enasi, ge’ena salingou nanga gokoie yaowa 'o nyawa 'iodumika, 'ifoloiosi nanga 'esa moika gee ka 'o ngo-ngaku moi.
Nako ngini niobicara, 'uwa niopake 'o demo-demo 'ito-torou. Ma 'ena niapake 'o demo-demo gee yaowa-owa, gee yakisikuata de yakiriwo 'o nyawa 'iregu. 'O demo-demo koge’ena 'asa yakisidadi laha 'o nyawa-nyawa gee yo’ise-'isene.
Ma 'ena ngini salingou nia singina 'isure de nimakadora moi de moi, de 'uwa niosi-singina 'o nyawa manga sowono nginika, 'isoka ma Jo’oungu ma Dutu mita kowosi-singinawa to ngini nia sowono. 'Una kowosi-singinawau nia sowono, ma ngekomo pomarimoiokau de ma Kristus.
Niakidora 'o nyawa ge’ena salingou de nia singina ma gou-goungu. Niodu’uduku 'o dorou, de nimasiga-gao gee yaowa-owaka.
'Uwa nimasidipidilika 'o dorou nilaku, ma salingou ngini nialaku 'o dorou, ma ngekomo niadiai yaowa-owa.
'O nyawa yongose 'ato, << 'O sagala moi-moi kaidadi podiai moteke ngone.>> Ge’ena ma goungu. Duga koiodumuwa padi-diai ge’ena de ma faedaaka. Bolo yongose 'ato, <<Ngone kaidadi podiai 'okia naga bato moteke ngone.>> Ma koiodumuwa ge’ena nanga ngo-ngaku yosikuata.
'Uwa niomaha-mahaka 'o nyawa nisihaga! Niogiamanai de 'o nyawa gee manga di-diai 'ito-torou, dua 'asa nia di-diai 'itorou.
Ma Jo’oungu ma Dutu wokuasa wokula nginika 'o co-catu padoimi pa’akunuwa, la ngini kaitaurika de ma 'ena 'okia naga gee niaparaluu; de ngini 'asa 'ifoloika niodiai yaowa-owa de niotabariwo.
De tomau la 'o nge-ngeweka tanu yomapake ka biasa. De yomapakeangi 'uwa 'o 'adati yaparene. Manga utu 'uwa yakadiai kaifoloi, manga roesino 'uwa yosipake 'o saaka bolo 'o mustika, bolo 'o pakeangi 'ihali-hali. La 'ena salingou yomasipake de 'o gokoie yaowa-owa 'isoka kokia naga yadaene 'o nge-ngewekaka gee yosuba-suba ma Jo’oungu ma Dutuka.
'Una womasisarakani wosongene ma ngale wonariwo wonasipidili 'o sagala dorouoka. De wonadiai 'o 'umati 'itebi-tebini de 'idadi ka to 'unau wi rongamoi gee poma-magae podiai yaowa-owa.
Sababu ge’ena salingou niongaku de ma goungu ma Kristusika de nia ngo-ngaku ge’ena niosikuata de 'ania 'ahu yaowa-owa. 'Ania 'ahu yaowa-owa ge’ena salingou niositotomo de 'o barija. De 'o barija salingou niositotomo de 'o guata ma ngale niapareta nia singina de nia roese. 'Iregu de ge’ena, salingou niotahani niodaari 'okia sonaa moi-moi. De niotahani niodaari 'okia sonaa moi-moi, salingou nio’ahu moteke ma Jo’oungu ma Dutu 'awi mau De nio’ahu moteke ma Jo’oungu ma Dutu 'awi mau, salingou 'isitotomo de 'o dora nia 'esa moika gee ka 'o ngo-ngaku moi. 'Asa de nia dora nia 'esa moika gee ka 'o ngo-ngaku moi, salingou niosiganapu de nia dora 'o nyawa 'iodumika.
Nago’ona yomau yodiai 'o dorou nginika, nako ngini nioduaka niodiai yaowa-owa?
Komoiwa 'o silo yatuuika de 'o pa’udi yositamunuku, ma 'ena ma ngiioka yositodenguku la 'o nyawa 'iodumu 'o woa ma dodaka gee yomasimake. Koge’enali mita nia darangi ge’ena salingou 'isiwara 'o nyawaka, la 'ona yamake 'okia sonaa niodi-diai yaowa-owa ge’ena, de wisitedene nia Dea 'o sorogaaka.>>
'Ania Dea ma Jo’oungu ma Dutu 'una ge’ena wadora 'o nyawa, so ngini mita salingou niakidora 'o nyawa!>>