16 Masonama mamvimba mafuma ku Nzambi, mpe madi mfunu mu longa, mu semba, mu sungika na mu haana ndongosolo mu lunungu. 17 Mwanki muntu wu Nzambi kaba wulongoka na wukubama, mu sala kyonso-kyonso kisalu kimbote.

15 Tuuka bumwana bwaku, ngeye zebi Masonama Malongo. Malenda kuhaana ndwenga mu baka mpulusu mu kiminu mu Yesu Klisto. 16 Masonama mamvimba mafuma ku Nzambi, mpe madi mfunu mu longa, mu semba, mu sungika na mu haana ndongosolo mu lunungu. 17 Mwanki muntu wu Nzambi kaba wulongoka na wukubama, mu sala kyonso-kyonso kisalu kimbote.

20 Tekila mimvimba, tomeeno zaba ti: kunaani muntu lendi bangula mu madyela ma yandi bende mbikudulu zi Masonama. 21 Mu dyambu ti kunaani mbikudulu yifumini mu luzolo lu muntu yandi bende. Kansi mu lusadusu lu Mpeve Yilongo, bantu babikula misamu mifuma ku Nzambi.

15 Sadila ngolo mu ba kisadi kimbote ha meso ma Nzambi, bonso kisadi kina lembolo yena nsoni mu kisalu kyandi, kina samuna mu ludedomo Mambu mandi makedika.

2 longa mambu ma Nzambi, mpe tatamana mu longa mo mu ntangu yimbote hoti yimbi. Sungika, semba na syamisa mu ndongosolo na mu luvibudulu lulwingi.

13 Tekila niza, fweti sa kimfuzi mu tangilanga minkwikidi Mambu ma Nzambi, mu basyamisa, na mu balonga.

12 Wukedika ti Mambu ma Nzambi moyo na ngolo madi. Mavudidi meeno kuhyoka mbele yiyila yilwenga, yii na meeno mu ndambu ka ndambu. Mambu ma Nzambi makwe kotanga natee bu mahambula mwela na mpeve, makolo ma bihisi na muhuba. Kwe yenikisanga nsatu na mabanza maa ku nsye mutima wu muntu.

35 Yulu na butoto byaahyoka, kansi mambu mani maahyoka ko.

4 Yesu wumuvutudila ti: «Basonika: "Luzingu lu muntu luu kaka mu dimpa ko, kansi mu mpova zimvimba zikwe duukanga ha munwa wu Nzambi."»

17 Babyeka mu kedika. Mambu maku maa kedika.

39 Lukwe fyongoninanga Masonama mu dyambu ti mu mabanza meno, mwamomo lwaabakila luzingu lu mimvu ka mimvu. Nkyongono ni mamomo ma kwe nteelanga kimbangi.

25 kansi Mambu ma

Mfumu makwe sikilanga

mimvu ka mimvu.»

Mambu bemomo ni Musamu Wumbote wubalusamunina.

11 Yawu baba na mitima mimbote kuhyoka Bayudayo ba mbanza yi Tesalonika. Batambula mambu ma Nzambi mu nkatika vema. Mpe kadi kilumbu, bedi fyongoninanga Masonama, mu zaba tala ti mi bedi bateelanga miba mi kedika.

2 Bonso buba kifu kyandi, Pawuli wukota momo. Zisaba zitatu kasa mu mokananga nawu mu myo mitadidi Masonama, 3 wedi bangudilanga na wedi balonkanga ti Mesiya fweti yena mpasi na fweti fuluka mu bafwa: «Kedi bateelanga ti Yesu wunina lusamunina, ni yandi wuu Mesiya.»

30 Filipi wuyenda mu ntiinu na wuyuwa mwisi-Etyopi wedi tanga buuku di mumbikudi Yesaya. Wumufuula ti: «Nga wuna bakula myo mi wuna tanga e?» 31 Wuvutula ti: «Bwedi ndendi bakudila myo tala ti ku nani muntu wa mbangudila myo e?» Ni kalomba ku Filipi kaalu na kazakala ha ndambusu andi. 32 Kibuku ki Mambu ma Nzambi ki kedi tanga kita ebu:

«Wuba bonso dimeme di bana nata mu kwe honda,

bonso Mwana Dimeme, wuna lembolo lokana ha ntadisi yi yondowo wuna mukatula mika,

kazibula munwa ko.

35 Filipi wuzibula munwa na wutona mu musamunina Musamu Wumbote wu Yesu mu bibuku bi Mambu ma Nzambi bemomo.

25 Buna wubateela ti: «Kyadi ku yeno lulembolo ba na madyela, mitima myeno mikwe tumbu kwikilanga ko mu myo mimvimba mizonza mimbikudi! 26 Nga bufweni ko ti Klisto kayena mpasi bezozo teekila kakota mu nkembo andi e?» 27 Mboki wubahaana mbangudulu yii mu Masonama mamvimba mi mu tadidi yandi, kutonina ku buuku di Mose natee ku mabuuku ma mimbikudi mimvimba.

18 Yesu wufinama ha baba na wubateela ti: «Bampeeni lulendo lumvimba lu ku yulu na lu ha butoto. 19 Yendeeno mu nsi zimvimba, lusa ti bantu bamvimba bakituka milongoki myani, lubabotika mu nkumbu yi Tata na yi Mwana na yi Mpeve Yilongo, 20 na lubalonga bakeba mimvimba mi nalusikidikisi. Mpe meno, ni neeno bilumbu bimvimba natee ku nsukunu yi nza.»

7 Yendeeno, longeeno na teeno ti: "Kimfumu ki mazulu kyeka lukufi!"

18 Meno nina ta kimbangi ku kadi muntu wuna yuwa mpova zi mbikudulu di buuku bedidi: tala ti muntu bwesidi mwa mpova momo, Nzambi waamubwesa mayeela ma basonikini mu buuku bedidi. 19 Mpe tala ti muntu katudi mpova zi mbikudulu zi buuku bedidi*, Nzambi waakatula kikunku kyandi mu mbutu zi muti wu luzingu na mu mbanza yilongo bonso bu wudi wusonama mu buuku bedidi.

6 Meno nina yituku mu manzangu ma lubeki mu nyafuna Nzambi, yondowo wu lutumisi mu mambote ma Klisto, bu lubangumukini mu landa musamu wumbote* wuhiika. 7 Kaani, kunaani musamu wuhiika wumbote, kansi kuu na bantu batiidi mu nata mvwanzi ha kati dyeno na batiidi mu vwanzikisa Musamu Wumbote wu Klisto. 8 Kansi, tala ti yeto hoti mbazi yi fumini ku yulu, yizidi mu luteela Musamu Wumbote wuswaswana na myomyo mi tulusamunini, bika kasingu! 9 Watuteka luteela, nabwesi ta wo dyaka: tala ti muntu wu lusamunini Musamu Wumbote wuswaswana na wo wulutambudi, bika kasingu!

15 Zabeeno ti luvibudulu lu Mfumu eto luna luhaana mpulusu. Pawuli, mpangi eto yizola, wutusonikina wo mu ndwenga zi muhaana Nzambi. 16 Myamyomyo mi kasonika mu mikanda mimvimba mu kana zonzila dyambu bedyodyo. Muu na misamu momo mii mpasi mu bakula, mpe bantu balembolo zaba na baa na mabanza yeku-yeku bana kituula myo mbangudulu, bonso bu bana sanga mu bibuku bihiika bi Masonama. Mu nsadulu beyoyo bana kota mu nzimbukusu awu.

4 Mu dyambu ti, misamu mimvimba bemyomyo misonama mu ntama, misonoko mu tuhaana ndongosolo, mwanki mu mvibudulu na nsyamusunu yikwe haananga Masonama, tuba na kivuvu.

14 Kansi bwedi balendi tumisina Mfumu, tala ti bakwikidi mu yandi ko e? Mpe bwedi balendi kwikila mu yandi, tala ti bamuyudi ko e? Mpe bwedi balendi muyuwila, tala ti kunaani muntu wuna musamuna e? 15 Mpe bwedi balendi musamunina, tala ti batambikidi muntu ko e? Bonso wudi wusonama: «Oo! Budi bumbote mu yena bantu bana kwiza, bana kwe samuni misamu mimbote!» 16 Kansi, bamvimba batambudi Musamu Wumbote ko. Yesaya wuta ti: «Mfumu, nani kwikidi mu ndongosolo eto e?» 17 Buna kiminu kikwe fumanga mu myo mi tukwe yuwanga, mpe myo mi tukwe yuwanga, mikwe fumanga mu Mambu ma Klisto.

16 Nii na nsoni ko mu mwangisa Musamu Wumbote, mu dyambu ti wudi lulendo lu Nzambi mu vuukisa yondowo kwikidi, Muyudayo ntete, mboki lembolo ba Muyudayo. 17 Mu dyambu ti ni Musamu Wumbote wukwe lonkanga lunungu lu Nzambi mu nzila yi kiminu na mu kiminu kwandi bonso bu wudi wusonama ti: «Muntu wulunungu waazinga mu kiminu.»

12 Yeto tutambula Mpeve yi nza beyiyi ko, kansi Mpeve yi tutambula, ni yikwe fumanga ku Nzambi, mwanki tuzaba minkayulu mi tuhaana Nzambi mu mulemvo andi. 13 Yeto tukwe zonzilanga mu mpova zikwe longanga ndwenga zi kimuntu ko, kansi mu ndwenga zikwe longanga Mpeve yi Nzambi. Bwabobo tukwe bangudilanga misamu mi kimpeve mu mpova zi kimpeve.

14 Yondowo kwe sikidilanga kaka mu ndwenga zandi zi kimuntu, kalendi tambula bima bikwe fumanga ku Mpeve yi Nzambi ko: ku yandi bo bulahuki budi, mpe kalendi bye bakula ko, mu dyambu ti ni mu kimpeve kwandi bakwe bakudilanga bo.

21 Kedika, bantu na ndwenga zawu zimvimba, balembakani mu zaba dyaka Nzambi hoho ha kedi yenikisa ndwenga zandi. Ni hahoho Nzambi kabongila nzengolo ye vuukisa yobobo bana sa kiminu mu ndongosolo beyoyo yi bana yena ti yi bulahuki.

22 Bayudayo bana lomba bidimbu bingitukulu, na bangeleke bana sosa ndwenga, 23 kansi yeto, tuna samuna Klisto wu bakoma ha kulunsi: wudi musamu wuna tesisa Bayudayo masakuba na bulahuki ku balembolo ba Bayudayo. 24 Kansi ku yobobo Nzambi bakatumisa, ni haba ti Bayudayo hoti yobobo balembolo ba Bayudayo, Klisto ni lulendo na ndwenga zi Nzambi.

17 Meno Klisto kamfidisa mu botika ko: wumfidisa mu samuna Musamu Wumbote, ka mu sadila ndwenga zi kimuntu ko, mwanki lulendo lu lufwa lu Klisto ha kulunsi lulembolo ba bonso kima kimpamba.

9 Kansi yeno, ludi kanda disoolo, zinganga-Nzambi zi ntinu, nsi yilongo, mpe mukangu wuvwihu ku Nzambi. Wulubookila mu katuka mu kitombe mu kwiza ku kya kwandi kungitukulu, mwanki lusamuna mavanga mandi mambote.