Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Nayi, ɛ fala ɲaxine yiba,
e nun wulena.
I yigin sa Alatala yi,
i yi fe faɲin naba.
Nayi, i luyɛ yamanani nɛn,
i yi sabati bɔɲɛ xunbenli.
N mɔn laxi ito ra:
n na Alatalaa nɛmaan toma nɛn dunuɲa yi.
Alatala, i xaxili lu i ya kininkininna nun hinanna xɔn
bayo e yi na xabu a fɔlɔni.
I nama i miri n ma foningeya yulubine nun matandine ma!
N suxu i ya hinanni,
amasɔtɔ i fan, Alatala.
Alatala feen birin ligama tinxinna nin.
A hinan a kɛwanle birin yi.
Xa i n xuiin namɛ,
i tinxinna nun kiti sa kɛndɛn
nun fe faɲin nun kira faɲin birin famuma nɛn.
Muxun waxi hinanna nan xɔn,
anu, yiigelitɔɔn fisa wule falan xa.
Muxun na lugo Alaa Nii Sariɲanxin na, kɛwanli itoe nan findima a bogin na: xanuntenyana, sɛwana, bɔɲɛ xunbenla, diɲana, ɲɛnige faɲina, fanna, tɔgɔndiyana, limaniyana, yɛtɛ suxuna. Tɔn mi dɔxɛ na feene ra.
Nanara, xa a fɛrɛna en xa, en xa fe faɲin liga muxune birin xa, koni katarabi en ngaxakeden dɛnkɛlɛya muxune nan ma.
Ɛ nama fala kobi yo ti fɔ fala faɲin tun naxan muxune maliyɛ e hayun naxan ma, alogo na xa findi hinanna ra a ramɛ muxune xa.
Ɛ fanna nun kininkininna yita ɛ bode ra. Ɛ yi ɛ bode mafelu alo Ala bata ɛ mafelu Alaa Muxu Sugandixin barakani kii naxan yi.
Ɛ xanuntenyaan nama findi nafigiyaan na. Ɛ ɛ mɛ fe ɲaxin na. Naxan fan, ɛ na suxu ken!
I nama tin fe ɲaxin xa i nɔ. Koni fɔ i xa fe ɲaxin nɔ fe faɲin xɔn.
Ɛ naxa, "Feen birin daxa nxu tan xa." Koni tɔnɔ mi feen birin yi. Ɛ naxa, "Feen birin daxa nxu tan xa," koni feen birin xa mi en malima.
E nama ɛ mayenden amasɔtɔ, "Xɔyi ɲaxine sɔn faɲin kalama nɛn."
Ala nɔɛ ɛ kiyɛ nɛn a hinan dɛfexini alogo a xa ɛ makone fan feen birin yi waxatin birin, nde mɔn yi lu ɛ yii wali faɲine birin kɛdeni.
Na kiini, ɲaxanle xa e maxidi ki faɲini xurun nun yɛtɛ suturani. E nama e yɛtɛ rayabu e xunna dɛnbɛxin nun xɛmaan nun gɛmɛ tofaɲine nun dugi sare xɔdɛxɛne ra. Koni e xa rayabu e kɛwali faɲine nan xɔn, alo a lan ɲaxanle ma kii naxan yi naxanye a falama e Ala binyaxi.
A bata a yɛtɛ fi en ma fe ra alogo a xa en xunba en ma sariya suxutareyaan birin yi, a yi yama rasariɲanxin sɔtɔ a yɛtɛ xa, naxanye sɔbɛ soxi wali faɲine rabaan ma.
Na ma, ɛ kata ɛ sɛnbɛn birin na, ɛ sɔn faɲin sa ɛ dɛnkɛlɛyaan fari, ɛ kolonna sa sɔn faɲin fari. Ɛ yɛtɛ suxun sa ɛ kolonna fari. Ɛ tunnafanna sa yɛtɛ suxun fari. Ɛ Ala kolonna sa tunnafanna fari. Ɛ ngaxakedenyaan marafanna sa Ala kolonna fari. Ɛ xanuntenyaan sa ngaxakedenyaan marafanna fari.
Xa fe faɲin kunfana ɛ yi, nde nɔɛ fe ɲaxin ligɛ ɛ ra?
Alatala ito nan falaxi,
a naxa, "Ɛ ti kirane xɔn,
ɛ yi e mato.
Ɛ maxɔdinna ti lan singe ra kirane fe ma,
ɛ naxa, ‘Kira faɲin minɛn?’
Ɛ yi siga na xɔn.
Ɛ matabuden sɔtɔma nɛn na yi ɛ niin xa.
Koni ɛ yi a fala, ɛ naxa,
‘Nxu mi sigama na kiraan xɔn.’
Alatala fan.
Luxunden nan a tan na tɔrɔ waxatine yi.
A yengi muxune xɔn
naxanye na e yigiya a yi.
Muxu yo mi lɛnpun nadɛgɛ, a a raso deben bun ma. Koni fɔ lɛnpun xa dɔxɔ seen nan fari. Nanara, a kɛnɛnna fiyɛ banxi kui kaane birin ma. A na kii nin, ɛ kɛnɛnna xa yanban yamaan yɛtagi alogo e xa ɛ wali faɲine to, e yi ɛ Fafe Ala binya ariyanna yi."
Ɛ kininkinin alo ɛ Fafe Ala kininkininxi kii naxan yi."