Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
आखी चुखली सास्तुर भगवानेन अगवाय सीत तेरा लिखंद्रा माणसेन साहरे लिखलो छे, ने ज चुखली सास्तुर माणसेक सीकाड़ने करीन, ने समजाड़ने करीन, ने सुदारने करीन, ने धरमेन वात टेवाड़ने करीन बेसकी काम की छे। हेरेन करीन की भगवानेन भक्ती करन्यु चुखलो सास्तुर हुनर सी वारु कामे लावीन, आखा भला कामे करने करीन तीयार हय जावु।
तु नानलु हतलु ती सीत चुखला सास्तुरेन वात काजे सीक्तु आय रयु, ने सास्तुरेन वात काजे मान्तु आय रयु। हेरेसी तु जाणे की जी सीकापण चुखली छे, चुखला सास्तुरेन वात तुसे काजे तीना छुटकारान अक्कल आपी, जु छुटकारु ईसु मसी पर भुरसु करने सी जड़े। आखी चुखली सास्तुर भगवानेन अगवाय सीत तेरा लिखंद्रा माणसेन साहरे लिखलो छे, ने ज चुखली सास्तुर माणसेक सीकाड़ने करीन, ने समजाड़ने करीन, ने सुदारने करीन, ने धरमेन वात टेवाड़ने करीन बेसकी काम की छे। हेरेन करीन की भगवानेन भक्ती करन्यु चुखलो सास्तुर हुनर सी वारु कामे लावीन, आखा भला कामे करने करीन तीयार हय जावु।
बाकुन आखा सी पेहल गुयो जाणी लेवु की चुखला सास्तुरेन कुय बी आवणे वाळी वात भगवानेन अघी सी आवणे वाळी वात देखान्या बी खुद आपणे वीच्यार सी नी कह्वे। काहाकी कुय बी भगवानेन अघी सी आवणे वाळी वात देखाड़ने वाळा बी आपणी मरजी सी कदी नी कह्वे बाकुन भक्त जणा चुखली-आत्मान साहरे उभरीन जाय्न भगवानेन भीणी सी बुल तेला।
भगवानेन छाचला बुल काजे वारु रीते कामे लावणे मां ने भगवानेक चाहजे असो काम करने मां काळजी कर; तत्यार ते तु भगवानेन एक वारलु पावर्यु कहवायसी, ने तुसेक सरमायणु नी पड़े।
खुस-खबरेन परचार तु करतु रव; ने टेमे ने बे टेमे बी खुस-खबरेन परचार करने करीन तीयार रव। छाचली सीकापण काजे वारु कामे लावीन ने गम खातु जाय्न, गलत काम करे तीनुक लड़ीन समजाड़, ने गलत वातेन वीरुद करीन जाळवीन रहणे सीकाड़, ने वारु काम करन्यान हिम्मत दे।
जत्यार लग मे नी आवो; तत्यार लग नी माणसे काजे खरली सास्तुर भणीन सामळावतु रव, ने तेरेत अनसारे तीनुक समजाड़तु रव, ने सीकाड़तु रव।
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
काहाकी भगवानेन बुले जीवतेला, ने ताकतवाळा, ने काहनी बी पाणी पावली दुय धारी तलवार सी बी अदु धारवाळा चर-चर छे। चे बुले हामरा जीवन उंडारा मां उतरी जाय, ने जीव-आत्मा मां भराय जाय, ने हाटकान गाठो मां भराय जाय, ने हाटकान गीर मां बी भराय जाय; ने माणसेन मनेम वाळी वात काजे ने वीच्यार काजे पारखी लेय।
सरग ने धरती टळ जासे, बाकुन मारी वाते कदी नी टळे।
बाकुन ईसु भुतड़ाक जपाप आप्यु की, "खरला सास्तुर मां लिखलो छे, माणुस नीस्तु रुटा खाय्न नी जीवे, बाकुन हरेक तीना बुल सी जीवे जो भगवानेन मुंहडाम सी नीकळे।"
ए भगवान बास तारा बुल चुखला छे ईना छाचला बुल सी ईनुक तारी सेवा वाटे चुखा करीन तीयार कर।
तुहुंं चुखली-सास्तुर मां चाळवीन भन्ने हामु काजे अमर जीवन जड़से, असु वीच्यार करीन तुहुंं चुखली-सास्तुर काजे चाळवीन भण्या बाकुन जीत चुखली-सास्तुर मारा बारामां असी गवा देदी आय रय की जु आवणेवाळु छे, हयुत अमर जीवन आपण्यु छे!
बाकुन मालीकेन बुल जलम पीड़ीडीट काठो रवसे।"
ने जुत खुस-खबरेन बुल छे तुहुंंक सामळ्या गीलो हतलो।
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
चे बीरीया सहर वाळा थीसलुनीकीया सहर वाळा माणसे सी वदु वारु हतला ने चे बेसका मन लागाड़ीन भगवानेन बुल सामळ्या ने पोलुस कह्यु ची वात सय हय की नी हय करीन खरला सास्तुर मां हेरीन दाहड़ीन पारखतेला।
चां पोलुस आपसी टेमेन अनसारे तीनु काजे मेळने गुयु ने तीना आरामेन दाहड़े लग तींद्रे साते चुखला सास्तुरेम सी वात देखाड़ीन दाखलु दी-दीन वात मां माथा-पच्ची हय गुय। ने दाखला भेळु सास्तुरेन वाते काजे समजाड़्यु की ईसु मसी काजे दुख झेलने ने मर्या-सर्या मां सी जीवतो हवणु जरुड़ी छे, "ने चु ईसुत मसी छे तेरे बारामां परचार करे।"
फीलीप्पुस दवड़ीन तेरेन्चां गुयु ने चु तीनाक भगवानेन अघली वात बताड़ने वाळु यसायान किताप भणतेलु सामळ्यु, ने तीनाक पुछ्यु, "तु जी वात भन्ने बाजी रयु, जी वात समजी रयु काय?" चु अधीकारी जपाप आप्यु, "जत्यार लग कुय मेसेक नी समाजड़े, ती लग मे कसु समजो?" ज कयदीन चु फीलीप्पुस काजे आपसी घुड़ागाडी पर चड़ावीन बठाड़ लेदु। खरला सास्तुरेन ज पाठ चु भन्ने बाजी रवलु,
च पाठ ज हतलो तीना काजे गाडरान तसा मारने करीन ली गुया,
ने जसों गाडरो तेरा कान्या काटणेन टेमे हुगो हय रवे, तसुत चु हुगु हय रयु,
ने आपसो मुंहडो लग नी उगाड़्यु।
ती फीलीप्पुस ईनी खरली सास्तुरेम सी सुरु करीन ईसुन खुस-खबर सामळायु।
ती ईसु तीनुक कह्यु, ए डेड़-अकल्या! तुहुंं भगवानेन अघी सी वात बताड़न्या माणसेन वात पर, भुरसु करने मां अतरा कम अकल्या काहा बण गुया! मसी ईसु काजे दुख झेलीन, तेरी सेक-सींगार मां पछो भरायणु वारु नी हय काय? ने ईसु मुसान लिखली सास्तुर मां सी ने भगवानेन अघी सी आवणे वाळी वात बताड़ने वाळा माणसेन सास्तुर मां सी चोवे-चोव दीसरा आखा खरला सास्तुरेम सी आपसान बारामां जो काय लिखलो छे, चो आखो तीनुक समजाड़्यु।
ईसु हींद्रे धड़े आवीन कह्यु, "सरगेन ने धरतीन आखु हक मेसे जड़लु छे। तेरेमां तुहुंं जावु, ने आखी जातीन माणसे काजे चेला बणावु; ने तीनुक बास, ने पुर्यु, ने चुखली-आत्मान नाव सी बपतीस्मा देवु, ने तीनुक आखी वात जी मे तुहुंंक हुकुम आपो, मान्ने सीकाड़। ने देखु, मे कळीन खत्तम हवणे लग जलम मे तुंद्रे साते रवीस।"
ने वाट्ये चालता-चालता असो परचार करु, की सरगेन राज धड़ेत आय गुयलो छे!
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
मे युहन्नु हर एक काजे, जु ईनी कितापेन हवणे वाळीन वाते सामळे, गवाय दम; कदी काहनुक माणुस ईनु वाते मां काहींग बड़ावे ती भगवान तीनु गरा काजे ज ईनी किताप मां लिखलो छे, तीनु पर बड़ावसे। ने कदी काहनुक ईनी हवणे वाळीन कितापेन वाते मां सी नीकाळसे, ती भगवान तीना जीवनेन झाड़को ने चुखलो सहर मां सी, तेरी खुलीन वात ईनी किताप मां छे, तेरु भाग नीकाळ देसे।
मे चकराय गुयु की जु तुहुंंक ईसु मसीन गीण-दया सी बुलावलु चां सी अतरा छाटा पछा वळीन दीसरी भातीन खुस-खबर भीणी वळने लाग गुया। बाकुन दीसरी खुस-खबर हय्त नी, बाकुन वात जी छे की बेसका असा छे, चे तुहुंंक घाबराड़ी देय, ने ईसु मसीन खुस-खबर काजे बीगाड़ने हींडे। बाकुन ईसुन जी खुस-खबर, हामु तुहुंं काजे सामळावला छे, तीनी खुस-खबर काजे छुड़ीन, काहनु बी तुहुंं काजे दीसरीत खुस-खबर सामळावे, तीना पर जलम की गरा आय पड़नु चाहे, भले चे, हामु हय ते ने, भगवानेन सरग वाळा काहवाळ्या हय ते। जसा हामु तुहुंंक पेहलुत कय देदला, तसुत मे हय अळी कहो की, कदी तीनी खुस-खबर काजे छुड़ीन कुय बी, दीसरीत खुस-खबर सामळावे, ती तेरे पर गरा आय पड़नु चाहजे।
ने हामरे मालीक दम धरी र्यु ती छुटकारु समजे, जसा हामरा लाटेक्ला भायस पोलुस बी हीना अकलेन अनसारे जे हीनाक जड़लो, तुहुंंक लिखलु छे। असात हीयु आपणी आखी पत्री मां बी हीना वातेन पंचाती करली छे, जेरेमां काय वात असी छे तींद्रो समजणु काठो छे, ने कम-सीकला ने नी-भन्नला माणसे बीगाड़ देय जसा की चे दीसरी चुखला सास्तुरेन चिट्ठीन दत थता मतलब नीकाळता रवे जेरेसी चे खुद आपणात नास कर लेय।
जतरी वाते पेहेलुत सी खरला सास्तुर मां लिखलो हतलो, च आपणु काजे सीकाड़ने वाटे लिखली हतली की आपणु दम धरीन ने चुखला सास्तुरेन सांतीन साहरे आस राखजे।
पछेन तीना पर चे भुरसु नी कर्या, चे हेरो नाव कसा लेसे? ने तेर बारामां सामळ्या नी तीना पर कसा भुरसु करसे? ने परचार सामळावन्या पाखुर कसा सामळसे? ने कदी मकली नी जाय, ती कसा परचार करसे? जसों लिखलो छे, "हींद्रा पाय बेसका वारु छे, जे वारलु वातेन खुस-खबर सामळावे।" बाकुन आखा तीना खुस-खबर पर कान्टा नी लागाड़्या यसायु कहें, "ए मालीक कुण आपणा खबर पर भुरसु कर्या?" अळतेन भुरसु सामळने सी ने सामळावनु मसीन बुल सी हवे।
काहाकी मे खुस-खबर सी नी सरमांयो, हेरे सी की चु आखा जणा जे भुरसु करने वाळा वाटे, पेहेल ते यहुदी अळतेन नी-यहुदी वाटे, छुटकारान करीन भगवानेन ताकत छे। काहाकी हेरे मां भगवानेन वारलु भुरसा सी ने भुरसा वाटे देखाये; जसों लिखलो छे, "भुरसा सी वारलु माणसे जीवता रवसे।"
बाकुन हामु कळीन आत्मा नी, बाकुन ची आत्मा जड़ली छे जी भगवान भीणी सी छे की हामु हीनुत वात काजे जाणजे ज्य भगवान हामु काजे आपलु छे।
जीनु काजे हामु माणसेन अकलेन सीकाड़ली वातो मां नी, बाकुन आत्मान सीकाड़ली वातो मां, आत्मा मां भरायला वातो सी भेळा करी करीन समजाड़े। बाकुन डीलेन माणुस भगवानेन आत्मान वात काजे हुकारु नी भरे काहाकी चे हेरे देखणे मां डेड़-अकल्या वात छे, ने नी चु हीनुक जाण सके काहाकी हींद्री पारख आत्मा मां भरायला रीत सी हवे।
काहाकी जत्यार भगवानेन अकलेन अनसारे कळीन अक्कल सी भगवान काजे नी जाण्या, ती भगवान काजे ज्य वारु लाग्यो की ईनी परचारेन डेड़-अकल्यान साहरे भुरसु करने वाळा काजे छुटकारु देय।
यहुदी माणसे ते सहलाणी चाहावे, ने युनानी माणसे अकलेन हेर मां रवे, बाकुन हामु ते हीना कुरुस पर चड़ाय गुयला मसीन परचार करजे, जे यहुदीया वाटे ठुकरेन वजे बणे ने नी-यहुदी वाटे डेड़-अकल्या छे; बाकुन जे बुलाय गुयला छे, काय यहुदी काय नी-यहुदी, हींद्रे साते मसी भगवानेन ताकत ने भगवानेन अक्कल छे।
काहाकी मसी मेसे बपतीस्मा आपणे करीन नी, बाकुन खुस-खबर सामळणे करीन मकेल्लु छे, ने गुयो बी बुलेन अकलेन अनसारे नी, असो नी हवे की मसीन कुरुस फालतु रवे।
बाकुन तुहुंं नेवाड़ला खानदानी छे, ने राज पाट वाळा पुजारा ने चुखला माणसेन टुळु छे, ने भगवानेन वारलु माणसे छे, हेरेसी की भगवान तुहुंं काजे आंदारला मां सी बेसका मटा वीजाळा मां बुलावलु छे हेरा गुण देखाड़ु।